Do luns 12 ao venres 16 de xaneiro, celebramos o Día Mundial da Lóxica  poñendo a proba as vosas neuronas.

Como funciona? 

1️⃣ Un reto cada día: consulta o reto lóxico do día no taboleiro, na biblioteca ou nas nosas redes sociais. 

2️⃣ Participa: deposita a túa resposta na caixa da biblioteca. 

3️⃣ Gaña: recompensa por acertar? Pois claro que si! Entre os que acerten sortearase un agasallo lóxico 🎁

Esperámovos na biblioteca!

Hoxe tivo lugar o obraoiro de fabricación dunha árbore de navidade electrónica. Graciás a Araceli, profesora do departamento de Electrónica, que foi a monitora desta actividade e a todos vos por participar!

No noso centro, seguimos a colaborar co Banco de Alimentos de Ourense para axudar a quen mais o necesita.  Nestas datas, cada xesto conta!

Cómo podes axudar:

• Participa no mercadillo solidario, comprando ou doando obxecto para as súa venta. O recadado vai ao banco de alimentos.

• Trae alimentos non perecedoiros ao punto de recollida do centro

• Doa mediante transferencia ao número de conta ES48 0238 8231 8806 0058 5001 

Gústache ler pero ás veces non sabes que escoller? Queres poñer a proba a túa paixón pola lectura e, de paso, levar algún premio? Estás de sorte! Lanzamos o II Reto Lector da nosa biblioteca.

Unha iniciativa aberta a todo o mundo: estudantes, profesorado, persoal de servizos e familiares

En que consiste?

Tes que ler 4 libros das temáticas propostas e facer unha pequena recensión deles antes do 31 de maio.

Os catro retos son:

1.   Un libro escrito por unha muller 

2.  Un libro ambientado en Galicia 

3.   Un libro ilustrado, cómic ou banda deseñada 

4.   Un libro clásico (ou que debería selo)

Como  participar?

1. Recolle na biblioteca o teu pasaporte lector e a ficha para facer as recensións.

2. Escolle o teu libro (se non sabes que ler, temos moitas recomendacións preparadas para ti!) e completa a ficha.

3. Sela na biblioteca o  teu pasaport cada vez que superes un reto (lectura + recensión) 

Premios

Entre todas as persoas que completen os 4 retos sortearanse 5 agasallos.

Data límite

Tes ata o 31 de maio para completar o teu pasaporte. Non o deixes para o final!

O xoves, 27 de novembro, o noso centro viviu unha fermosa xornada de compromiso e solidariedade fóra das aulas. Un nutrido grupo de alumnos e alumnas participaron nunha actividade de voluntariado no Banco de Alimentos de Ourense.

Os protagonistas desta iniciativa foron os estudantes dos catro grupos de Formación Profesional Básica (FPB), xunto cos compañeiros e compañeiras do 2º curso do Ciclo Medio de Obras de Interior, Decoración e Rehabilitación.

Durante a mañá, dedicaron os seus esforzos a clasificar produtos por categoría (conservas, pasta, leite, legumes...), organizar por  datas de caducidade e desscargar e organizar palés de comida recibida.

A implicación e a enerxía mostrada polos estudantes foron impresionantes. Esta experiencia de voluntariado foi indudablemente transformadora e todos e todas quedamos con gañas de repetir.

Dende a biblioteca e o centro, queremos agradecer enormemente ao Banco de Alimentos de Ourense por abrirnos as súas portas e ao noso alumnado pola súa actitude xenerosa e responsable.

Continuamos coa formación dos nosos usuarios. En colaboración con Fad Juventud e a Fundación Raspberry Pi, os alumnos de primeiro curso da Foramción Profesional Básica participan nunha formación específica para coñecer de primeira man que é iso da intelixencia artificial e qué significa realmente eso de que os sistemas informáticos aprendan en base a datos.

A experiencia foi moi divertida e positiva. Os estudantes competiron contra unha folla de papel "intelixente", coñeceron o proxecto "Deepmind" que está a axudar co seu proxecto de rastrexo de animais no Serengueti, deseñaron e entrenaron un sistema de visión artificial, etc... todo elo para experimentar de primeira man que é e como funcionan as IAs. 

Quedamos todos con gañas de continuar aprendendo! A aventira continuará en próximas datas. 

Os alumnos de 1º e 2º de FPB de Electricidade e os alumnos de 2º de FPB de Control de Acceso e Mantemento de Instalacións Deportivas visitaron hoxe a libraría de segunda man Re-read de Ourense, onde Isa nos recibiu cun sorriso e contou a súa inspiradora historia emprendedora: como se reinventou tras a COVID, unindo a súa paixón pola lectura coa necesidade de atopar un traballo e o compromiso coas persoas e co medio ambiente. 

