Día 2: Tour polo Liceul Teoretic Gheorghe Lazar, Avrig

Para cumprir este obxectivo, teñen desenvolto varias iniciativas interesantes: 

• • decoran as clases con cortinas de cores escollidas polas nais e pais dos rapaces e rapazas.

  • engalanan as paredes con murais que o profesorado elabora co alumnado. 

  • realizan actividades de diversa índole co alumnado na súa luminosa biblioteca, onde hai una persoa bibliotecaria que se encarga de que estea sempre en marcha!

  • teñen posto en marcha un particular museo etnográfico con obxectos e doazóns do alumnado e das súas familias, para poñer en valor o seu patrimonio cultural. No carrusel de fotografías pódese observar unha pequena mostra desta escolma.

Os momentos máis emotivos da xornada tiveron lugar en dous espazos ben diferentes:

• • Compartimos co equipo directivo do centro un almorzo dos que o alumnado fai diariamente na súa aula, durante un descanso de 20 minutos, entre as últimas dúas clases da xornada. Sorprendeunos o traballo colaborativo dos rapaces e rapazas, que se encargan - personalmente e en equipo - de trasladar as viandas a cada aula, atravesando corredores e escaleiras infinitas!

  • Visitamos a terraza do seu edificio, onde desfrutamos das vistas aos Cárpatos e ao pequeno pobo de Avrig.