DBH 4 maila

Garapen pertsonalari eta sozialari aplikatutako filosofia

Mintegia: Filosofia
Ordu kopurua (astean): 2 ordu

Ikasgaiaren deskribapena:
LOMLOE legeak proposatutako ikasgai honek ikasleen garapen pertsonala, soziala eta intelektuala du ardatz. Diziplinarteko ikuspegitik, galdera filosofikoen inguruko ikerketa, elkarrizketa eta hausnarketa lantzen dira, pentsamendu kritikoa, autonomia eta konpromiso soziala garatzeko. Ikasleen bizi-esperientziekin eta XXI. mendeko erronkekin lotutako gaiak jorratzen dira.

Edukiak:
• Filosofia, errealitatea eta ezagutza
• Nia, gizakia eta bizitza
• Filosofia praktikoa: etika, bizikidetza eta gizartea

Ikasgaiaren garrantzia:
Ikasleei pentsamendu propioa eraikitzeko eta erabaki kontzienteak hartzeko tresnak eskaintzen dizkie, herritar kritiko, arduratsu eta konprometituak hezteko funtsezkoa izanik.

Kultura zientifikoa

Mintegia: Biologia eta Geologia
Ordu kopurua (astean): 2 ordu

Ikasgaiaren deskribapena:
Ikasgai honetan munduan gertatzen ari diren hainbat gertaera eta ingurumen-arazo aztertzen dira, horiei konponbideak eta alternatibak aurkezten zaizkie eta orokorrean edonori interesa dakioken gaiak eta eztabaidak emango dira.

Zientziaren ikerketa metodotik abiatuz, unibertsoa eta osasuna aztertuko dira, drogak eta adikzioa, ingurumen-inpaktuak eta aldaketa klimatikoaren azterketa sakona egingo da. Era berean, emakumeen lana azpimarratuko da, bai eta teknologiak zientzian duten garrantzia. Irakasgaia nahiko praktikoa da eta batez ere proiektuka eta taldeka egiten da lan. 

Edukiak:
• Metodo zientifikoa eta informazio zientifikoa
• Astronomia eta unibertsoa
• Osasuna, adikzioak eta kirola
• Ingurumen-inpaktua eta aldaketa klimatikoa
• Emakumeak zientzian

Ikasgaiaren garrantzia:
Gure kultura teknologiko eta zientifikoa beste ikuspuntu batetik aztertzeko aukera ematen du eta hainbat gaien inguruko datu eta informazio berria eta kuriosoa ezagutzeko aukera ere; etorkizuneko osasun-langile, ingurugiro-langile zein herritarrei interesgarria gerta dakioken eztabaidagaiak emango dira eta hauen inguruan iritzi bat sortzeko aukera ezinhobea da! 

Matematika tailerra

Mintegia: Matematika
Ordu kopurua (astean): 2 ordu

Ikasgaiaren deskribapena:
Matematika modu ezberdin batean landuko da, erronken eta jokoen bidez batez ere.. Dinamika aktiboak eta erraminta digitalen erabilera handia egingo da. Erronken bidez egoera ezberdinei aurre agiteko estrategia ezberdinak garatuko dira(bai froga deduktiboak baita froga bisualak, simulaizoak, eztabaidak… ere), sormenezko pentsamendurako eta albo-pentsamendurako zenbait modu martxan jarriz eta, matematikaren ikuspegia kontzeptu eta prozeduren formalizaziotik haratago zabalduz. Talde lana eta eztabaidak sustatuko dira.

Edukiak:
• Problemak ebazteko estrategiak
• Matematika ludikoa: paradoxak eta jokoak
• Geometria eta simulazioak
• Tresna digitalak eta pentsamendu konputazionala

Ikasgaiaren garrantzia:
Matematika ulertzeaz gain, matematikekin gozatzea du helburu. Ikasleen intuizioa, sormena eta pentsamendu logikoa indartzen ditu, eguneroko egoeretan aplikatzeko moduan.

