Этап 8
Сустрэча з Напалеонам Ордам
Напалеон Орда (11.02.1807 — 26.04.1883) — знакаміты мастак, кампазітар і піяніст, жыццё і творчасць якога звязаны з Беларуссю.
Нарадзіўся ў вёсцы Варацэвічы Пінскага павета Мінскай губерні. Зараз на месцы вёскі Варацэвічы знаходзіцца горад Іванава Брэсцкай вобласці, і менавіта тут можна ўбачыць помнік гэтаму вялікаму чалавеку.
Пачатковую адукацыю Напалеон Орда атрымаў дома, затым у гімназіі, а пасля чаго на фізіка-матэматычным факультэце Віленскага ўніверсітэта. Праўда давучыцца яму не ўдалося.
Напалеон Орда ўвайшоў у гісторыю як майстар архітэктурнага пейзажу. Ён шмат падарожнічаў, замалёўваў архітэктурныя пейзажы Беларусі, Украіны, Літвы, Польшчы, а таксама Францыі, Іспаніі, Партугаліі, Прусіі і Аўстра-Венгрыі. Яго творы ўяўляюць вялікую каштоўнасць для гісторыкаў. Больш за 200 замалёвак месцаў Беларусі пакінуў нашчадкам Напалеон Орда. Менавіта па іх сёння можна ўявіць, як выглядалі ў XIX стагоддзі Віленскі ўніверсітэт, Свіслацкая гімназія, бернардзінскі манастыр у Віцебску і іншыя помнікі архітэктуры.
Мастацкая спадчына Напалеона Орды ўяўляе сабой больш за 1150 акварэляў і графічных работ.
Напалеон Орда сапраўды з'яўляецца вялікім і знакамітым мастаком. Пра яго складзена шмат відэафільмаў, і я вам прапаную націснуць на скрутак і паглядзець адзін з іх. І не проста паглядзець, але яшчэ і пра новыя факты з жыцця і творчасці Напалеона Орды даведацца!
Пачынаем!
Куфар ведаў!
Я ведаю, што сапраўдныя падарожнікі добра ведаюць гісторыю, факты пра замкі. Давайце зараз паспрабуем выканаць заданне пра замкі. Каб перайсці ў поўнаэкранны рэжым -цісніце на стрэлкі ў правым верхнім вуглу.
