Embedded Files
بوھڑ بن
دھرتی کے بیٹے وراثت کی بحالی
یہ اُن لوگوں کا مشترکہ خواب تھا اور اُن کا یہ خواب حقیقت بننے جارہا ہے۔ اس بن کو تین گاؤں کے بزرگ صدیوں سے استمال کرتے رہے آپنے جانورں کو پانی پلانا اور خود بھی برگد کے درختوں کے سایہ میں آرام کرنا، ڈھبیاں ، گانگو بہادر اور گانگوجمعہ، عرصہ تیس سال سے اس کا کوئی پرسان حال نہیں تھا، شاہد جدت اور ترقی مصنوعی نے یہاں کے افراد نے اسے پس پشت ڈال دیا۔
اس درھتی کے بیٹے زندہ ہیں اور ان کے خواب دولت کا حصول زمینوں پر قبضہ کرنا نہیں بلکہ وارثت جو عین فطرت اور قدرتی ماحول کے مطابق ہے ۔ اس کا دفاع کرنا اور اس کی بحالی ہے اور اس کو پرانے قدرتی ماحول سے بھی بہتر کر کے واپس کرنا ہے۔
یہ 3 کنال اور 17 مرلہ وقف زمین ہے۔ اس کی بحالی اہم ہے کل ہم اکیلے تھے آج ماشااللہ ہمارے ساتھ سارا علاقہ ہے۔
میں شکر گزار ہوں تمام اداروں کا اور افراد کا جہنوں نے یہ کام کر دکھایا۔ اور تھوڑے عرصہ میں یہ بحال ہو جائے گی۔
طاہر سلیمان
گندھارا ٹیکسلا سینٹر فار ڈویلپمنٹ (جی ٹی سی ڈی) اور جی آر سی پی نے، محسن ایوب خان ایم پی اے حکومت پنجاب، ٹیکسلا بیٹھک اور کلین اینڈ گرین ٹیکسلا کے اشتراک سے، ٹیکسلا میں بارش کے پانی کے ذخیرے سے متعلق ایک آگاہی مہم کامیابی سے منعقد کی۔ اس مہم کی کامیابی میں ایم پی اے محسن ایوب کے کوآرڈینیٹرز طاہر محمود طاہری اور حمزہ رفیع کا خصوصی اشتراک اور کردار نمایاں رہا، جنہوں نے نہ صرف پروگرام کی منصوبہ بندی میں فعال کردار ادا کیا بلکہ اس اہم ماحولیاتی اقدام کو عملی شکل دینے کے لیے قیمتی تعاون فراہم کیا۔
جی ٹی سی ڈی کی سی ای او سارہ محمود نے کمیونٹی نمائندوں کا خیرمقدم کیا اور پروگرام کے مقاصد پر روشنی ڈالی۔ اس موقع پر طاہر محمود طاہری اور حمزہ رفیع نے خطاب کرتے ہوئے اس اقدام کو سراہا اور اعلان کیا کہ حکومت پنجاب ٹیکسلا میں صدیوں پرانے پانی ذخیرہ کرنے کے ڈھانچوں کی بحالی—جس میں دیہی اور شہری دونوں سطحوں پر بارش کے پانی کے ذخیرے کا نظام شامل ہوگا—کو باضابطہ سرکاری منصوبے کے طور پر اپنائے گی۔
تقریب میں بارش کے پانی کے ذخیرے کے شعبے میں پاکستان اور آزاد جموں و کشمیر بھر میں خدمات انجام دینے والے ماہر ٹیچر عثمان نے اپنے جدید ماڈلز پیش کیے اور شرکاء کو قیمتی معلومات فراہم کیں۔ انہوں نے تمام شرکاء کو پودوں کا تحفہ بھی دیا۔ بعد ازاں، طاہر محمود طاہری اور حمزہ رفیع کی قیادت میں شرکاء نے بوہر بُن کا دورہ کیا، جہاں ٹیکسلا بیٹھک کے طاہر سلمان نے اس مقام کی تاریخی اور آبی اہمیت پر روشنی ڈالی۔ اس موقع پر ٹیچر عثمان نے بوہر بُن کی بحالی میں تعاون فراہم کرنے کا اعلان بھی کیا۔
کمیونٹی اور نوجوانوں کی قیادت میں بوہر بُن میں شجرکاری مہم کا انعقاد کیا گیا، جس میں کمپلیٹ ہیومن ریسورس سنٹر (سی ایچ آر ایس) کے انٹرنز اور طلبہ نے پُرجوش انداز میں حصہ لیا۔ میڈیا کوریج دی نیوز اور پی ٹی وی کی جانب سے کی گئی، جنہوں نے اس مہم کی اہمیت کو نمایاں انداز میں اجاگر کیا۔
یہ مہم نہ صرف عوامی شعور اجاگر کرنے میں کامیاب رہی بلکہ بارش کے پانی کے ذخیرے کی بحالی کے منصوبے کو سرکاری سرپرستی بھی حاصل ہو گئی—یوں پائیدار ٹیکسلا کے خواب کو عملی شکل دی گئی۔
#RainwaterHarvesting #SustainableTaxila #GandharaDevelopment #CleanAndGreen #YouthForClimate #WaterConservation—
Page updated
Google Sites
Report abuse