Aquí tedes as nosas lecturas nos clubs para este segundo trimestre.!!!

Se todavía non pertences ao club, anímate a participar ven pasar un rato xenial, tanto si es un lector voraz como se eres un lector ocasional.

Á volta das vacacións tivemos a xuntanza para compartir as nosas impresións sobre o cómic de Julie Maroh. Non puidemos facela antes, xa que os  exemplares  tardaron moito en vir. Aínda que fomos complementando a lectura en papel coa lectura en dixital,  levounos bastante rematar o libro debido á complexidade da lectura. 

Os participantes coincidiron en que  foi unha lectura complexa, non polas historias que se contan, que gustaron bastante en xeral, senón polo complexo do vocabulario empregado pola autora, con moitos termos coloquiais que descoñecían. 

Gustou moito o formato de pequenas historias, e a variedade das realidades que abordan e  representan, que sorprenderon a moitos (parexas hetero dende a adolescencia ata a vellez, parellas  do mesmo sexo,  bisexuais, con persoas trans, relacións poliamorosas, relacións marcadas pola diferencia de idade, raza, capacidade, etc). Deu para unha profunda reflexión sobre  as relacións de parella, na que non houbo consenso en tódolos casos.

O club de Lectura reuniuse para comentar  a lectura do trimestre: "Onde nacen as bestas", do escritor vigués Pedro Feijoo. 

Para romper o xeo, dispúñámos dunha colección de fotos e obxectos que facían referencia a momentos clave ou símbolos do libro. Cada participante tivo que elixir aquel obxecto que mellor representase o seu sentimento ou opinión persoal sobre o lido. Foi unha forma fantástica de poñer en común as nosas impresións.

Se algo quedou claro nos comentarios dos asistentes é que a novela se le soa. A maioría coincidiu en destacar que é unha lectura  áxil e dinámica. A algúns sorprendeu  o uso do humor. Pese ao truculento dos asasinatos, Feijoo consegue arrincarnos sorrisos .

Salientóuse como un dos puntos fortes da obra o ben documentada que está a trama. O libro serviunos para profundizar na historia de Manuel Blanco Romasanta e a figura mítica e real do sacauntos. Falamos da rede de tráfico de substancias do corpo humano (o unto), ás que antigamente se lles atribuían propiedades curativas. E, nun plano máis actual, debatemos sobre as tramas políticas e económicas que moitas veces se agochan tralos incendios forestais.

A opinión xeral sobre a obra foi positiva, aínda que algúns dos asistentes comentaron que quizais non lles atrapou tanto como obras anteriores do autor. O punto mais discutido foi o final. Sen facer spoilers (o que pasa no Club, queda no Club!), diremos que o desenlace xerou opinións encontradas.

Grazas a todas e todos por vir e compartir as vosas lecturas. Vémonos na próxima xuntanza!

Chegou o final do trimeste e que mellor forma de despedilo que coa xuntanza do club de lectura para comentar a nosa primeira lectura  do curso: "Invisible" de Eloy Moreno. 

Estrenamos con este título a lectura en formato audiolibro, que combinamos coa lectura do libro en formato dixital e físico. 

As lectoras e lectores da Farixa pedírono...e nós cumplimos!

Moitos de vós queriades quedadas mais a miudo para comentar como van as lecturas, intercambiar recomendacións lectoras e compartir descubrimientos antes de rematar o libro. E así será!

Reunións periódicas na biblioteca: 

• Club de Lectura Fácil: 1º e 3º luns do mes 

• Club de Lectura en Francés: 1º e 3º martes 

• Club de Lectura en Inglés: 1º e 3º mércores 

• Club Xeral: 1º e 3º xoves 

Onde: na biblioteca

Cando: no recreo

Estas citas non substitúen as reunións finais trimestrais, senón que se suman a elas. Esperamos que as disfrutedes! 

Ola a todos e todas e benvidos/as a un novo curso! 

Sabemos que estades a tope co inicio de curso, pero na biblioteca xa estamos a quentar motores para un ano cheo de proxectos , lecturas, e, sobre todo, bo ambiente! 

Volve "Papalibros", o noso club de lectura! 

Este ano vimos cargados de novidades e queremos que sexades parte delas dende o minuto cero. Por iso, na nosa primeira xuntanza, decidiremos xuntos/as o rumbo de "Papalibros":

• Un único club para dominalos a todos? Seguiremos coa dinámica de ler un libro por trimestre, elixido entre todos/as, para comentalo nas nosas reunións. 