Cada estudante escolleu un libro ao seu gusto nesta libraría de segunda man, facendo seleccións magníficas e moi variadas. Unha experiencia única para dinamizar a lectura e achegarnos á maxia dos libros. Grazas, Isa, por abrirnos as portas e por acollernos dun xeito tan especial!

A nosa biblioteca súmase por segundo ano consecutivo á celebración internacional promovida pola American Library Association (ALA): un mes enteiro dedicado a xogar, aprender e compartir. Porque si, na biblioteca tamén se xoga… ¡e moito!

Durante todo novembro, poderás participar nos obradoiros de xogos que organizaremos nos recreos: haberá xogos de mesa tradicionais e modernos, xogos de cartas, dados, xogos de ordenador, e moito más!

📅 Cando: durante os recreos, todo o mes de novembro.
📍 Onde: na biblioteca e no espazo multiusos.

  Tamén haberá outras actividades, como: 

• entrevistas ao profesorado e alumnado: o teu xogo favorito

• formación: os beneficios do xogo

Que comece o xogo!

Continuamos coa formación dos nosos usuarios! Esta vez foron os alumnos de 1º de FPB de Electricidade os que tiveron a oportunidade de visitar a Biblioteca Pública Nós. 

Atendeunos novamente Iria para explicarnos como funciona, que servizos ofrece e todas as oportunides de participación: clubs de lectura, obradoiros, exposicións… A biblioteca gañou novos usuarios que desfrutaron estreando o seu carné para tomar en préstamo libros e videoxogos!

Moitas grazas novamente a todo o equipo da Biblioteca Nós e, en especial, a Iria Miguélez pola súa guía e acompañamento ao longo da xornada. Voltaremos!

Despois dunha deliberación terroríficamente difícil pola gran creatividade de todos os participantes, xa temos gañadores:

• Alumnado: a porta gañadora pertence aos  alumnos de 1º de Formación Profesional Básica de Electricidade

• Resto da comunidade educativa: a porta gañadora pertence ao Departamento de Orientación

Moitas grazas a todos os que participásteis e noraboa aos gañadores!

 Chega o Samaín!

E a biblioteca do noso centro se transforman! 

Podedes participar en todas estas actividades organizadas pola biblioteca e o equipo de dinamización de língua galega, en colbaroación coa EOI de Ourense e  O CIFP Portovello.

🔹selección de lecturas terroríficas 📚

🔹concurso de microrelatos de terror ✍️

🔹concurso de decoración de portas 🚪

🔹concurso de podcast terroríficos🎤

🔹 obradoiro de cabazas 🎃

Moita sorte e que gañen as mellores!

Este venres 24 de outubro celebramos o Día Internacional das Bibliotecas, que este ano teñen o lema "Contra a desinformación: biblioteca", para resaltar o rol que as bibliotecas teñen como diques de contención frente as fake news. 

E para celebrar o noso día, temos unha chea de actividades! Escolle a túa e participa!

•  Intercambio de libros: deixa un libro e colle outro, do punto de Bookcrossing situado no espazo multiusos

•  Quedada lectora: durante o recreo, vén a sala multiusos, trae un libro (da casa ou da biblioteca), e lemos en silencio durante 20 minutos. Os 10 últimos minutos compartiremos as nosas impresións no mural que deseñaron os alumnos de 1º de FPB de Electricidade para a realización desta actividade.

•  Obradoiro IA e desinformación: ven as 10 á biblioteca e coñece que é a desinformación, como se produce e como as bibliotecas poden axudarte a combatila. 

Moitas grazas aos alumnos de 1º de FPB de Electricidade polo precioso mural que deseñaron. Noraboa polo excelente traballo!

Decoramos polo Samaín 

Este Samaín, a nosa biblioteca transformouse nun lugar  terroríficamente xenial, grazas ao traballo do voluntarias e voluntarios da biblioteca! 🧡

Queremos darvos as GRAZAS de todo corazón por dedicar o voso tempo, enerxía e talento a decorar cada recuncho. Cada detalle que vedes, dende as teas de araña ata a escea do crime, levan un anaquiño do voso esforzo e da vosa paixón. Estamos inmensamente orgullosos/as de contar con vós.

Animamos a todo o mundo a que veña visitar a biblioteca e goce desta atmosfera tan especial que creastes! 

Outro mércores con Nick, noso auxiliar de conversa, practicando o idioma, descubrimos cousas sobre a cultura estadounidense e compartindo experiencias. Que ben o pasamos!

