ANALYSIS
Ipinahiram ng Sangguniang Kabataan ang kanilang mga naibiling laptops sa mga estudyanteng kinakailangang gamitan nito upang makapagpaabot ng tulong sa kanilang gagawing asignatura sa paaralan.

Namahagi ang organisasyong Sangguniang Kabataan (SK) ng libreng pagamit ng laptops para sa mga estudyanteng nangangailangang makagamit nito para sa kanilang mga aralin sa Baras, Rizal.

Kanilang isinagawa ang pamamahaging ito upang matulungan ang mga kabataang hindi nabibigyan ng pagkakataon na makabili o makahiram sa iba.

Ayon sa Baras SK Chairperson Gimarl Garrovillas, mahigit 15 estudyante na ang napahihiram na laptop ng SK sa Baras, Rizal mula taong 2024 hanggang sa kasalukuyan.

“Simula 2024 until now, mahigit 15 students na ang natutulungan nating students pagdating sa pagpapahiram ng ating mga laptops dito sa Baras,” ani Garrovillas.

Aniya, mayroong kwalipikasyon sa pagpapahiram ng mga laptops sa mga mag-aaral, katulad na lamang ng kanilang beripekasyon na sila ay nakarehistro bilang botante ng SK at ang kanilang school I.D.

Samantala, dagdag pa niya, mahalagang mayroong maipahiram sa mga kabataan na laptop dahil napakahalaga na ng teknolohiya sa kanilang pag-aaral dahil halos dito na umiikot ang mga aralin at asignatura.

“Mahalaga talaga na may maipahiram tayo sa mga mag-aaral kapag nangangailangan sila ng laptop, kasi sa ngayon, napakahalaga na ng teknolohiya para sa mga kabataan, naandoon na halos ‘yung mga lessons at aralin nila,” saad ni Garrovillas.

Sa kabilang banda, tatanggap ang SK ng magrerehistro para sa panibagong eleksyon simula Nobyembre 2, 2026, mula ika-8 ng umaga hanggang ika-5 ng hapon.

IBA PANG MGA BALITA

➤ Mga proyektong nais mailunsad ng Sangguniang Kabataan, kinukulang sa 10% na badyet

➤ Pinansyal para sa board exam takers, sagot na ng Sangguniang Kabataan

➤ Huwag niyong hayaang maging pahinang hindi nabuksan ang pangarap—Garrovillas 

➤ Iba’t ibang proyekto ng Sangguniang Kabataan, nagsilbing dagdag para sa pondo