• Ou dividímonos por gustos? Podemos crear clubs temáticos máis específicos para os que tedes unha paixón moi clara:

  • Club do Cómic: se a tua paixón son as novelas gráficas ou banda deseñada.

  • Club de Lectura Fácil: se che apetece ler dunha forma máis accesible e relaxada.

  • Club de Thriller: se non podes vivir sen unha boa dose de misterio e suspense.

  • Club de Poesía:  se o teu é gozar dos versos e a beleza da linguaxe.

  • Club de cine

  • etc.

Que me espera en "Papalibros"?

Ademais das xuntanzas para esmiuzar os libros, organizaremos encontros con autor@s, roteiros literarios e moitas máis sorpresas que iremos desvelando.

Cómo me apunto ao Club de Lectura?

Podes anotarte:

• enviando un correo a biblioteca@farixa.es , indicando o teu nome e apelidos,  o curso que estás matriculado/a,  e o tipo de libros que che gusta ler. 

• apuntándote na ACF da Aula Moodle do centro. 

Non o penses máis e únete!

Unha das obras escollidas para o segundo trimestre foi La Fundación, unha obra de teatro de Antonio Buero Vallejo, unha elección feita por un grupo de alumnos que xa a coñecían das súas etapas anteriores no bacharelato… mais que querían redescubrir desde unha nova mirada. 

Por iso,  a maiores da lectura habitual, decidimos facer unha actividade diferente: o visionado conxunto dunha adaptación teatral da obra, seguido dun coloquio e espazo de reflexión. A experiencia foi intensa e moi enriquecedora. 

Grazas a todo o alumnado participante pola súa asistencia y as aportacións que fixeron á reflexión.

Hoxe xuntámonos no Club de Lectura para comentar "Todo esto te daré" de Dolores Redondo.

Houbo quen non puido parar de ler...e quen lle sobrou medio libro!. Gustaron moito os temas abarcados na novela: homosexualidade, drogas, abusos sexuais, entre outros, deron para moito análise e debate. Sen embargo, houbo quen considerou que se fai un retrato dunha Galiza e dunha Ribeira Sacra "atrasada" que non se corresponde en absoluto coa realidade.

A valoración xeral do libro foi dun 6 sobre 10, o que non está mal.

Aproveitamos a xuntanza para comentar as primeiras impresións sobre o novo libro que estamos a ler no club: "Detective Ferruchi", de Marta Villar, e está gustando moito ata o momento. Tamén puxemos en común recomendacións para futuras lecturas!Grazas a todos e todas por participar! 

O xoves 3 de abril o CIFP A Farixa tivo a oportunidade de participar na Tertulia Literaria e posterior encontro co autor Alberto Mancebo para falar da súa obra "Indolente",  gañadora do XXX Premio de Novela Curta Manuel Lueiro Rey.

O evento, organizado polo Concello de Ourense en colaboración coa Deputación de Ourense, celebróuse no Liceo de Ourense.

Pasámolo estupendamente  falando da obra e dos temas que abarca. O encontro deu pé á reflexión sobre temas moi variados, como o cambio climático e a empatía humana.

Quedamos esperando con ansia a próxima tertulia!!

Tras as primeiras reunións dos clubes de lectura, tocaba escoller as seguintes lecturas, e non foi nada doado. Houbo moitas propostas interesantes e foi moi difícil decidir entre todas elas, pero ao final estos son os libros que resultaron escollidos:

📖 Subnormal, unha historia de acoso escolar, de Fernando Llor

No club de banda deseñada  estamos a  ler esta novela gráfica que  relata o acoso escolar sufrido por Iñaki Zubizarreta, ex-xogador de baloncesto.  Os exemplares foron cedidos pola biblioteca do Ies As Lagoas, á cual agradecemos enormemente o préstamo e a súa colaboración

📖 La fundación, de Antonio Buero Vallejo

Esta foi a obra escollida no club de lectura de  alumnos . Neste ano no que o lema das bibliotecas escolares é "Biblioteca escolar, á escena!, qué mellor que unha obra mestra do teatro  español para celebralo! 

📖 El extraño caso del doctor Jekyll y Mr. Hyde, de Robert Louis Stevenson

No club de lectura fácil estamos a ler a versión adaptada e accesible de este clásico da literatura que explora o lado máis escuro do ser humano, a identidade persoal,  o conflicto entre o ben e o mal e e os límites da ciencia

📖 Todo esto te daré, de Dolores Redondo

No club de lectura de adultos estamos a ler este thriller ambientado na Ribeira Sacra no que Manuel, tras recibir a noticia da morte do seu marido nun accidente, comeza a descubrir segredos ocultos que nos manterán en vilo

Outra vez mais, reunímonos no club de lectura fácil, no que estamos a ler A idade da ira, de Nando López, que tantos temas de discusión fixo xurdir. Esta era a nosa primeira lectura no formato "Lectura Fácil" e temos que decir que foi un gran descubrimento, gracias ao cual todo o mundo puido gozar da lectura.