Teknologia

Mintegia: Teknologia
Ordu kopurua (astean): 3 ordu

Ikasgaiaren deskribapena:
Ikasgai praktiko honetan DBHko aurreko urteetan eskuratutako jakintzak sakontzen dira. Elektronika, pneumatika, robotika, programazioa eta 3D inprimaketa lantzen dira, autonomia teknologikoa eta arazo tekniko konplexuak ebazteko gaitasuna garatuz.

Edukiak:
• Elektronika analogikoa eta digitala
• Pneumatika eta robotika
• Programazioa, adimen artifiziala eta Big Data
• Energia aurreztea eta arkitektura bioklimatikoa

Ikasgaiaren garrantzia:
Irakasgai hau garrantzitsua da talde lanean aritzeko proiektuetan oinarritutako ikasgaia delako. Trebezia teoriko eta praktikoa lortzen dutelako. Zientzia eta Teknologia batxilergoko bidea egitea pentsatzen duten ikasleek oinarri sendoa izateko garrantzitsua izango da. Baita ere, Erdi Mailako zein Goi Mailako Lanbide Heziketako baliogarria den ikasgaia. 

Adierazpen artistikoa

Mintegia: Marrazketa
Ordu kopurua (astean): 3 ordu

Ikasgaiaren deskribapena:
Ikasgai praktiko honek sorkuntza artistikoa eta adierazpena lantzen ditu, teknika grafiko-plastikoak, argazkigintza, ikus-entzunezko hizkuntza eta diseinua uztartuz. Ikasleen sormena, autonomia eta adimen emozionala garatzen dira.

Edukiak:
• Marrazketa, pintura eta teknika mistoak
• Diseinua, publizitatea eta sormen-prozesua
• Argazkigintza, multimedia eta animazioa

Ikasgaiaren garrantzia:
Artearekin edo sorkuntzarekin lotutako etorkizuneko ikasketetarako bereziki egokia da, pentsamendu sortzailea eta kritikoa indartuz.

Ikus entzunezko komunikazioa

Mintegia: Marrazketa
Ordu kopurua (astean): 3 ordu

Ikasgaiaren deskribapena:
Ikasgai praktiko honek arte mota desberdin bat jartzen du mahai gainean. Gure ikaslegoak horrenbeste kontsumitzen ditusten soporte bisualen azterketa bultzatzera eramaten duen irakasgai bat da, non kritikotasuna, ideia propioen garapena eta hauen adierazpena azaleratzen den. Horretarako, arazo edota egoera bat planteatzen zaie, beren ausnarketa beharra azpimarratuz eta proiektuaren nondik noraken ardatz bilakatuz. Honela, ikasleen ideien aranera proekta gauzatzeko ikus-entzunezko tresna desberdinak erabiliko dira, beren beharren arabera.

Edukiak:
• Irudia: ikus-entzunezko hizkuntza. Oinarrizko kontzeptuak: planoak, konposizioa, enkuadraketa, argia, kode komunikatiboak, estetika eta genero fotografikoak. Argazki-edizioa: Gimp eta Photopea.

• Soinua: soinuaren ezaugarriak. Soinuak sortu, grabatu, editatu eta nahastu. Podcastak sortzea webgunerako. Tresna: Audacity.

• Bideoa: oinarrizko kontzeptuak (planoa, enkuadraketa, ikuspuntua, kameraren mugimendua, denbora, fotograma, sekuentzia, eszena). Gidoi grafikoa eta teknikoa. Ekoizpenak: bideoklipak, elkarrizketak, iragarkiak, dokumentalak, animazioak. Edizioa: OpenShot.

• Beste jarduerak: lehiaketetan parte-hartzea, irteerak eta tailerrak.

Ikasgaiaren garrantzia:
Artearekin edo sorkuntzarekin lotutako etorkizuneko ikasketetarako bereziki egokia da, pentsamendu sortzailea eta kritikoa indartuz.

Musika

Mintegia: Musika
Ordu kopurua (astean): 3 ordu

Ikasgaiaren deskribapena:
4 DBH-ko Musika ikasgaia ikasgaia praktikoa da; ez da azterketa teorikorik egingo. Aurreko kurtsoetan landutako jakintzei jarraipena ematea proposatzen da, talde zein banakako proiektuen bidez. 

