ආහාර මාර්ගයේ පොදු පටක සැකැස්ම

1. ආහාර මාගයේ බිත්තිය සැකසී ඇත්තේ මූලික සැලැස්මකට අනුවය.

2. අන්නස්‍රෝතයේ සිට ගුද මාර්ගය දක්වා ආහාර මාර්ග බිත්තිය ප්‍රධාන වශයෙන් පටක ස්ථර හතරකින් සමන්විත වේ.

💚මස්තු පටලය

• බාහිරින්ම පිහිටි පටක ස්ථරය වන මස්තු පටලය සමන්විත වනුයේ සරල ශල්කමය අපිච්ඡදයකින් (උදරච්ඡදයකින්) ආස්තරණය වූ තන්තුමය සම්බන්ධක පටකයකින්‍ ය.

• ආහාර ජීර්ණයේදී ආහාර මාර්ගය චලනය වන විට උදර බිත්තිය සමග ඇතිවන ඝර්ෂණය මෙමගින් අවම කරයි.

💚පේශි චෝලය

• මස්තු පටලයට ඇතුළතින් පේශි චෝලය පිහිටයි.

• පේශි චෝලය තැනී ඇත්තේ සිනිදු පේශි වලිනි.

• පේශි චොලයේ බාහිරින්ම ඇත්තේ අන්වායාම පේශි ස්ථරය යි.

• එහි ඇත්තේ අන්වායාමව සකස් වූ පේශි සෛලය.

• අන්වායාම පේශි ස්ථරයට ඇතුළතින් වෘත්තාකාර පේශි ස්ථරය පිහිටයි.

• එහි වෘත්තාකාරව සකස් වූ පේශි සෛල පිහිටයි.

• මෙම පේශි ස්ථර අතර අවුර්බක් ප්‍රතානය පිහිටයි. මෙමගින් ක්‍රමාකුංචන චලන පාලනය කරයි.

• මෙම පේශි ස්ථරවල සංකෝකනයෙන් ඇති වන තරංග නිසා ආහාර මාර්ගය ඔත්සේ ආහාර පරිවහනය වේ.

💚අධඃශ්ලේෂ්මලකය

• පේශි චෝලයට ඇතුළතින් පිහිටි අධඃශේෂ්මලකය තැනී ඇත්තේ ලිහිල් සම්බන්ධක පටකයකිනි (අරීයල පටකය)

• එහි රුධිරවාහිනී,කොලැජන් තන්තු,ප්‍රත්‍යස්ත තන්තු සහ ස්නායු ප්‍රථානයක් වල මිස්නර් ප්‍රථානය පිහිටයි. මිස්නර් ප්‍රථානය මගින් අන්ත්‍ර බිත්තියේ ඇති ග්‍රන්ථි මගින් සිදු කරන ස්‍රාවයන් පාලනය කරයි.

• අධඃශේෂ්මලකය තුල ග්‍රන්ථි සහ වසා පටකද පිහිටයි.

💚ශ්ලේෂ්මලකය

• ආහාර මාර්ග බිත්තියේ අධඃශ්ලේෂ්මලකයට ඇතුළතින් ඇත්තේ ශ්ලේෂ්මලකයයි. එහි ස්ථර තුනක් ඇත. එනම්.

  • අපිච්ඡදය

  • නෛජය තලාව

  • පේශි ශ්ලේෂ්මලකය

💜අපිච්ඡදය -

• ඇතුළතින්ම පිහිටන්නේ අපිච්ඡද ආස්තරයකි. ආහර මාර්ගයේ කුහරය ආස්තරණය වනුයේ මෙය මගිනි.

💜නෛජය තලාව -

• අපිච්ඡද ආස්ථරයට පිටතින් ඇත්තේ ලිහිල් සම්බන්ධක පටකයකි. එය නෛජය තලාව ලෙස හදුන්වයි. මෙහි විවිධ ආකාරයේ ග්‍රන්ථි, රුධිර වාහීනී හා වසා වාහිනී පිහිටයි.

💜පේශි ශ්ලේෂ්මලකය -

• පේශි ශ්ලේෂ්මලකය ලෙස හැදින්වෙන සිනිදු පේශි ස්ථරයක් නෛජය තලාවට පිටට්ත්හින් ශ්ලේෂ්මලකයේ ඇත. පේශ්හි ශ්ලේෂ්මලකයේ ඇති සිනිදු පේශිවල සංඔචනය නිසා ආහාර මාර්ගයේ අනිකුත් චලන වලින් ස්වාධීනව ශ්ලේෂ්මලකයට චලනය විය හැක.