Vantar upplýsingar.

Nemendur fóru í skólagarðana í byrjun september og tóku upp kartöflur sem þau höfðu sett niður fyrir sumarfrí. Kartöflurnar voru eldaðar í heimilisfræðitíma og öðrum nemendum í bekknum boðið í kartöfluveislu. Allir nemendur árgangsins fengu líka kartöflur með sér heim.

Verkefni unnið með ánamaðka út frá bókinni „Ánamaðkar“ frá mms.  Farið var út nokkru sinnum og ánamaðkar skoðaðir í sínu umhverfi, bæði í rigningu og þurru veðri. Einnig söfnuðum við ánamöðkum í box með stækkunargleri og fórum með inn í skólastofu og skoðuðum í víðsjá.

Fjöruferð: Við fórum í fjöruferð þegar við vorum að lesa bókina „Komdu og skoðaðu hafið“ . Við tókum með okkur dúk / „fjörulykil“ og áttu nemendur að finna lífverur og gróður og setja á dúkinn þar sem við átti.

Við höfum reglulega umræður um umhverfið og hvað við getum gert til að vernda umhverfið. Höfum farið út og safnað rusli á skólalóð.

Farið á skíði í brekkuna í Húsahvefi. Nemendur fengu skíðabúnað og kennslu í boði MÚÚ ( Miðstöð útivistar og útináms) sem er liður í verkefni þeirra, skíðað á skólatíma.

Nemendur fá að fara af og til út úr kennslustund til að fara á klifurvegg skólans og fá stundum að fara út og labba hring í kring um skólann.

Þegar veður leyfir höfum við brotið upp kennslustundir og farið út í snú snú og aðra hreyfileiki. Einnig brotið upp kennslu með hreyfingu inn í skólastofu t.d. planka, jóga og dansi.

Regluleg umræða um mikilvægi hreyfingar, næringu og svefns.

Reglulega eru umræður um líðan og hvað hver og einn getur lagt af mörkum til að sér og öðrum líði vel. Lögð er áhersla á að allir upplifi sig sem hluta af hópnum og að með hjálpsemi og góðri framkomu geti allir fundið til öryggis og liðið vel í skólanum.

Útikennsla í stærðfræði: mælingar þar sem nemendur fóru um skólalóðina í leit að hlutum af ákveðnum stærðum.

Ljós og skuggar: Verkefni þar sem meðal annars var farið í vasaljósagöngu og búnar til skuggamyndir af ýmsum gerðum.

Ratleikur um skólalóðina: Nemendur leystu þrautir sem faldar voru á skólalóðinni og skiluðu svörum til kennara.

Verkefni um hollustu og heilbrigt líferni. Nemendur ræddu saman og skráðu niður hugmyndir um hollan og óhollan mat.

Stærðfræði – klukkan : Boðhlaup í salnum þar sem nemendur þurftu að stilla klukku eftir tímaskráningu á blaði.

Íslenska: Nemendur æfðu einfaldan og tvöfaldan samhljóða með kappleik í íþróttasal. Keppni um að ná sem flestum orðum á ákveðnum tíma. Samhljóðar til að nýta í orðasöfnunina voru faldir undir keilum. 

Fuglafóðrunarverkefni hélt áfram allan veturinn.
Fórum með leikrit/helgileik og sýndum fyrir Korpúlfa (félags eldir borgara í Grafarvogi), í félagsmiðstöð þeirra í Borgum fyrir jólin.   Nemendur og Korpúlfar skemmtu sér vel.
Klifurveggurinn er notaður reglulega ásamt hreyfileikjum til að brjóta upp tíma. Nemendur hafa einnig haldið áfram að hlaupa hringinn í kringum skólann reglulega.

Í heimilisfræði eru 2 kennslustundir í hverri lotu í útieldamennsku, nemendur búa til búðing úti yfir vetrartímann.

Nóvember: 7. bekkur út með vinabekk sínum í 1. bekk og gróðursetti haustlauka.

Nóvember: nemendur útbjuggu fuglahús og fóðurkúlur úr fitu og fræjum fyrir smáfuglana og hengdu í trén austan megin við skólann.

Nóvember: nemendur gróðursettu haustlauka á skólalóðinni.
Allan veturinn: Fuglafóðrunarverkefni þar sem fullunnið var úr fitu frá kjötverkanda og gert tilbúið fyrir fugla, með því að blanda saman korni.   Einnig voru allir afgangar af eplum og perum úr eldshúsi skólans notað fyrir fuglana.
Bekkurinn hljóp reglulega hringinn í kringum skólann, þegar þau höfðu hlaupið samtals 7 km hættu þau að telja en ekki að hlaupa.
Klifurveggurinn er notaður reglulega og einnig hreyfileikir til að brjóta upp tíma.

Reglulegar umræður í heimakrók varðandi áhrif góðar framkomu á eigin líðan og annarra.

Skráning og flokkun: Fjöruferð þar sem hlutum sem fundust í fjörunni var safnað saman og flokkað eftir skráningarlykli. Allir tóku svo tvo hluti með í skólann þar sem þeir voru skráðir og flokkaðir og búið til súlurit. Umræða um rusl og mengun í umhverfinu.

Íslenska – stafrófið: Leikur á skólalóðinni þar sem dúkar með stafrófinu voru lagðir niður og nemendum skipt í hópa. Hver hópur átti að finna og ná í einn hlut í umhverfinu og leggja á þann staf sem bar sama upphafstaf í nafni sínu.

Hollusta og heilbrigði: Hjúkrunarfræðingur ræddi við nemendur um mikilvægi hollustu, hreyfingar og hvíldar og nemendur unnu verkefnahefti varðandi efnið.

Útikennsla í samfélags- og náttúrugreinum: Nemendur gengu um skólalóðina og skráðu hjá sér hluti sem þeir sáu og flokkuðu í náttúrlega og tilbúna hluti. Þeir söfnuðu einnig rusli af lóðinni og ræddu hvernig þeir gætu lagt sitt af mörkum til að vernda náttúruna.