Edukiak:
• Genero eta testuinguru musikalak
• Interpretazioa, sorkuntza eta inprobisazioa
• Musika eta ikus-entzunezko proiektuak
• Grabaketa eta edizio digitala

Ikasgaiaren garrantzia:
Ikasleen garapen kognitiboa, emozionala, soziala eta psikomotorra sustatzen ditu, musikaren bidezko adierazpena eta sormena indartuz.

Digitalizazioa

Mintegia: Informatika
Ordu kopurua (astean): 3 ordu

Ikasgaiaren deskribapena:
Ikasgaia diziplinartekoa da,  edozein ikaslek aukeratu dezake. Edozein modalitateko batxilergoa egin behar duen ikasle batek edo edozein erdi mailako zikloa egin behar duenak. Ikasgai honetan landutako gaiekin, ikasleek arrakastaz egingo dute aurrera haien prestakuntza-ibilbidean, eta XXI. mendeko gizartearen erronka teknologiko nagusiei aurre egiteko gaitasuna lortuko dute.

Ikasgaiari orientazio praktikoa emango zaio. Ikasleek egunerokoan bakarka egingo dute lan informatika gelako gailuetan. Landutako gai bakoitzeko taldekako edo bakarkako ekoizpenak sortu beharko dituzte dira.

Edukiak:
• Hardwarea, softwarea eta sareak
• Segurtasun informatikoa
• Eduki digitalen sorrera eta zabalkundea
• Programazioaren hastapenak

Ikasgaiaren garrantzia:
IKTek lotura zuzena dute gainerako ikasgaiekin eta teknologia digitalak zuzen erabiltzea beharrezkoa gaur egungo bizitzan; Ikasgai honetan ezagutzak bereganatu daitezke, edukiak sortu eta partekatzeko baliabideak ikasteko aukera eskaintzen ditu, baita bizitza osoan erabiltzeko interesgarriak izango diren tresnak ezagutzeko aukera ere.

Fisika eta kimika

Mintegia: Fisika eta Kimika
Ordu kopurua (astean): 3 ordu

Ikasgaiaren deskribapena:
Aurreko ikasturteetako jarraipena da, edukiak sakonago lantzeko. Zientzia-jakintza sendotu nahi duten eta etorkizunean zientzia edo osasun arloko ikasketak egin nahi dituzten ikasleei zuzenduta dago.Fisika-kimika ikasgaia aurreko bi urteetan emandako izen bereko ikasgaiaren jarraipena izango da. Helburua, orain arte emandakoa modu sakonago batean ikastea izango da eta zientzia arloan jakinmina duten ikasleei eta etorkizunean zientzia eta osasungintzan lan egin nahi duten ikasleei zuzenduta dago, nahiz eta beste edonork ere har dezakeen.

Edukiak:
• Eredu atomikoak eta sistema periodikoa
• Erreakzio kimikoak
• Higidura, dinamika eta indarrak

Ikasgaiaren garrantzia:
Ezinbesteko ikasgaia batxilergo zientifikoa egin nahi baduzu. Etorkizunean natur zientziak, matematika, edozein motatako ingeniaritza, ingurugiroa zientziak, zoologia, lorezaintza, teknologia, informatika, telekomunikazioa, farmazia, nanozientziak, medikuntza, erizaintzaintza edo antzeko ikasketak burutu nahi badituzu.

Biologia eta geologia

Mintegia: Biologia eta Geologia
Ordu kopurua (astean): 3 ordu

Ikasgaiaren deskribapena:
Interesa izan dezakeen edonorentzako zuzenduta dago. Kurtso honetan, datozen urteetan emango diren Biologia eta Geologiako oinarriak finkatzen dira;  Lurraren ezagutza makroskopikotik hasita, zelula eta ADNaren azterketa mikroskopikorainoko bidaia egingo dugu, biziaren eboluziotik pasatuz eta giza espeziearen eboluziotik baita ere. Irakasgaia teorikoa da baina eztabaida bioetikoak, laborategia eta proiektuak ez dira faltako.

Edukiak:
• Geologia: Lurraren egitura eta historia
• Biologia: zelula, genetika eta eboluzioa
• Astronomia: Lurra Unibertsoan

Ikasgaiaren garrantzia:
Bizitzaren eta planetaren funtzionamendua ulertzeko funtsezkoa da, eta etorkizuneko zientzia-arlo askotarako baliagarria.

