Megintilgangur náms og kennslu í lykilhæfni er að þroska sjálfsvitund og samskiptahæfni nemenda, búa þau undir virka þátttöku í lýðræðissamfélagi og að þeir öðlist getu til að nýta sér styrkleika sína til áframhaldandi náms og starfsþróunar þegar þar að kemur. Lykilhæfni snýr að nemandanum sjálfum, er ætlað að stuðla að alhliða þroska hans og tengist öllum námssviðum. Góð lykilhæfni gerir einstaklingum kleift að læra við ólíkar aðstæður, takast á við breytingar, vinna í samfélagi með öðru fólki og bregðast við á þann hátt sem hentar þeim sjálfum til uppbyggingar og farsæls lífs. Lykilhæfni er hæfni fyrir borgara framtíðarinnar, einstaklinga sem þurfa að vera tilbúnir að læra allt lífið (Gunnar E. Finnbogason, 2016).
Kennsluefni:
Unnið með Sprota 3a og 3b, nemenda og æfingabók. Unnið í Evolytes bæði bók og gagnvirkum leik. Stærðfræðispæjarar 1-3. Ýmis kennsluforrit og verkefni frá kennurum. Innlögn, umræður, sköpun og verkefni. Leikir, spil, fimmuvinna og þrautir. Kennt er í gegnum leik og unnið í hópum, pörum og einstaklingslega auk þess sem útikennsla verður nýtt.
Námsmarkmið
Verkfæri og hlutbundin gögn:
Nýtt sér verkfæri og hlutbundin gögn sem þarf til að finna lausn á stærðfræðilegum viðfangsefnum.
Dæmi um námsmarkmið:
Að nemandi geti:
lagt saman tveggja eða þriggja stafa tölur notað t.d. einingarkubba, tugastangir og hundraðsfleti, kennslupeninga, talnalínu ofl.
notað raunverulega vog og önnur mælitæki til að kynna hugtakið jafnaðarmerki.
teiknað myndir til að leysa orðadæmi.
notað reiknivélar til að kanna mynstur frekar en bara að finna svör.
„Nemendur í 3. bekk læra að velja og nota viðeigandi hjálpartæki til að auðvelda sér lausn stærðfræðilegra verkefna. Þeir öðlast leikni í að nota áþreifanlega hluti, svo sem talnagrindur, sætisgildiskubba og mælitæki, til að gera óhlutbundnar stærðfræðihugmyndir sýnilegar og skiljanlegar. Markmiðið er að nemendur geti sjálfir metið hvaða tæki eða gögn hjálpa þeim best að finna svör og rökstyðja niðurstöður sínar.“
Dæmi um vinnulag:
Nemendur nota talnakubba, talnalínur og myndræna framsetningu til að reikna og sýna hugsun.
Í mælingum og samanburði nota þeir reglustiku, vog og mælibönd til að skrá og bera saman stærðir.
Í reikningi með peningum og magni nota þeir leikpeninga, talnaspjöld og raunverulega hluti til að finna lausnir.
Nemendur eru hvattir til að útskýra lausnir sínar munnlega og með teikningum eða skýringarmyndum.
Unnið er bæði í einstaklingsvinnu, pörum og í samvinnu þar sem verkfæri og gögn eru nýtt markvisst til að leysa þrautir og verkefni.
Samræður og tjáning:
tekið þátt í samræðum um stærðfræði, hugtök hennar og lausnaleiðir,
Dæmi um námsmarkmið:
Að nemandi geti:
Tekið þátt í samræðum um stærðfræðileg efni með stuðningi kennara.
Útskýrt hugsanir sínar og aðferðir með stuðningi og einföldum stærðfræðihugtökum.
Spurt spurninga sem tengjast verkefnum eða leik til að efla skilning sinn í stærðfræði.
„Nemendur þjálfast í að nota tungumálið sem verkfæri í stærðfræði. Þeir læra að setja orð á hugsun sína, hlusta á útskýringar annarra og ræða mismunandi leiðir að sömu lausn. Með því að nota rétt hugtök og taka þátt í samræðum eflist skilningur þeirra á eðli stærðfræðinnar og þeir verða færari í að rökstyðja mál sitt.“
Ávinningur nemenda er að þetta gefur öllum tækifæri á að nota stærðfræðihugtök í öruggu umhverfi áður en rætt er fyrir framan allan hópinn. Sýnir fram á að það eru margar réttar leiðir að sama markmiði.