Estades todos e todas invitados ao participar nesta actividade que se desenvolve na biblioteca os mércores de 10:30 a 11:30! 

O alumnado de 1º de Vídeo Disc-Jockey e Son tivo unha mañá moi movidita (e nunca mellor dito!) na Biblioteca Pública Nós. Alí coñeceron como funciona, que servizos ofrece e todo o que se cociña entre os seus estantes: clubs de lectura, obradoiros, exposicións… unha chea de posibilidades! 

Algúns aproveitaron para facerse o carné, outros apuntáronse ao obradoiro de ilustración, e máis dun saíu con libros e videoxogos en préstamo baixo o brazo. E como en toda boa historia, non faltou a aventura: foise a luz! Un apagón momentáneo que converteu a visita nunha experiencia singular.

Moitas grazas a todo o equipo da Biblioteca Nós e, en especial, a Iria Miguélez pola súa acollida e por seguir demostrando que as bibliotecas son espazos vivos, creativos e cheos de enerxía (aínda que ás veces falte a eléctrica!).

Día Mundial da Saúde Mental 🤕🩹

As palabras poden deixar unha pegada máis fonda do que pensamos. Por iso hoxe, os nosos estudantes fixeron unha actividade moi especial, escribindo mensaxes positivas e inspiradoras aos seus compañeiros e compañeiras 

Grazas a todos e todas por participar nesta actividade organizada por Benestar, Biblioteca e Dinamización de Lingua Galega

#bescolaresgal #cifpafarixa #bibliofarixa #dinamizafarixa #benestarfarixa #saudemental #diadasaudemental

Chega o Samaín e os corredores do noso centro énchense de pantasmas, morcegos e criaturas misteriosas…
Queres que a túa aula sexa a máis arrepiante de todas? Pois xa está aquí o Concurso de Portas Terroríficas da biblioteca!

 Como participar?
Non é preciso inscribirse previamente: só tes que decorar a porta da túa aula (e ata 50 cm a cada lado).

 Lembra:

• A decoración debe estar relacionada co Samaín.

• Pódense empregar materiais diversos (papel, cartón, luces, teas, etc.), sempre que non danen permanentemente a porta nin as paredes.

• Recoméndase o uso de materiais reciclados e reutilizados 

• As decoracións deben ser seguras (sen elementos que poidan caer ou causar accidentes).

• Non se admitirán símbolos ofensivos, discriminatorios ou violentos.

• O profesorado tamén pode participar: cal será o departamento máis creativo este ano?
  
  

 Premio:
O grupo gañador disfrutará dun almorzo terrorífico no recreo.

Prazo:
Tedes ata as 11:00 h do xoves 30 de outubro para presentar a vosa porta decorada.

Anímate, decora, asusta… e Gaña!!!
Consulta as bases completas aquí  Bases do Concurso de Portas Terroríficas

Na librería Tanco de Ourense tivo lugar a presentación do segundo libro da autora ourensán  Cristina Pato, "Fora de foco",  actuando como maestro de ceremonias o reputado autor Juan Tallón, quen nos axudóu a   descubrir a obra que se presentaba.

Nesta novela acompañamos a María, unha xornalixta que se obsesiona co traballo e a vida da fotógrafa neoiorquina Basil Cancela, que decide retirarse da vida pública no mellor momento da súa carreira, chegando a destruir parte da súa obra. A periodista trata de entender os motivos que levaron á fotógrafa a esa decisión. Neste camiño, a obra reflexiona sobre a relación entre a vida persoal e a profesional, así como sobre a propia identidade.

Ao finalizar o encontro poidemos conseguir a firma do libro, que agora está a vosa disposición e disfrute na biblioteca do centro! 

Un fiadeiro cheo de risas, cantigas e pandeiretas 

O venres 23 de maio poidemos celebrar por fin o Día das Letras Galegas, este ano adicado ás cantareiras, cunha actividade moi especial que nos fixo cantar, rir e sentirnos mais  preto as nosas raíces.

Comezamos coa presentación do libro Risas e farras coas cantigas da avoa, da ourensá Sonia Moral Álvarez. A autora contounos que este libro é un sentido homenaxe á súa avoa, unha muller con memoria prodixiosa que gardaba na súa cabeza ducias de cantigas tradicionais, que son as recollidas neste libro. 

Aprendemos tamén o significado dunha palabra fermosa e chea de historia: fiadeiro. Un fiadeiro era moito máis ca unha reunión para fiar: era un encontro social onde a música, o baile e o canto eran os verdadeiros protagonistas. Un espazo de convivencia e transmisión oral que hoxe queremos recuperar e reivindicar.

