PAM ASTUDIO TGAU CELF A DYLUNIO?

Mae Astudio Celf a Dylunio yn darparu mynediad i amrywiaeth ddigynsail o arbenigeddau a sgiliau.

• Ceisio datrysiadau creadigol drwy ddefnyddio deunyddiau a thechnegau yn ddeallus, â dychymyg ac yn arbrofol;

• Datblygu eich gwybodaeth a’ch dealltwriaeth o sut mae celf a dylunio yn gweithredu ac yn cael ei werthfawrogi mewn diwylliannau amrywiol ac yn ystod gwahanol gyfnodau;

• Datblygu ymdeimlad o ymholi, y gallu i gymryd risgiau ymarferol a deallusol, i wneud penderfyniadau ystyriol;

• Gwneud dyfarniadau ansoddol esthetig a diwylliannol;

• Mynegi eich rhesymau dros ddewis;

• Ymgysylltu â chelf a dylunio yn y byd cyhoeddus.

PA SGILIAU FYDDAF YN EU DATBLYGU?

Byddwch yn dysgu defnyddio ystod eang o gyfryngau, technegau, offer a phrosesau yn dibynnu ar ba lwybr a ddewiswch. Byddwch yn datblygu’r sgiliau i greu arteffactau - boed hynny’n peintio, dylunio ffasiwn,  cerameg neu gwaith 3D. Byddwch yn dysgu sut i ddatblygu prosesau creadigol a dulliau gweithio i ddatblygu'r canlyniadau gweledol o'ch dewis. Byddwch hefyd yn dysgu ac yn deall am weithio'n annibynnol i ddatblygu eich syniadau eich hun. Trwy hyn i gyd, byddwch yn dod yn ymwybodol o gynaliadwyedd mewn celf a dylunio yn ogystal â dealltwriaeth ddyfnach o ddiwylliant a hunaniaeth.