Þegar nemandi tekur orð beint frá öðrum, hvort sem það er úr kennslubókinni eða af netinu, og afmarkar textann ekki sérstaklega eða vitnar ekki til heimilda er hann að stunda ritstuld. Slík vinnubrögð eru ekki í takt við fræðileg vinnubrögð og eru ekki liðin við FVA.
Hjá FVA er notast við hugbúnaðinn Turnitin til að sporna gegn ritstuldi. Turnitin er tengdur við Innu og þegar verkefni er skilað í gegnum hugbúnaðinn greinir hann hvort textinn hafi verið tekinn af netinu eða hvort verkefninu hafi verið skilað áður. Kennari fær skýrslu frá Turnitin um verkefnið og leggur mat á niðurstöðu hennar.
Verði nemandi uppvís að ritstuldi getur hann að lágmarki átt hættu á að fá 0 fyrir verkefnið.