Presentación

Benvidos e benvidas á biblioteca do CIFP A Farixa de Ourense!

A nosa biblioteca é un pequeno pero acolledor  espazo  que pon a disposición de todos e todas—estudantes, docentes, persoal de servizos, familiares , veciñanza e resto de membros da comunidade educativa— un recuncho para o encontro, o coñecemento, a creatividade e a paixón polo descubremento.

Dende as 8 da mañá ata as 14:30, durante os períodos escolares, as nosas portas están abertas para aprender, gozar, explorar, crear e soñar.  Nas nosas instalacions poderás consultar os nosos fondos ou levalos en préstamo para a túa casa. Se precisas navegar por internet ou traballar nas túas tarefas ou proxectos, tamén eso é posible na nosa biblioteca, onde o persoal que a atende estará dispoñible para asesorarte, guiarte e axudarte en aquelo que precises. E se necesitas asesoramento, o noso servizo de información e referencia bibliográfica está listo para axudarche.

Pero iso non é todo, contamos tamén cunha chea de ferramentas para o traballo creativo que están a túa disposición, previa solicitude e reserva, para que os teus proxectos cobren vida: plotter de corte cri-cut, unha tablet gráfica,  material electrónico (placas makey-makey e chibi chip, leds, cinta de cobre adhesiva, fío conductor, …), pistolas de silicona e outro material para manualidades (cartulinas, rotuladores, cutters de precisión, pinturas…), etc.

Dende a biblioteca impúlsase e préstase apoio aos plans e proxectos do centro,  organízanse actividades culturais e pedagóxicas, actividades e inciaitvas  que fomentan a lectura, a escritura e a alfabetización informacional.

 Así que xa o sabes, a biblioteca do CIFP A Farixa é máis que estantes e libros,  é un lugar de encontro para toda a comunidade escolar. Esperámosche cos brazos abertos e as páxinas listas para ser descubertas!

Podes consultar  as nosas novidades e eventos a través deste blog, as  nosas redes sociais e o apartado da biblioteca na web do CIFP A Farixa.