ລະບົບຖານຂໍ້ມູນ

ລະບົບຖານຂໍ້ມູນ (Database system)

ໝາຍເຖິງ ກຸ່ມຂອງຂໍ້ມູນທີ່ມີຄວາມສຳພັນກັນ ນຳມາເກັບລວບລວມເຂົ້າໄວ້ນຳກັນຢ່າງມີລະບົບ ແລະ ຂໍ້ມູນທີ່ປະກອບກັນເປັນຖານຂໍ້ມູນນັ້ນ ຕ້ອງກົງຕາມວັດຖຸປະສົງການໃຊ້ງານຂອງອົງກອນ ເຊັ່ນ ໃນສຳນັກງານກໍ່ລວບລວມຂໍ້ມູນ ຕັ້ງແຕ່ໝາຍເລກໂທລະສັບຂອງຜູ້ທີ່ມາຕິດຕໍ່ຈົນເຖິງການເກັບເອກະສານທຸກຢ່າງຂອງສຳນັກງານ ເຊິ່ງຂໍ້ມູນສ່ວນນີ້ຈະມີສ່ວນທີ່ສຳພັນກັນແລະ ເປັນທີ່ຕ້ອງການນຳອອກມາໃຊ້ປະໂຫຍດຕໍ່ໄປພາຍຫຼັງ ຂໍ້ມູນນັ້ນອາດຈະກ່ຽວກັບບຸກຄົນ ສິ່ງຂອງສະຖານທີ່ ຫຼືເຫດການໃດໆ ກໍ່ໄດ້ທີ່ເຮົາສົນໃຈສຶກສາ  ຫຼື ອາດໄດ້ມາຈາກການສັງເກດ ການນັບ ຫຼື ການປຽບທຽບກໍ່ເປັນໄດ້ ທັງໝົດທັງຂໍ້ມູນທີ່ເປັນຕົວເລກ  ຂໍ້ຄວາມ  ແລະ ຮູບພາບຕ່າງໆ ກໍ່ສາມາດນຳມາຈັດເກັບເປັນຖານຂໍ້ມູນໄດ້ ແລະ ທີ່ສຳຄັນຂໍ້ມູນທຸກຢ່າງຕ້ອງມີຄວາມສຳພັນກັນ ເພາະເຮົາຕ້ອງການນຳມາໃຊ້ປະໂຫຍດຕໍ່ໄປໃນອະນາຄົດ

ລະບົບຈັດການຖານຂໍ້ມູນທີ່ນິຍົມໃຊ້ກັນໃນປະຈຸບັນ

1. 1. ອໍຣາເຄີນ (Oracle)

   2. ມາຍເອດຄິວແອນ (MySQL)

   3. ໄມໂຄຣຊໍຟທ໌ ເອດຄິວແອນ ເຊິຣ໌ຟເວອຣ໌ (Microsoft SQL Server) 

   4. PostgreSQL

   5. MongoDB

   6. ໄອບີເອັມ ດີບີທູ (IBM DB/2)

   7. Elasticsearch

   8. Redis

   9. ໄມໂຄຣຊໍຟຕ໌ ແອກເຊດ (Microsoft Access)

   10. SQLite

ປະໂຫຍດຂອງລະບົບຖານຂໍ້ມູນ

ລະບົບຖານຂໍ້ມູນ ຈະຊ່ວຍແກ້ບັນຫາຂອງລະບົບແຟ້ມຂໍ້ມູນ ແລະ ມີປະໂຫຍດຫຼາຍດ້ານດັ່ງນີ້

1. ຫຼຸດຄວາມຊ້ຳຊ້ອນຂອງຂໍ້ມູນ

  ເນື່ອງຈາກການນຳຂໍ້ມູນທີ່ຈຳເປັນຕໍ່ການໃຊ້ງານມາຈັດເກັບໄວ້ ທັງໝົດກັນເປັນຖານຂໍ້ມູນສ່ວນກາງ ເຮັດໃຫ້ແຕ່ລະຫນ່ວຍງານທີ່ຈຳເປັນຕ້ອງໃຊ້ຂໍ້ມູນ ບໍ່ຕ້ອງຈັດເກັບຂໍ້ມູນໄວ້ທີ່ໜ່ວຍງານຂອງຕົນເອງອີກ ນອກຈາກຫຼຸດຄວາມສີ້ນເປືອງໃນການຈັດເກັບແລ້ວ ຍັງຊ່ວຍແກ້ບັນຫາຕ່າງໆ ທີ່ຈະເກີດຕາມມາ ເນື່ອງຈາກຄວາມຊ້ຳຊ້ອນຂອງຂໍ້ມູນໄດ້

2. ແກ້ບັນຫາຄວາມຂັດແຍ່ງກັນຂອງຂໍ້ມູນ

ເຊິ່ງເປັນບັນຫາທີ່ເກີດເນື່ອງມາຈາກຄວາມຊ້ຳຊ້ອນຂອງຂໍ້ມູນ ເມື່ອມີຂໍ້ມູນທີ່ຊ້ຳໆ ກັນຢູ່ຫຼາຍທີ່ ຫາກມີການປັບປຸງແກ້ໄຂຂໍ້ມູນໃນບ່ອນໜຶ່ງແລ້ວ ແຕ່ບໍ່ໄດ້ແກ້ໄຂຂໍ້ມູນໃນບ່ອນ ອື່ນໆ ຕາມໄປນຳ ກໍ່ຈະເຮັດໃຫ້ຂໍ້ມູນໃນແຕ່ລະບ່ອນເກີດຄວາມຂັດແຍ່ງກັນຂຶ້ນ ດັ່ງນັ້ນການຈັດເກັບຂໍ້ມູນໄວ້ພຽງບ່ອນດຽວຈຶ່ງ ຊ່ວຍແກ້ບັນຫາຄວາມຂັດແຍ່ງກັນຂອງຂໍ້ມູນໄດ້

