Engjaskóli er Heilsueflandi grunnskóli.

Heilsustefna Engjaskóla

Í heilsustefnu Engjaskóla er lögð áhersla á heilbrigði og velferð nemenda og starfsfólks.

Heilsustefnan er sameiginleg yfirlýsing starfsmanna, nemenda og foreldra við skólann. Skólinn tekur þátt í verkefninu Heilsueflandi grunnskóli á vegum Landlæknisembættis Íslands. Markmið stefnunnar er að allt daglegt starf í skólanum stuðli að jákvæðum skólabrag, betri líðan og heilsu allra sem þar starfa.

Hreyfing - áhersla lögð á að:

• Skólalóð ýti undir hreyfingu nemenda

• Nemendur kunni marga leiki sem þeir geta farið í á skólalóð

• Hvetja nemendur og starfsfólk til að nýta sér virkan ferðamáta til og frá skóla.

• Nemendur og starfsfólk taki þátt í viðburðum sem aðrir bjóða uppá sem snúa að hreyfingu

• Nemendur og starfsmenn séu hvattir til íþróttaiðkunar utan skóla/vinnu

• Nemendur fái fræðslu um mikilvægi hreyfingar og kynnist ólíkum íþróttum

• Nota íþróttir og leiki til að hrista saman nemendur og starfsmannahópa.

Matarræði / tannheilsa – áhersla lögð á að:

• Bjóða upp á fjölbreytt og hollt fæði í mötuneyti skólans og gott úrval af grænmeti og ávöxtum

• Nemendur komi með hollt og gott nesti í skólann

• Aðgengi að drykkjavatni sé gott

• Nemendum sé sköpuð góð aðstaða til að neyta matar

• Nemendur fræðist um mikilvægi holls og góðs mataræðis

• Nemendur skammti sér sjálfir á diskinn

• Fræða nemendur um umhirðu tanna og áhrif mataræðis á tannheilsu

• Veitingar á fundum á vegum skólans taki mið af fjölbreytni og hollustu

Geðrækt – áhersla lögð á að:

• Einkunnarorð skólans Samvinna - Seigla - Sköpun birtist í öllu starfi og samskiptum innan skólans

• Tryggja að nemendur geti leitað eftir aðstoð námsráðgjafa (ath) og annars starfsfólks

• Nemendur og starfsfólk sýni hvert öðru virðingu og umburðarlyndi

• Nemendur geti rætt um það sem á þeim hvílir t.d. á bekkjarfundum og komið því m.a. áfram til miðstigsráðs

• Nemendur og starfsfólk fái fræðslu um skaðleg áhrif samfélagsmiðla

• Nemendur og starfsfólk fái fræðslu um gildi geðræktar og hvernig best verði hlúð að andlegri heilsu og heilbrigðu líferni

• Starfsfólk geti rætt um starf sitt og líðan.

Lífsleikni – áhersla lögð á að:

• Nemendur fái fræðslu um skaðsemi tóbaks og vímugjafa, afleiðingar eineltis, skjánotkun og hreinlæti

• Unnið sé markvist eftir forvarnar- og aðgerðaráætlunum sem snúa að einelti og vímugjöfum

• Unnið sé markvist eftir viðbragðsáætlun vegna áfalla

• Skólinn leggi fyrir a.m.k. tvisvar á ári könnun á líðan og tengslum nemenda og vinni markvisst með niðurstöðurnar

• Allir leggi sitt af mörkum til að efla jákvæðan og góðan starfsanda í skólanum.