Despois da presentación, tivo lugar o obradoiro de pandeireta e canto tradicional, no que o alumnado participou con moita ilusión e entusiasmo. Da man da autora e con moito ritmo, conseguimos cantar e tocar varias cantigas, incluída unha muiñeira que puxo a todos e todas a bater palmas e pés.

Foi unha experiencia emocionante, chea de aprendizaxe, memoria e comunidade. Dende a biblioteca, queremos agradecer a todas as persoas que participaron e, moi especialmente, a Sonia Moral por compartir connosco o seu libro, e a Eva Vaquero e Iria Fírvida polo obradoiro de pandeireta!.

Seguimos a celebrar e a reivindicar as nosas letras, as nosas voces e a nosa identidade.

Moita grazas a Sofía Vázquez, socia da cooperativa coruñesa Mulleres Colleiteiras por acercase ao noso centro para compartir as súas experiencias e transmitir os seus saberes. A súa intervención foi moito máis ca unha charla: foi unha lección de vida sobre como a economía social pode converterse nun motor de cambio real para as persoas e o medio ambiente.

Sofía explicounos que Mulleres Colleiteiras naceu co obxectivo de promover a inserción sociolaboral de mulleres en situación de vulnerabilidade, moitas delas pertencentes á comunidade xitana. A cooperativa dedícase á recollida e tratamento do aceite de cociña usado, evitando así a súa vertedura e contribuíndo á produción de biocombustibles, reducindo as emisións de CO₂ nun 70% respecto aos carburantes convencionais .

A través deste traballo, as mulleres participantes adquiren formación e autonomía, afastándose da caridade e accedendo a un emprego digno. Sofía destacou como este proxecto lles permite tomar decisións na súa vida e desenvolver unha estabilidade económica que lles era negada debido á discriminación e ás barreiras educativas .

Un dos momentos máis impactantes da charla foi cando Sofía relatou a colaboración entre Mulleres Colleiteiras e Arquitectura Sen Fronteiras para actuar sobre os asentamentos chabolistas que existían en A Coruña. Grazas a esta intervención, moitos destes poboados desapareceron, e as súas habitantes puideron acceder a vivendas dignas e a unha vida máis estable.

A charla tamén nos fixo reflexionar sobre os obstáculos que enfrentan as persoas en risco de exclusión para atopar e manter unha ocupación. A discriminación, a falta de formación e as trabas administrativas son barreiras que Mulleres Colleiteiras axuda a superar, demostrando que é posible construír un modelo económico máis xusto e sostible.

Seguimos coas actividades programanas pola biblioteca dentro da celebracións da "Semana do libro". Esta vez tocoulle ao "Amigo invisible" literario.

A dinámica foi sinxela: cada participante escolleu un libro que quixese recomendar e regalar de maneira anónima a outra persoa. Os libros foron deixados na biblioteca, envoltos con coidado e acompañados dun pequeno texto no que se daban pequenas pistas sobre o libro.

Ao longo da semana, foron depositándose as distintas “sorpresas lectoras”´na caixa deixada ao efecto na biblioteca. O vneres as sorpresas foron desveladas nun pequeno encontro no que fixemos os intercambios,  

Aquí vos deixamos algunhas das mellores imaxes deste intercambio lector tan especial. Grazas a todas as persoas que participastes por facer da biblioteca un espazo vivo e dinámico!

Moitas grazas a todos os que participástedes no Obradoiro de Poesía Escurecida que tivo lugar dentro das actividades programadas pola semana do libro.

No video podedes ver algúns dos fermosos traballos dos nosos poetas.

Con Arantza Portabales na Librería Eixo de Ourense

Este venres puidemos compartir unha divertida e entretida conversa con Arantza Portabales na libraría Eixo de Ourense para falar do seu último libro, que está a ser moi demandado na nosa biblioteca.

O libro fálanos da Inspectora Iría Santaclara, que é contratada polo millonario e magnate da sanidade privada Ulises Villamor para investigar a morte da súa muller, a cambio de que éste proporcione o tratamento especializada para o seu home, que acaba de padecer un accidente cerebrovascular. Para esta investigación a inspectora deberá trasladarse á pequena vila de Loeiro e vivir no domicilio familiar, na Casa Rosa, xa que o magnate sospeita que o asesino pode ser alguén da familia.

