Queremos agradecer a todas as persoas que asististes á formación celebrada o pasado 24 de outubro con motivo do Día das Bibliotecas, baixo o lema: "Contra a desinformación: biblioteca".

Para que poidades repasar os contidos e consultar a información compartida, xa tedes dispoñible na sección de recursos do blog o arquivo en PPT da presentación utilizada.

Puntos clave da formación:

A presentación, impartida por Alberto Dafonte, analizou en profundidade a loita contra a desinformación, destacando:

• Diferenzas clave: afondouse na distinción entre desinformación (información deliberadamente falsa ou enganosa) , información errónea ou misinformation (falsa, pero difundida por erro) e mala información ou malinformation (información verdadeira pero sacada de contexto para danar).

• Motivos do seu éxito: a desinformación funciona porque apela ás nosas emocións, simplifica os feitos e promove unha visión da realidade polarizada ("nós contra eles").

• Estratexias para combatela: ofrecéronse pautas prácticas para o día a día:

  • avaliar a fonte e a súa credibilidade.

  • non quedar co titular (que adoita ser sensacionalista).

  • comprobar a data para evitar historias vellas.

  • contrasta a información consultando distintas fontes.

Agardamos que vos sexa de utilidade!

Qué son os dereitos de autor?

Cando xurden? É necesario rexistrar unha obra para que nazcan os dereitos de autor?

Cando poido usar unha foto, texto , música dun terceiro nos meus traballos particulares?

A resposta a esta e outras preguntas a tedes no recurso que se xunta e tamén a través do asesoramento do equipo de biblioteca.