Escaleira da violencia

Con motivo da celebración do Día Internacional contra a Violencia de Xénero, o alumnado de 3º ESO visualizou as curtametraxes que figuran na unidade 4 ("O modelo do amor romántico") na aula e logo, na biblioteca, ficou dividido en tres grupos. Un deles encargouse do deseño da escaleira da violencia. Outro procurou frases célebres que alimentaron durante séculos o concepto do amor romántico e o outro ocupouse de buscar citas e sentenzas arredor do fortalecemento do amor propio.