É un libro moi divertido, fácil de ler e que engancha dende as primeiras páxinas.Tédelo dispoñible na biblioteca tanto en galego como en castelán!! E agora, firmados pola autora 

O xoves 3 de abril o CIFP A Farixa tivo a oportunidade de participar na Tertulia Literaria e posterior encontro co autor Alberto Mancebo para falar da súa obra "Indolente",  gañadora do XXX Premio de Novela Curta Manuel Lueiro Rey.

O evento, organizado polo Concello de Ourense en colaboración coa Deputación de Ourense, celebróuse no Liceo de Ourense.

Pasámolo estupendamente  falando da obra e dos temas que abarca. O encontro deu pé á reflexión sobre temas moi variados, como o cambio climático e a empatía humana.

Quedamos esperando con ansia a próxima tertulia!!

Hoxe 2 de Abril, celébrase  o Día do libro Infantil e Xuvenil, en conmemoración do  día no que naceu o autor Hans Christian Andersen, famoso por "A sirenita" e outros moitos contos infantís.

E que mellor maneira de festexalo que acollendo a presentación de "Amores que dejan huella", un libro escrito por Ángel Otero, alumno do Ciclo Medio de Instalacións de Telecomunicacións do CIFP A Farixa de Ourense que publicou cando tiña tan só 16 anos!

Durante a presentación, Ángel compartiu con nos que adoitaba ser  mal estudante e que incluso algún profesor lle chegara a dicir que non valía para escribir, o que nun principio o desanimou. Por sorte, durante a ESO atopou unha profesora de Lengua que lle soubo motivar e lle deu folgos para escribir. Hoxe Ángel síntese  orgulloso de  ter completado o seu libro, destacando o moito traballo que lle levou. Se ben agora mesmo non está a escribir debido á falta de tempo e ás demandas dos seus estudos, afirmou que non descarta retomar a escritura no futuro.

Ao evento acudiron  estudantes, profesores e persoal de servizos. Todos pasamos un rato moi ameno e entretido. Agradecemos profundamente a Ángel a súa participación e aproveitamos para comunicaros que Amores que dejan huella* xa está dispoñible para o préstamo na nosa biblioteca.!! 

E ti? Sabes que significa trans?

Unha persoa trans é simplemente aquela que non se identifica co xénero que lle foi asignado ao nacer baseándose na súa apariencia xenital. Por exemplo, Ana é unha muller, pero ao nacer a viron e dixeron "é un neno". Pero Ana en realidade é unha nena. Entón Ana é unha nena trans.

Con motivo do Día da Visibilidade Trans, a biblioteca xunto co Equipo de Diversidade e a Coordinación de Benestar organizan unha chea de actividades para reflexionar sobre a realidade das persoas trans e promover a súa visibilidade e os seus dereitos.

• Proxeccións de cine: haberá dous pases, con dúas obras cinematográficas diferentes.

  • “Desayuno en Plutón”, de Neil Jordan:esta película conta a historia de Patrick “Kitten” Braden, unha persoa trans que loita por vivir con liberdade nun mundo que tenta negarlle a súa identidade. A través do humor e a tenrura, a película convida a poñernos no lugar das persoas trans e comprender mellor os desafíos que enfrontan.

  • "20.000 especies de abejas", de Estíbaliz Urresola Solaguren, que narra a historia de Cocó, de oito anos, que non entende por qué. todos ao seu redor insisten en chamarlle Aitor, xa que ela non se recoñece nese nome nen na mirada dos demáis.  

• Obradoiro de chapas conmemorativas: no recreo terá lugar un obradoiro de chapas no que poderás crear o teu propio deseño con mensaxes de apoio á diversidade e á visibilidade trans ou ben escoller entre os modelos xa elaborados polo equipo de bliblioteca e o equipo de diversidade. 

• Selección de recursos que fomentan a visibilidade trans: na biblioteca atoparás unha exposición de recursos onde queda visibilizada a realidade trans, como pueden ser:

  • Identidade, de Nee Barros

  • El cuerpo de Cristo, de Bea Lema

  • La mala costumbre, de Alana Portero

  • Un apartamento en Urano, de Paul B. Preciado

  • Heartstopper, de Alice Oseman

O Día Internacional da Visibilidade Trans foi creado en 2009 por iniciativa da activista trans estadounidense Rachel Crandall, coa intención de destacar os logros e a loita das persoas trans pero dende unha mirada centrada no positivo, na reivindicación dos dereitos e na celebración da diversidade de identidades de xénero. 

Este 13 de marzo  tivemos o pracer de recibir aos nenos e nenas de 4º, 5º e 6º de primaria do CEIP Mariñamansa, que viñeron coñecer de preto a nosa biblioteca, o noso centro e os diferentes ciclos formativos que ofrecemos.

