TAKIATO KORERO - Kupu Verepa "E"

Kua aka pupu taki rua ia matou. Kimi atu maua i tetai akamarama'anga e tona au akara'anga no te Kupu Verepa "E". Kua rauka mai e toru (3) au tuanga Kupu Verepa "E" e tona au akara'anga. Takai'anga mua kua tata ua ki raro:

TATA'ANGA KUPU VEREPA "E" - Akamarama'anga e te au Akara'anga

‘E’ - Pu Verepa – Akara’anga e toru…..

Ko teia “E” pu verepa, ka tata kare ona akairo. I te maataanga o te taime e noo ana teia pu verepa i te akamata’anga o te takiato korero. Inara, me taangaanga koe i te “kare” ka aere mai te “e” pu verepa ki rotopu.

Akamarama’anga:

E - (pu verepa no te tono). Ka rauka i te taangaanga i teia kupu “E” me inangaro koe i te tono i tetai tangata i te rave i tetai angaanga.

Akara’anga:

1a. E noo ki raro i runga i te taua.

1e. E ura meitaki kia manea koe.

1i. E oro viviki ki ko i te toa.

Akamarama’anga:

E - (pu verepa angaanga matau ia i te rave). Ka rauka i te taangaanga i teia kupu “E” me e angaanga matau ia i te rave. I roto i te reo Papa’a, karangaia ‘a typical or usual action that happens often’. Na teia “E ana” pu verapa e akapapu mai e, e rave putuputuia ana.

Akara’anga:

2a. E noo ana aia ki te enua vera ko Pukapuka.

2e. E ura ana aia no te pupu Orama.

2i. E oro ana aia na runga i te matara.

Akamarama’anga:

E - (pu verepa kare i oti te angaanga). Ka rauka i te taangaanga i teia kupu “E” me kare i oti tetai angaanga i te rave. Ka tata te “kare” no te akamataanga e ka tuku i te pu “e” ki rotopu i te takiato korero.

Akara’anga:

3a. Kare a Tapu e oki apopo ki Tongareva.

3e. Kare a Tatari e inangaro i te kaikai.

3i. Kare raua e akarongaanga ki te puapii.

Ko te “E” Pu Verepa tetai akairo e taangaanga putuputu iana me angaanga tonotono, me angaanga matau ia i te rave e me kare tetai angaanga i oti i te rave.

I E KO KO………….

I te oti'anga i te neinei teata, kua tuku atu te tata'anga i runga i tetai tutu ke. Kua rauka i te au tata e tona au tutu anga ia. Tuanga Toru ko te Papa Tua Tata: (storyboard).