Tumoideachais

Polasaí Úsáid na Gaeilge

Cad é an tumoideachas sa Ghaeilge?

Ciallaíonn tumoideachas go mbeidh timpeallacht foghlama, teagaisc agus chumarsáide an pháiste á cur ar fáil trí Ghaeilge ag an scoil. Déanfaidh an scoil freastal ar riachtanais fhoghlama chainteoirí dúchais Gaeilge agus páistí nach cainteoirí dúchais iad.

Céard iad na buanna a bhaineann leis an tumoideachas sa Ghaeilge?

• Cuireann an fhoghlaim trí mheán na Gaeilge deis ar leith ar fáil do dhaltaí an fhoghlaim agus an dul chun cinn a shaibhriú ar mhórán bealaí. 

• Tugtar deis leis an tumoideachas do chainteoirí dúchais a gcuid scileanna teanga sa Ghaeilge a shaibhriú. Tugtar deis fosta do na foghlaimeoirí nach bhfuil ina gcainteoirí dúchais iad féin a thumadh sa Ghaeilge.

• Tacaíonn an tumoideachas sa Ghaeilge le sealbhú agus saibhriú teanga an pháiste agus, dá réir sin, le forbairt inniúlachta an pháiste chun teangacha eile a fhoghlaim.

• Aithnítear gurb é an tumoideachas an córas is éifeachtaí chun an Ghaeilge a mhúineadh agus a shealbhú i suíomh scolaíochta.

• Déanann an tumoideachas freastal cuí ar an bpáiste arb í an Ghaeilge a theanga dhúchais agus ar fhoghlaimeoirí na teanga chomh maith.