PLÁSTICA

Coma cada ano, as diferentes aulas elaboraron os seus propios recipientes nos que botar as castañas o día do Magosto. Neste caso, o alumnado do 3º ciclo fixo estas bolsiñas de papel, as cales decoraron con motivos de Harry Potter.

Para aplicar o punto de fuga nun debuxo, botamos man do tren Hogwarts Express. Despois de facer algunhas prácticas previas máis sinxelas, os alumnos e alumnas de 5º e 6º de EP elaboraron individualmente o seu debuxo, seguindo os pasos dun videotitorial elaborado polas mestras de Educación Plástica.

O comezo do segundo trimestre estivo dedicado na súa totalidade á elaboración dos disfraces do Entroido: alumnas e alumnos de Hogwarts. 

Un dos elementos que fixemos na aula foi a nosa propia variña máxica. Para iso, recubrimos con arcilla de modelar un pau duns 30cm aproximadamente, dándolle a forma desexada.

Despois, cada un pintou a súa variña libremente e decorouna engadindo os accesorios que quixo.

O outro elemento esencial do noso disfraz de Entroido era a túnica característica do alumnado que asiste a Hogwarts. Para iso, mercamos telas negras e medímonos para confeccionar os patróns.

Coa tela xa cortada, cada nena e neno hilvanou a súa túnica e coseuna, coa supervisión da nosa experta mestra costureira, facendo uso da máquina de coser de Polos Creativos.

Por último, engadimos os detalles: o escudo da casa de Hogwarts ao que pertencía cada un e o broche da capa.