A actividade enmarcouse dentro da Semana do Fomento das Vocacións nas Nenas, unha iniciativa que busca espertar o interese das rapazas por titulacións tradicionalmente masculinizadas e demostrarlles que ningún oficio ten xénero.

Os nenos e nenas visitaron os talleres dos distintos ciclos formativos, e as nosas alumnas de ciclos típicamente masculinizados (p.e. a rama de Construcción, Electricidade e Electrónica ou Fútbol Sala, etc), compartiron as súas experiencias, deixando claro que ser muller non é un impedimento para desenvolver unha carreira neses ámbitos.

Durante o percorrido, os rapaces e rapazas descubriron o funcionamento de diferentes instalacións do centro: o taller de Instalacións de Telecomunicacións, a sala de radio e o estudio de televisión, onde experimentaron co croma e coñeceron de preto os sistemas de transmisión e comunicación; o taller de Vídeo DJ, onde observaron aos alumnos e alumnas de Video DJ realizando un exame práctico de iluminación e son; a casa modular feita con contedores de barco, unha impresionante colaboración entre os ciclos de Construción e Enerxía e Auga.

Moitas grazas aos alumnos e alumnas de 2º Dual de Acondicionamento Físico polas actividades deportivas que organizaron e puxeron o broche final a unha xornada chea de aprendizaxe e diversión.

Dende a Biblioteca do CIFP A Farixa, queremos dar as grazas ao CEIP Mariñamansa por compartir esta xornada connosco. Tamén agradecemos a colaboración de Olalla Ferreira, Coordinadora da Biblioteca do CEIP, coa que esperamos seguir desenvolvendo proxectos conxuntos no futuro.

Hoxe puidemos participar no relatorio que impartiu Bea Lema na Escola Superior de Arte e Deseño Antonio Failde, dentro do programa Dibujantes de historias, Encuentros literarios en Escuelas de Arte que promove a Dirección General del Libro, el cómic y la lectura, Ministerio de Cultura de España. 

Foi un encontro moi interesante, no que descubrimos as distintas técnicas empregadas pola autora no libro "O corpo de cristo" polo que recibíu o Premio Nacional de Cómic, e como foi construindo o seu propio estilo persoal,. Tamén relatou como foi o seu camiño profesional ata chegar a publicación do libro, e falouno dos proxectos actuais nos que está traballando, entre os que destaca a adaptación do libro a un cortometraxe de animación.

Como colofón, a autora firmou o libro que temos na biblioteca a vosa disposición!!

Este San Valentín, na biblioteca do CIFP A Farixa quixemos ir máis alá dos tópicos e reflexionar sobre o mito do amor romántico. Para iso, organizamos unha actividade visual e participativa que fixo pensar ao noso alumnado sobre o que realmente significa o amor.

No noso mural en forma de corazón dividido en dúas metades, os estudantes foron deixando as súas impresións:

🔴 Na parte vermella, colocaron post-it con frases que representan un amor sano, baseado no respecto, na confianza e na liberdade.
⚫ Na parte negra, identificaron aquelas ideas que reflicten un amor tóxico, marcado polos celos, a posesión ou a dependencia emocional.

O resultado foi un mural cheo de reflexións valiosas, que nos axudan a recoñecer relacións positivas e a afastarnos das crenzas que perpetúan vínculos daniños.

Grazas a todos por participar!❤️

Co gallo do San Valentín, a Bilbioteca ven de argallar unha actividade pola que poderás facer chegar a esa persoa especial un libro que 

Cómo funciona?

1. 📚 Elixe un libro da biblioteca 

2. 🤗 Indícanos a quen llo queres agasallar 

3. ✍️ Se o desexas, escribe unha dedicatoria 

4. ✨Na biblio, faremos que chege a esa persoa especial

Enche o seguinte formulario e a biblioteca fará chegar o teu agasallo:

• Formulario:  Agasalla un préstamo!

Chega o San Valentín á Bilbioteca do CIFP A Farixa!

Déixate seducir por un libro descoñecido!

Na biliblioteca atoparás unha selección de libros "sorpresa" envoltos de maneira que non se vé nin a cuberta nin o título. No envoltorio atoparás unha serie de pistas que te axudarán a escoller a túa parella ideal!

Anímate e ven coller o teu!

A biblioteca do CIFP A Farixa lanza o concurso "Bookface Farixa" . Atréveste a participar? Aquí tes toda a información que necesitas:

 Que é o Bookface?
É unha técnica fotográfica creativa onde combinas unha parte real do teu corpo ou vestimenta coa portada dun libro, facendo que parezan un só elemento. É o momento de deixar voar a túa imaxinación: xoga coas proporcións, as cores e os detalles!