Nas reunións  semanais de lectura,  o primeiro que facemos é ler en voz alta un capítulo e despois comentar o lido. Algúns capítulos deron lugar a moitas más reflexións e discusións que outros, polo que nalgunhas ocasións avanzábamos mais na lectura que noutras. Deunos algo de pena rematar o libro!

A lectura  gustou moito a todos os participantes. Está basado en feitos reais: Marcos, un estudante de 16 anos, mata ao seu pai e deixa malferido a un dos seus irmáns. Un periodista decide investigar estos feitos e imos acompañándolo na súa investigación. Os profesores e compañeiros de Marcos  van aportando os seus relatos sobre o acontecido e moitos temas saen á luz: o descubrimiento da propia identidade sexual, o racismo, os abusos sexuais, o estilo de crianza autoritario, etc... 

A obra foi adaptada a unha serie de televisión que pode verse  en A3 Player. 

Primeira lectura do club de lectura de adultos

Hoxe, 20 de decembro, tivo lugar a xuntanza do club de lectura de adultos para a posta en común da lectura do libro "A amiga estupenda", primeiro libro da tetraloxía "Dos amigas", de Elena Ferrante, que foi recentemente seleccionado polo New York Times como o mellor libro do século XXI. 

O primeiro que nos chamou a atención é que non se sabe quen escribiu o libro,  xa que Elena Ferrante é o seudónimo baixo o que firma un autor ou autora descoñecido.  Houbo  sospechas de que a autora poidera ser a traductora Anita Raja, pero non hai confirmación fehaciente.

O libro gustou moito a case todos, ainda que non tanto como para nomealo  mellor libro do séculoXXI! Pareceunos que está moi ben escrito e que resulta entretido, atrápate e non consigues deixar de ler.  Relata a historia da amizade entre Lenú e Lina, dúas amigas que viven en Nápoles nos anos 50, nun barrio humilde e marcado pola violencia e as dificultades económicas, dende a infancia ata o casamento de Lila.  Pero o libro aborda moitos mais temas ademáis da amizade:  a identidade, as clases sociais, a violencia,  o rol das mulleres e os condicionantes sociais que moldean as nosas vidas. 

Animámosvos a descubrir esta obra na nosa biblioteca e a compartir as vosas impresións da lectura !

Primeira lectura do club de Banda deseñada

Hoxe tivo lugar a xuntanza do club de lectura de banda deseñada que xurdiu este curso, para compartir impresións sobre a primeira lectura: "Solanin", o manga de Inio Asano. 

A obra está ambientada no Xapón contemporáneo, e nela se ilustra a  historia de Meiko, unha moza que decide abandonar o seu monótono traballo de oficina para buscar algo máis significativo na súa vida, e Taneda, o seu noivo, un músico que loita por perseguir os seus soños artísticos mentres encara as dificultades da vida adulta. 

En Solanin  explóranse os retos emocionais e existenciais da mocidade e do paso á vida adulta, abordando temas universais como a identidade, o sentido da vida, a liberdade, a amizade e a perda.  

O manga gustou moito a todos os participantes. Algúns dos asistentes comentaron que se sentiron  moi identificados co libro,  por exemplo cando reflexa a necesidade de romper coa rutina e perseguir os  soños. Houbo tamén  quen manifestou que a lectura resultara ás veces demasiado intensa dende un punto de vista emocional, pero que lles gustara de todos modos.  Tamén  gustaron moito as  ilustracións!

Para os que aínda non tivesteses a oportunidade de ler esta obra, Solanin está dispoñible na nosa biblioteca e é unha lectura que recomendamos sen dúbida!

Hoxe foi 24 de outubro,  día das bibliotecas, e que mellor ocasión que esta para ter a primeira reunión do clube de lectura de alumnos e alumnas do noso centro.

Tomáronse decisións impotantes: valoráronse distintas obras como posibles primeiras lecturas, tendo en conta as propostas do equipo de bilblioteca e dos integrantes do club, sopesóuse a posibilidade de facer un ou varios clubes temáticos, como así foi, e discutiuse o calendario de reunións.

