Agradecementos

Queremos expresar o noso sincero agradecemento ao equipo de Dinamización da Lingua Galega pola súa colaboración no desenvolvemento da I Feira Saudable, asumindo o custo das copias en cor dos diplomas entregados ao alumnado participante.

Así mesmo, agradecemos ao equipo de Convivencia a súa contribución económica para a adquisición do contido das cestas-premio (froitos secos, chocolate negro, galletas integrais), entregadas aos 11 equipos gañadores, así como do material de empaquetado e das pegatinas empregadas nas distintas probas e actividades.

A colaboración de ambos os equipos resultou fundamental para o éxito da iniciativa e constitúe un exemplo do compromiso compartido coa promoción da saúde, a participación do alumnado e a mellora da vida escolar.

A toda a comunidade educativa, pola súa colaboración e compromiso.

Ao alumnado que colaborou nos postos na Feira Saudable.

Ao equipo docente de Nutriescolas pola súa implicaicón e compromiso: Marga, Mónica, Yolanda, Sonia e Irene.

Así mesmo, a coordinadora, desexa agradecer a implicación, colaboración e apoio de todo o equipo docente participante, xa que o seu compromiso foi fundamental para o éxito de Nutrimentes. Foi un privilexio contar cun grupo de profesionais tan implicado e comprometido coa educación para a saúde e co benestar do alumnado.