Quen pode participar?
Este concurso está aberto a toda a comunidade escolar: estudantes, profesorado e membros do persoal de servizo.

 Premios:

• Categoría A - Premio do Xurado: Vale de 50 € para gastar no comercio local.

• Categoría B - Premio do Público: Vale de 50 € para gastar no comercio local (a fotografía con máis "Gústame" no Instagram da biblioteca).

Prazo: 

• Prazo de presentación de fotografías:  do 15 de xaneiro ao 15 de marzo de 2025

• Prazo de votación á mellor fotografía:  do 16 ao 31 de marzo de 2025

Como participar?
Envía a túa fotografía en formato JPG, JPEG ou PNG ao correo: biblioteca@farixa.es.  No asunto, indica: "Concurso Bookface Farixa".  Inclúe os seguintes datos na mensaxe:

• Nome e apelidos

• Teléfono

• Curso (se procede)

Exposición e difusión:
As fotografías máis destacadas formarán parte dunha exposición especial na biblioteca e serán publicadas nas nosas redes sociais.

🔗 Para máis información: Bases do Concurso Bookface Farixa 2025 

 Ano novo, Reto Lector novo!

Para toda a Comunidade Escolar:  estudantes, profesorado e persoal de servizos!

O reto consiste en completar 4 lecturas, e facer unha breve recensión das mesmas.

4 Libros e dúas formas de participación:

• Ler un libro de cada unha das seguintes temáticas:  

  1. Un libro que foi adaptado ao cine

  2. Un libro distópico, de fantasía ou ciencia ficción

  3. Un libro ilustrado, cómic ou banda deseñada

  4. Un libro de misterio, intriga ou terror

• Ler 4 libros escollidos polo lector, co asesoramento de Biblioteca.

As recensións faranse en galego en formato texto ou vídeo, e serán publicadas no Padlet do Reto Lector. O equipo e voluntarios de biblioteca poderán axudarte nesta tarefa.

Premio: un agasallo cultural para todo o que remate o reto (lectura+recensións) dentro do prazo

Prazo: ata o 31 de maio

Para mais información: Bases Reto Lector 2025

Recensións do Reto lector: Padlet Reto Lector

Xa temos gañadores do noso concurso de portas terroríficas! 🎃👻 

Tras unha elección moi difícil polo alto nivel de creatividade e talento, queremos felicitar ao alumnado de 2º de Ciclo Superior de Proxectos de Edificación, gañadores na categoría de estudantes, e á porta de Conserxería, que levou o premio na categoría de profesorado e persoal de servizos. 

Moitas grazas a todos os que participaron e encheron os corredores do CIFP A Farixa de terror e imaxinación! Aquí podedes ver as fotos das portas gañadoras e outras propostas destacadas.

Únete ao equipo de voluntariado da biblioteca do CIFP A Farixa!

Se che gustan os libros, as novas experiencias ou simplemente es unha persoa riquiña e queres colaborar nun proxecto especial, esta é a túa oportunidade! Na nosa biblioteca, sempre hai espazo para mentes inquedas e mans colaboradoras. 😎📚

En que consisten as tarefas?

Poderás axudar a organizar os libros e outro material da biblioteca, xestionar préstamos e devolucións,  propor e/ou colaborar na organización de eventos, axudar na xestión das redes sociais , crear recomendacións de lecturas para os teus compañeiros/as, e calquera outras que xurdan ou propoñades.

 E as recompensas?

Aparte de vivir unha experiencia única  colaborando nun proxecto educativo, terás moitos beneficios mais: coñecerás xente nova, adquirirás novos coñecementos, poderás por en marcha iniciativas que te apaixonen, e recibirás un certificado de voluntariado que mellorará o teu CV,! 🎉📖

Se te animas, pásate pola biblioteca e únete ao noso equipo de voluntariado.

¡Estamos desexando contar contigo! 💪✨

Dentro do Programa de Formación aos Usuarios da Biblioteca, os alumnos e alumnas de 1° de FP Básica de Electricidade e Electrónica visitou as instalacións da Biblioteca Pública Nos, de Ourense.

Atendéunos de novo Iria Miguélez, quen nos amosou as instalacións e informou aos estudantes de todos os servizos que ofrece a Biblioteca:

• pedir en préstamo libros de todo tipo, tanto en papel como dixitais

• gozar de películas, videoxogos, música, revistas... 

• usar os ordenadores e conectarte a internet 

• participar nas múltiples actividades que organiza a biblioteca

 E todo isto  e máis, DE BALDE!!!!