3. ການບໍລິຫານຈັດການຖານຂໍ້ມູນເຮັດໄດ້ງ່າຍ

ເນື່ອງຈາກມີການຈັດເກັບຂໍ້ມູນໄວ້ທີ່ສ່ວນກາງ ເຮັດໃຫ້ການ ຈັດການຂໍ້ມູນເຮັດໄດ້ງ່າຍຂຶ້ນ ໂດຍຜູ້ທີ່ເຮັດຫນ້າທີ່ໃນການບໍລິຫານຈັດການຖານຂໍ້ມູນເອີ້ນວ່າ ຜູ້ບໍດູແລລະບົບຂອງຖານຂໍ້ມູນ (Database Administrator: DBA)

4. ກຳນົດມາດຕະຖານຂອງຂໍ້ມູນໄດ້

ເນື່ອງຈາກການຈັດເກັບຂໍ້ມູນໄວ້ທີ່ສ່ວນກາງທີ່ດຽວດັ່ງນັ້ນ DBA ຈະເປັນຜູ້ກຳນົດໂຄງສ້າງໃນການຈັດເກັບຂໍ້ມູນ ເຮັດໃຫ້ໂຄງສ້າງຂອງຂໍ້ມູນຕ່າງໆ ມີຄວາມໄປທີ່ສູງໃນການນຳໃມໃຊ້ງານນັ້ນເອງ

5. ສາມາດໃຊ້ງານຖານຂໍ້ມູນຮ່ວມກັນໄດ້

ເນື່ອງຈາກໂຄງສ້າງການຈັດເກັບຂໍ້ມູນໃນຮາດດິດ (Hard disk) ຈະຖືກກຳນົດດ້ວຍ DBMS ແລະ ຜູ້ໃຊ້ແຕ່ລະຄົນຈະຕ້ອງໃຊ້ງານຜ່ານ DBMS ເທົ່ານັ້ນ ດັ່ງນັ້ນຈຶ່ງສາມາດໃຊ້ງານ ຖານຂໍ້ມູນຮ່ວມກັນໄດ້ໂດຍບໍ່ຕ້ອງກັງວົນເຖິງຄວາມແຕກຕ່າງຂອງພາສາຄອມພິວເຕີທີ່ໃຊ້ ນອກຈາກນີ້ຂໍ້ມູນອື່ນໆ ທີ່ຜູ້ໃຊ້ບໍ່ໄດ້ເປັນຜູ້ສ້າງຂຶ້ນມາ ກໍ່ສາມາດໃຊ້ງານໄດ້ຖ້າຫາກໄດ້ຮັບສິດທິໃນການໃຊ້ງານຂໍ້ມູນດັ່ງກລ່າວ

6. ເກີດຄວາມເປັນອິດສະ}ຫຼະລະຫວ່າງຂໍ້ມູນກັບໂປຣແກຣມ

ຈາກບັນຫາຂອງລະບົບແຟ້ມຂໍ້ມູນ ເຊິ່ງການ ແກ້ໄຂໂຄງສ້າງຂອງແຟ້ມຂໍ້ມູນ ເຊັ່ນການເພີ່ມຟິວ ເຊິ່ງໂປຣແກຣມທີ່ມີຢູ່ມີໃນເມື່ອກ່ອນບໍ່ຈຳເປັນຕ້ອງນຳໄປໃຊ້ງານ ແຕ່ຕ້ອງກໍ່ການແກ້ໄຂໂປຣແກຣມເນື່ອງຈາກການຂຽນໂປຣແກຣມຈະຍຶດດຕິດກັບໂຄງສ້າງຂອງແຟ້ມຂໍ້ມູນ ຫາກໃຊ້ງານເປັນລະບົບຖານຂໍ້ມູນ ຈະສາມາດແກ້ໄຂບັນຫານີ້ໄດ້ ເນື່ອງຈາກການໃຊ້ງານຕ່າງໆ ຈະຕ້ອງໃຊ້ງານໄວ້ພຽງທີ່ດຽວຈຶ່ງ ຊ່ວຍແກ້ບັນຫາຄວາມຂັດແຍ່ງກັນຂອງຂໍ້ມູນໄດ້

7. ກຳນົດລະບົບຖືຮັກສາຄວາມປອດໄພໃຫ້ກັບຂໍ້ມູນໄດ້

ເນື່ອງຈາກຂໍ້ມູນແຕ່ລະຂໍ້ມູນຈະມີຄວາມ ສຳຄັນບໍ່ເທົ່າກັນ ດັ່ງນັ້ນຈຶ່ງຕ້ອງມີການກຳນົດສິດທິໃນການໃຊ້ງານ ຂໍ້ມູນແຕ່ລະສ່ວນ ເຊິ່ງເປັນຫນ້າທີ່ຂອງ ຜູ້ບໍລິຫານຖານຂໍ້ມູນ ເປັນຜູ້ກຳນົດວ່າໃຜມີສິດທິໃຊ້ງານຂໍ້ມູນສ່ວນໃດໄດ້ແດ່