Hjálpar nemendum að byggja upp orðasafn sem þarf til að eiga faglegar samræður.
Nemendur ræða hvaða tala á ekki heima í hópnum og rökstyðja það.
Engin ein rétt lausn, sem hvetur til skapandi hugsunar og rökfærslu.
Táknmál og hugtök:
notað rétt heiti yfir stærðfræðitákn og nýtt þau rétt við útreikninga,
Þróun aðferða:
þróað hentugar aðferðir sem byggja á eigin skilningi við reikning með náttúrulegum tölum,
Þrautalausnir:
nýtt aðferðir og leiðir til að leysa þrautir og rökstutt svör sín,
Rannsóknarvinna:
unnið, einn og í samvinnu, að lausnum á stærðfræðilegu viðfangsefni með því að kanna, rannsaka og setja fram tilgátur,
Kynningar:
undirbúið og flutt stuttar kynningar á eigin vinnu með stærðfræði,
Reiknihugsun og forritun:
búið til einföld reiknirit og tjáð þau með því að nota breytur, skilyrði og lykkjur.
Röðun talna og talnamengi:
raðað náttúrulegum tölum og einföldum brotum eftir stærð,
Námundun:
nýtt sér námundun með heiltölum,
Sproti 3b kafli 9
Sætiskerfi:
notað tugakerfisrithátt og sýnt skilning á sætiskerfi við ritun náttúrulegra talna,
Sproti 3a kafli 1
Grunnreikniaðgerðir:
nýtt sér grunnreikniaðgerðirnar fjórar og reiknað með náttúrulegum tölum,
Hlutföll:
unnið með einföld brot og hlutföll með flatarlíkani, á talnalínu og á brotastriki,
Fjármál:
notað grunnreikniaðgerðir til að finna lausnir á og takast á við verkefni daglegs lífs og fjármála og skilið verðgildi peninga.
Mynstur:
kannað, búið til og tjáð sig um reglur í talnarunum og myndrænum mynstrum og spáð fyrir um framhald mynsturs,
Hnitakerfi:
notað rúðunet með höfuðáttum í rauntengdu samhengi, teiknað og staðsett punkta í hnitakerfi,
Föll:
notað táknmál stærðfræðinnar til að meta sanngildi og lýsa sambandi milli stærða,
Óþekktar stærðir:
reiknað með óþekktum stærðum í einföldum tilvikum,
Jöfnur og ójöfnur:
fundið eina óþekkta stærð í jöfnu með heiltölum og rökstutt lausnir sínar.
Gagnavinnsla:
safnað gögnum í umhverfi sínu og um eigið áhugasvið og túlkað á einfaldan hátt,
Tölfræðikannanir:
talið, flokkað og skráð, lesið og túlkað niðurstöður og sett upp í einföld myndrit, með og án stafrænna hjálpartækja,
Myndrit:
lesið úr einföldum myndritum,
Líkindatilraunir:
gert einfaldar tilraunir með líkur og sett í samhengi við spil.
Tungumál:
notað hugtök úr rúmfræði, til að lýsa hlutum í umhverfi sínu,
Verkfæri:
rannsakað, gert tilraunir og teikningar á einfaldan hátt, t.d. með því að nota rúmfræðiforrit og hlutbundin gögn,
Mynstur:
speglað og hliðrað flatarmyndum við rannsóknir á mynstrum,
Skýringarmyndir:
gert óformlegar rannsóknir á tví- og þrívíðum formum, teiknað skýringarmyndir af þeim og hlutum í umhverfi sínu,
Tími og klukka:
lesið og notað mismunandi framsetningu á tíma, notað skífu- og stafræna klukku og lesið tímatöflur,
Mælieiningar:
valið viðeigandi mælieiningu fyrir lengd, massa og rúmmál og þekkt tengsl á milli algengra mælieininga metrakerfisins innbyrðis,
Mælingar:
áætlað og mælt massa, lengd, rúmmál, tíma og hitastig með stöðluðum og óstöðluðum mælitækjum,
Tvívið form:
áætlað og mælt ummál og flatarmál með stöðluðum og óstöðluðum mælitækjum,
Þrívið form:
borið kennsl á tening, kúlu, keilu, sívalning, píramída og strendinga.