Trátase dunha ponte formada por unha longa estrutura metálica, en forma de caixón que descansa sobre uns grosos piares pétreos, aínda que nun principio viuse a posibilidade de que estes fosen metálicos.

A estrutura, que serve para tres tipos de comunicación: tren, tránsito rodado e viandantes, é a única comunicación por tren co país veciño Portugal.

Ten unha lonxitude de máis de 350 metros e apóiase en catro piares de pedra sobre o río, que suxeitan cinco ocos de metal de máis de 60 metros cada un, en concreto, os dous dos extremos miden 61,5m cada un, e os tres centrais 69m.

A súa construción realizouse mediante o procedemento de lanzar os tramos metálicos previamente construídos nos accesos sen outra precaución que apoialos provisionalmente mentres que estaban voando sobre o río. Actualmente presenta un estado de conservación bastante bo.