Os acordos adoptados foron os seguintes:

• no club de Lectura Fácil  a primeira lectura será "La edad de la ira", de Nando López.  Basada en feitos reais, ten adaptación a serie de televisión e a teatro. Narra a historia dun instituto que amanece conmocionado pola noticia de que Marcos, un alumno aparentemente perfecto, ven de asasinar brutalmente ao seu pai. Un periodista investiga estes feitos buscando comprendelos.

• no club de banda deseñada leremos "Solanin" de Inio Asano, un manga que aborda o paso á vida adulta e as incertezas laborais e existencias que enfronta a xente nova na actualidade.

• no club xeneralista a primeira lectura vai ser "O curiouso incidente do can a medianoite" de Mark Haddon. O protagonista é un rapaz con Asperger que xunto co seu pai, investiga a morte dun can.  A través da súa perspectiva única, descubrimos como vive e entende o mundo, nunha historia chea de sensibilidade e humor. 

• no club de club de adultos (profesorado, persoal de servizos, pais, nais e membros da comunidade ) escolleuse "La amiga estupenda", de Elena Ferrante, que ven de ser escollido polo New York Times como o mellor libro do último século. Conta a vida de dúas amigas no Nápoles de mediadios do século pasado. 

Estamos emocionados de anunciar que o noso Club de Lectura  volve á carga!

Non importa se es un lector habitual ou se apenas estás a descubrir o gusto pola lectura,  no Club de Lectura "Papalibros" todos  e todas tedes cabida!

Cada trimestre leremos un libro que seleccionaremos entre as suxestións do equipo da biblioteca e as recomendacións dos membros do club. Así que, non só poderás gozar de grandes lecturas, tamén terás voz na elección!

Que podes esperar do club?

• Un libro por trimestre:  tempo máis que suficiente para saborear  a lectura sen prisas, reflexionar sobre o lido e debater.

• Reunións periódicas: alo menos unha a o trimestre, para discutir o libro escollido, compartir as túas opinións, escoitar as dos demais e aprender e desfrutar xuntos.

• Sorpresas e actividades:  ademais das lecturas, estamos a preparar algunhas actividades para facer a experiencia aínda máis enriquecedora, como poden ser encontros con autores, roteiros literarios e moito mais!

Se che interesa sumarche, podes facelo anotándote na Aula Moodle, na ACF "Club de lectura", achegándote á biblioteca  ou ben enviando un correo electrónico a biblioteca@farixa.es

Animádevos a participar!!! 

Eperámosvos cos libros abertos!!! 🚀📚 

Seguindo as recomendacións de Alba Guzmán, a autora de "Xoaniña de Deus",  temos escollido o libro de lectura do club para este terceiro trimestre. 

Trátase do libro  🏖️"O verán no  que miña nai tivo os ollos verdes", de Tatiana Tibuleac, no que se abordan as relacións entre nais e fillos e faise un alegato en favor de que nunca é tarde para o amor e o perdón.

Podedes consultar aquí a guía de lectura sobre o libro elaborada pola biblioteca municipal de A Coruña:  

• GUÍA DE LECTURA: "El verano en que mi madre tuvo los ojos verdes"

Outros libros que estamos a leer no noso club neste terceiro trimestre, son os seguintes:

• 🌞Klara y el sol, de Kazuo Ishiguro

• 🌒Grito nocturno, de Borja González, que gañóu ou premio nacional de cómic 2023

• 🌆Os suicidantes, con guión de Diego Ameixeiras e ilustracións de Tomás Guerrero

• ✈️La anomalía, de Hervé le Tellier, gañadora do premio Goncourt 2020

• 🧕Persépole, de Marjane Satrapi

Tras a primeira xuntaza, decidíuse que non imos ler todos o mesmo libro, senón que cada quén escollerá un libro do seu interese, e nas xuntanzas iremos comentando as nosas diferentes lecturas. 

Decidíuse tamén que aquel libro que fora escollido por maior número de participantes no club rebirá un tempo mais extendido na xuntanza, para falar del.

O club escolleu 5 libros  principais como recomendacións de lectura para este trimestre, que son os seguintes:

• "Rewind", de Juan Tallón, en galego e castelán

• "Beleza Vermella", de Arantza Portabales, en galego e  castelán.

• "Un lume azul", de Pedro Feijoo, tamén en galego e en castelán.

• "Hamnet", de Maggie O'Farrel

• "Heartstopper" de Alice Oseman

Outros libros que estamos a ler son "A vida secreta de Úrsula Bas" e "O home que matou a Antía Morgade", de Arantza Portabales, "Territorio descoñecido", de Luis Leante, "No pienses en un elefante rosa", de Antía Yáñez, e"Cien años de soledad", de Gabriel García Márquez

Felices lecturas!