мэта — цікава і займальна замацаваць веды вучняў 4 класа па тэме "Пад сценамі старажытных замкаў", фарміраваць у іх  пачуццё патрыятызму і гонару за сваю краіну. 

Задачы:

• адукацыйная: замацаваць веды вучняў 4 класа па тэме "Пад сценамі старажытных замкаў";

•  выхаваўчая: садзейнічаць выхаванню ў вучняў  пачуцця патрыятызму і гонару за сваю краіну;

•  развівальная: узбагачаць слоўнік вучняў.

Прадметная галіна: Мая Радзіма — Беларусь

Міжпрадметная галіна: гісторыя, чалавек і свет, літаратурнае чытанне

Вучні 4 класа (9-11 гадоў)

  У далёкай-далёкай краіне ў вялікім прыгожым старадаўнім замку жылі прывіды. Іх было вельмі шмат, і ўсе яны любілі палохаць людзей, якія жывуць каля замкаў ці палацаў.

 Але сярод гэтых злых і страшных прывідаў быў маленькі прывід Макарка. Дык вось, ён быў добрым, дапытлівым, любіў, як і вы, дарагія дзеці, чытаць, пісаць, хадзіць у школу. Але больш за ўсё ён любіў падарожнічаць па свеце ў пошуках прыгожых замкаў. Рабіў ён гэта з дапамогай чароўнага шара: "Якая краіна выпадзе — туды і палячу!». 

  Пакруціўшы шар, ён убачыў краіну з прыгожай назвай  — Рэспубліка Беларусь. 

"Гм!" — падумаў Макарка. — Рэспубліка Беларусь вялікая і прыгожая! Дзе ж мне там спыніцца? У якім замку ці палацы прызямліцца?" 

  Тады ўзяў ён карту Беларусі, заплюшчыў вочы,  раскруціўся направа, раскруціўся налева і ткнуў пальчыкам у карту. 

— Ого! Гродзенская вобласць! Далёка! Але не для мяне! — хіхікнуў Макарка і паляцеў.

  Дарагія дзеці, я думаю, што без нашай дапамогі Макарку будзе складана падарожнічаць па замках і палацах. Хто хоча разам з Макаркам адправіцца ў чароўны свет старажытных замкаў і гістарычных збудаванняў Гродзенскай вобласці?

  У падарожжы нас чакаюць дзіўныя адкрыцці, знаёмствы з замкамі і князямі, пацешныя прыгоды і, магчыма, некаторыя небяспекі? Усе гатовы да падарожжа? 

Цудоўна! Наперад! 

Услухайся толькі, усё тут гаворыць:

«Люблю цябе, Белая, Белая Русь!» 

( У. Карызна) 

Этап 1. Замак ці замок? (Заданне праверку  ведаў асноўных паняццяў тэмы )

Этап 2. Каля сцен Крэўскага замка (Заданне праверку  ведаў пра Крэўскі замак )

Этап 3.  Гродзенскі замак вітае (Заданне на ўзбагачэнне ведаў пра Гродзенскі замак)

Этап 4.  Падарожжа ў 16 стагоддзе ( (Заданне праверку  ведаў падзей у 16   стагоддзі)

Этап 5. Падарожжа да Радзівілаў ( Заданне на праверку ведаў аб прадметах Нясвіжскага замку) 

Этап 6. У пакоях Мірскага замка ( Заданне на праверку ведаў пра Мірскі замак)

Этап 7. Замкі на чароўным шары ( Заданне на праверку ўмення знаходзіць замкі на карце)

Этап 8. Сустрэча з Напалеонам Ордай (Заданне на замацаванне ведаў пра Напалеона Орду)

Этап 9. Сынкавіцкая царква- крэпасць (Заданне на праверку ўмення знаходзіць замакі на карце)

Этап 10. Машына часу ( Заданне на праверку ведаў дат ўзнікнення замкаў)

Вучні павінны ведаць:

помнікі архітэктуры (Крэўскі, Гродзенскі, Нясвіжскі, Мірскі замкі, Сынковіцкая царква-крэпасць)

Вучні павінны умець:

• тлумачыць змест паняццяў з дапамогай слоўніка  (закон, князь, рыцар; Статут, сабор);

• паказваць на картасхемах (картах атласа) і абазначаць на контурнай карце помнікі архітэктуры;

• вызначаць паслядоўнасць гістарычных падзей па іх датах на стужцы часу;

• расказваць пра знакамітых дзеячаў культуры Беларусі і прыводзіць прыклады іх творчасці (Напалеон Орда).