Ekonomia

Mintegia: Ekonomia
Ordu kopurua (astean): 3 ordu

Ikasgaiaren deskribapena:
Ekonomia eta ekintzailetzaren oinarriak lantzen dira, gertakari ekonomikoak ulertzeko eta erabaki arduratsuak hartzeko. Pentsamendu kritikoa, autoezagutza eta ekiteko espiritua sustatzen dira.

Edukiak:
• Pertsona ekintzailearen profila
• Aukerak eta baliabideak
• Proiektu ekintzaileak garatzeko estrategiak

Ikasgaiaren garrantzia:
Ikasleei eguneroko ekonomia ulertzeko eta baliabideak modu arduratsuan kudeatzeko tresnak ematen dizkie, gizarte-ongizatea eta ekitatea sustatuz.

Latina

Mintegia: Gaztelania eta Latina
Ordu kopurua (astean): 3 ordu

Ikasgaiaren deskribapena:
Ikasgaiak bi arlo nagusi lantzen ditu, garrantzi berean: latindar hizkuntza eta Antzinako Erroma. Erromari buruz, mitologia, historia, gizartea, artea eta ondarea aztertuko dira, gaur egungo gizartean duten eragina ulertzeko. Hizkuntzaren alorrean, latina irakurri eta itzultzen ikasiko da, morfologia eta sintaxia landuz, baita latinaren eboluzioa eta gaztelanian zein euskaran izan duen eragina ere. Lana ikuspegi praktiko batetik egingo da, ikasleen parte-hartze aktiboa, elkarlana, autonomia eta sormena sustatuz.

Edukiak:
Hizkuntza: Testuen irakurketa, Latinaren morfosintaxia, Esaldien analisi morfosintaktikoa eta itzulpena, Latinaren eboluzioa eta aldaketa fonetikoa.

Aintzinako Erroma: Mitologia eta erlijioa (Jainkoak eta jainkosak, Mitoak eta kondairak, Erritoak eta ohiturak), Historia (Hiriaren sorrera eta monarkia garaia, Errepublika garaia eta Erromaren zabalkuntza, Gerra zibilak, inperioa eta enperadoreak), Gizartea, Artea, Ondare arkeologikoa (batez ere Euskal Herrian).

Ikasgaiaren garrantzia:
Gure kultura eta hizkuntzen oinarriak ulertzeko funtsezkoa da, eta Giza Zientzietako edo Gizarte Zientzietako Batxilergorako prestatzen du.

Atzerriko Bigarren Hizkuntza IV – Frantsesa

Mintegia: Frantsesa
Ordu kopurua (astean): 3 ordu

Ikasgaiaren deskribapena:
Frantsesa irakasgaian, derrigorrezko bigarren hezkuntzako bigarren etapan, ikasleak atzerriko bigarren hizkuntza batera hurbiltzen saiatzen dira, modu ludiko eta erakargarrian. Asmoa da leku askotan presentzia duen hizkuntza baten ikuspegi berri batetik ezagutu eta interesguneak aurkitu ahal izatea. Lau gaitasunak lantzen dira: ahozko ulermena, idatzizko ulermena, idatzizko produkzioa eta ahozko ekoizpena. Hori jolasen, bideoen eta proiektu  bidez egiten da. Ikuspegi komunikatiboa erabiltzen da, hizkuntzaren erabilera praktikora bideratua, betiere komunikaziora bideratua. Bigarren mailako edukiak finkatuko dira eta eremu berriak jorratuko dira ere. 

Edukiak:
• Aurreko ikasturteetako edukien sendotzea
• Egoera komunikatibo berriak (istorioak, errezetak, pasadizoak…)

Ikasgaiaren garrantzia:
Beste hizkuntza batzuk ikasteak aukera ematen du bizitza aberasteko, ideia berriak esperimentatzeko, burua lantzeko, munduko kultura-aniztasuna baliatzeko. Gainera, oso gertu dagoen hizkuntza bat da, gaztelera bezala latinetik datorrelako, beraz, antzekotasunak dauzka gramatikan.