Os/As estudantes que aíndan non tiñana o carné de usuario da Biblioteca aproveitaron para facerlo, e xa houbo quen  o estrenou,!

Quedamos encantados/as coa visita.

Moitas grazas por recibirnos. 

Este xoves 24 de outubro, Día das Bibliotecas, temos a primeira reunión do club de lectura "Papalibros "🎉

⏰Será as 11:00 na Biblioteca.

🎲 Ese día tomaremos importantes decisións, como a primeira lectura da tempada e a posibilidade de creación dun club temático. Non faltes!!

E estade atentos, que haberá sorpresas polo Día das Bibliotecas!! 🎉 

Xa comezou!!

Os nosos alumnos e alumnas da FP Básica xa teñen unha cita semanal coa lectura. A partir de agora, cada semana dedicarán unha hora a mergullarse nun libro e deixar voar a súa imaxinación.

Podedes consultar o calendario da actividade nas redes sociais e tamén no taboeiro da aula dos grupos.

E non esquezades pasar pola biblioteca a coller as vosas lecturas! Os responsables da biblioteca axudaránvos a atopar ese libro incríbel que vos permitirá viaxar sen saír da habitación.

Impulsado de modo conxunto polo Departamento de Orientación, a Coordinación de Benestar e a Coordinación de Biblioteca, nace o Equipo de Diversidade no noso centro!

Queremos crear un espazo onde cada persoa se sinta escoitada e representada, un lugar onde aprender, compartir e dende o cual promover a inclusión e aceptación de todas as diversidades: de corpos, etnias, capacidades, nacionalidades, culturas, identidades LGTBIQ+, e moitas mais!

A primeira reunión é este mércores as 11:00, na biblioteca.

Se che preocupan temas como a igualdade, a inclusión ou a diversidade, este é o teu equipo. Todes sodes benvidos! 

Chega o Samaín e os fantasmas e monstruos invaden o instituto! Cal será a aula mais terrorífica? 

Para participar non é necesario inscripción previa, faise decorando a porta da aula! Tedes ata as 11:00 do mércores 30 de outubro. 

🍕🍏O premio consistirá nun almorzo terrorífico no recreo para o grupo decorador da aula gañadora 🎉

Tede en conta que:

• A decoración debe estar relacionada co Samaín

• Decorarase tan só a porta da aula e ata 50 cm a cada lado

• Valorarase o uso de materiais reciclados e reutilizados

• Permítese utilizar materiais diversos (papel, cartón, luces etc.), sempre que non danen permanentemente a porta nin as paredes.

• As decoracións deben ser seguras, sen elementos que poidan causar accidentes (nada que sobresaia perigosamente ou poida caer).

• Non se permite o uso de símbolos ofensivos, discriminatorios ou violentos que poidan ferir a sensibilidade dos demais.

Os profesores tamén poden participar!!! Cal será o departamento co porta mellor decorada??

As bases completas do concurso pódense consultar aquí: Bases do Concurso de Portas Terroríficas

Última hora!!!

Xa chegou o esperado poemario "Maldita primavera" da nosa alumna Silvia Domínguez.

Animádevos a consultalo na biblioteca!

🏚️Arturo Fernández Araújo, delineante xubilado, apaixoado dos hórreos movido polo seu profesor Xaquín Lorenzo Fernández “Xocas”, veu compartir coa nosa comunidade o seu saber, recollido por mais de 43 anos e medio millón de kilómetros rerorridos no estudo da figura dos hórreos.

Os alumnos do CS de Proxectos de Edificación e do CM de Obras de Interior, Decoración e Rehabilitación participaron na charla , onde descubriron a relación entre os hórreos o os cereais.

Aquí compartimos algunhas fotos do evento!

Moitas grazas  a Arturo pola súa desinteresada colaboración e compartir o seu saber cos nosos estudantes.

🎨🖌️ Xa sabedes que este ano o lema das bibliotecas escolares é "Unha biblioteca en viñetas" e que estamos a facer un especial esforzo por dar a coñecer e por en valor os fondos ilustrados, xa se chame manga, comic, banda deseñada, etc.

Pois hoxe 30 de xaneiro é o día da Ilustración, e qué mellor maneira de conmemoralo que disfrutar dun taller de ilustración a cargo do renombrado ilustrador ourensán Marcos Viso! 

Os estudantes descubriron da súa man cousas como a importancia do uso e distribución do espazo, o concepto de metáforas  e narracións visuais, aprendendo a contar historias con secuencias de imaxes a través de estratexias que empregan o debuxo mais alá da realidade

Botade unha ollada a todo o que fixemos!