Dahil sa daming naiisip na protekyong ilulunsad ng Sangguniang Kabataan (SK) sa Baras,  Rizal, nahihirapang maipagkasya ng mga miyembro nito ang badyet na 10 pursyento na nagmula pa sa barangay upang mapabilis ang pagpapatupad nito para sa mga kabataan.

Mula sa 100 pursyentong pondo ng barangay, 10 pursyento lamang ang natatanggap ng SK na hindi umano kumakasya para sa kanilang pangangailangan na hindi lamang makatutulong sa organisasyon nila, kundi pati na rin sa mga mag-aaral.

Inamin ni Baras SK Chairman Gimarl Garrovillas na hindi sapat para sa kanila ang nakukuha nilang pursyento dahil napupunta ang karamihan nito sa pamimili ng mga gamit pampaaralan na kanilang pinamamahagi sa mga estudyante at ang iba pang kabilang dito.

“Sa totoo lang, hindi enough para sa aming organization(SK) ang budget na nakukuha naming from barangay, which is 10%, kasi syempre, halos ‘yung kalahati no’n ay napupunta sa school supplies pa lang, paano pa ‘yung sa iba naming participants,”

Samantala, ayon sa datos, hindi lamang SK ang binibigyan ng barangay kundi pati na rin ang ‘Honorarium’ o suweldo para sa mga nagtatrabaho.

Ang 100 pursyento na badyet ng barangay ay nababawasan ng 35%, 10% para sa SK, habang 25% naman para sa suweldo.

Sa kabilang banda, kabilang din ang Junior Chamber International (JCI) sa mga tumutulong sa kanila kung hindi na sapat pa ang badyet na ipinamahagi sa kanila.

Gayunpaman, inaasahan ni Garrovillas ang pagtaas ng pursyentong kanilang matatanggap bago matapos ang taong 2026 upang madagdagan na rin ang proyektong mailulunsad ng SK.

IBA PANG MGA BALITA

➤ Sangguniang Kabataan, nagpapahiram ng laptops para sa mga mag-aaral

➤ Pinansyal para sa board exam takers, sagot na ng Sangguniang Kabataan

➤ Huwag niyong hayaang maging pahinang hindi nabuksan ang pangarap—Garrovillas 

➤ Iba’t ibang proyekto ng Sangguniang Kabataan, nagsilbing dagdag para sa pondo