Lagt var upp með að breyta uppbyggingu skóladagsins hjá 1. bekk. Og fyrsta skrefið var að breyta stundatöflunni og einfalda skipulag skóladagsins.

Dagurinn er byggður þannig upp að 3x í viku byrja nemendur í íþróttum. Þeir mæta í skólann í samveru í 20 mínútur og fara svo í íþróttir. Rannsóknir hafa sýnt að hreyfing snemma að morgni eykur úthald og einbeitingu.

Mánudaga og föstudaga er hreyfing tekin um miðjan morgun.

Grunnfög ( íslenska, stærðfræði, samfélags - og náttúrugreinar ) eru kennd fyrri hluta dags. Rétt fyrir hádegi taka við þjálfunartímar þar sem nemendur fá verkefni við hæfi, áskorun miðað við færni. Nemendum er skipt í 4 mismunandi námshópa eftir stöðu þeirra í námi. Metið út frá skimunarprófum.

Eftir hádegi 3x í viku eru ástríðutímar, þar sem nemendur fara í heimilisfræði, myndmennt, textíl, tónlist og smíði. Einnig verður boðið upp á forritun og jafnvel skák.

Ástríðutímar eru stýrt val sem þýðir að nemendur geta oft valið um hvaða tíma þeir sækja, eftir áhugasviði. Þó allir eigi að prufa allt á skólaárinu.