De seguro pensaredes que a despoboación é algo natural ou que é algo totalmente alleo a vós... pero, sabedes que ocorre realmente cando un pobo morre?

Abandono da produción local: cando os agricultores e gandeiros se ven obrigados a abandonar o rural, marcha tamén con eles a produción dunha morea de alimentos locais, que doitan ser de mellor calidade que os obtidos nun hipermercado. Coa perda de produción increméntase a importación de alimentos de fóra, feito que implica un maior consumo de combustibles fósiles e unha maior emisión de gases contaminantes.

Perda da memoria histórica do pobo: no momento no que os habitantes emigran cara as cidades levan consigo millóns de historias e tradicións.

Perda de biodiversidade: desaparición de flora e fauna autóctona.

Cidades insostibles: coa chegada masiva de xentes ás cidades, moitas veces resulta dicícil poder xestionalas. En moitos casos, prodúcese unha saturación dos servizos públicos (como os hospitais) e os prezos das vivendas son cada vez máis altos. Ademais, a concentración de gases contaminantes é outro dos grandes problemas.

Aumento dos incendios forestais: a falta de coidado dos bosques e pastos provoca que estes se sequen ocasionando numerosos incendios.

Perda do patrimonio cultural: aqueles monumentos ou lugares conmemorativos perderanse posto que, ao non haber habitantes, non teñen o coidado necesario para manterse en bo estado.