Pam dewis TGAU Bwyd a Maeth?

 Mae TGAU Bwyd a Maeth CBAC yn rhoi'r wybodaeth, y ddealltwriaeth a'r sgiliau sydd eu hangen arnoch chi i goginio a chymhwyso egwyddorion gwyddor bwyd, maeth a bwyta'n iach. Bydd yn eich annog i goginio amrywiaeth o seigiau a bydd yn rhoi'r wybodaeth a'r ddealltwriaeth ofynnol i chi er mwyn eich caniatáu i wneud penderfyniadau gwybodus am fwyd a maeth. Gyda'r wybodaeth rydych chi'n ei hennill byddwch yn gallu bwydo eich hun ac eraill yn fforddiadwy ac yn faethlon, nawr ac yn ddiweddarach mewn bywyd.

Drwy astudio bwyd a maeth, byddwch yn gallu:

• Dangos sgiliau coginio effeithiol a diogel drwy gynllunio, paratoi a choginio amrywiaeth o nwyddau bwyd tra'n defnyddio technegau ac offer coginio gwahanol.

• Datblygu gwybodaeth a dealltwriaeth o nodweddion gweithredol a phriodoleddau cemegol bwyd yn ogystal a gwybodaeth gadarn am gynnwys maethol bwyd a diodydd

• Deall y berthynas rhwng deiet, maeth ac iechyd, yn cynnwys effeithiau corfforol a seicolegol deiet ac iechyd gwael.

• Deall effeithiau economaidd, amgylcheddol, moesegol a chymdeithasol-ddiwylliannol argaeledd bwyd, prosesau cynhyrchu, deiet a dewisiadau iechyd.

• Dangos gwybodaeth a dealltwriaeth o nodweddion gweithredol a maethol, rhinweddau synhwyraidd ac ystyriaethau diogelwch bwyd microbiolegol wrth baratoi, prosesu, storio, coginio a gweini bwyd.

• Deall ac archwilio amrywiaeth o gynhwysion a phrosesau o wahanol draddodiadau coginio (y traddodiadol Gymreig, Prydeinig a'r rhyngwladol) er mwyn ysbrydoli syniadau newydd neu addasu ryseitiau sy'n bodoli