O proxecto “Nutrimentes: Alimentando o futuro desde a escola”, desenvolvido no I.E.S. Frei Martín Sarmiento durante o curso 2025–26 e integrado no Plan Proxecta+, nace coa vontade de ir máis alá das aulas e implicar a toda a comunidade educativa na promoción de hábitos de vida saudables.

A estratexia de diseminación e publicidade terá como obxectivo dar visibilidade ás accións realizadas, compartir os resultados acadados e fomentar a participación activa do alumnado, do profesorado e das familias.

Para iso levaranse a cabo as seguintes actuacións:

• Difusión na páxina web do centro, cun espazo específico do proxecto onde se publicarán novas, actividades, materiais elaborados polo alumnado e recursos de interese.

• Publicación periódica en redes sociais institucionais, dando conta dos avances, campañas e eventos destacados.

• Cartelería e paneis informativos no centro educativo, co fin de sensibilizar e manter informada á comunidade escolar.

• Notas informativas ás familias, a través das canles oficiais do centro.

• Organización da Feira Saudable na última semana do curso, como evento central de visibilización, aberto á comunidade educativa e con intención de continuidade en cursos posteriores.

• Elaboración e difusión de materiais divulgativos (infografías, vídeos, presentacións, podcasts ou exposicións) creados polo alumnado desde as distintas materias implicadas.

A través destas accións preténdese non só dar a coñecer o traballo desenvolvido polos departamentos de Debuxo, Lingua Galega e Literatura, Educación Física, Lingua Francesa e Lingua Inglesa, senón tamén consolidar unha cultura de centro baseada na alimentación equilibrada, no exercicio físico e no benestar emocional.

Deste xeito, “Nutrimentes” convértese nun proxecto compartido, visible e sostible no tempo, que contribúe a formar alumnado crítico, informado e comprometido cun estilo de vida saudable