ພາສາ SQL

SQL ແມ່ນຫຍັງ

SQL ຫຍໍ້ມາຈາກ structured query language ຄືພາສາທີ່ໃຊ້ໃນການຂຽນໂປຣແກຣມ ເພື່ອຈັດການກັບຖານຂໍ້ມູນໂດຍສະເພາະ ເປັນພາສາມາດຕາຖານເທິງລະບົບຖານຂໍ້ມູນເຊີງສຳພັນ ແລະ ເປັນລະບົບເປີດ (open system) ໝາຍເຖິງເຮົາສາມາດໃຊ້ຄຳສັ່ງ sql ກັບຖານຂໍ້ມູນຊະນິດໃດກໍ່ໄດ້ ແລະ ຄຳສັ່ງດຽວກັນເມື່ອສັ່ງງານຜ່ານ  ລະບົບຖານຂໍ້ມູນທີ່ແຕກຕ່າງກັນຈະໄດ້ ຜົນລັບຄືກັນ ເຮັດໃຫ້ເຮົາສາມາດເລືອກໃຊ້ຖານຂໍ້ມູນ ຊະນິດໃດກໍ່ໄດ້ໂດຍບໍ່ຍຶດຕິດກັບຖານຂໍ້ມູນໃດຖານຂໍ້ມູນໜຶ່ງ ນອກຈາກນີ້ແລ້ວ SQL ຍັງເປັນຊື່ຂອງໂປຣແກຣມຖານຂໍ້ມູນ ເຊິ່ງໂປຣແກຣມ SQL ເປັນໂປຣແກຣມຖານຂໍ້ມູນທີ່ມີໂຄງສ້າງຂອງພາສາທີ່ເຂົ້າໃຈງ່າຍ ບໍ່ຊັບຊ້ອນ ມີປະສິດທິພາບການເຮັດວຽກງານສູງ ສາມາດເຮັດວຽກທີ່ຊັບຊ້ອນໄດ້ໂດຍໃຊ້ຄຳສັ່ງບໍ່ເທົ່າໃດຄຳສັ່ງ ໂປຣແກຣມ SQL ຈຶ່ງເໝາະທີ່ຈະໃຊ້ກັບລະບົບຖານຂໍ້ມູນເຊີງສຳພັນ ແລະ ເປັນພາສາໜຶ່ງ ເຊິ່ງແບ່ງການເຮັດວຽກງານໄດ້ເປັນ 4 ປະເພດ ດັ່ງນີ້

1. Select query ໃຊ້ສຳລັບດຶງຂໍ້ມູນທີ່ຕ້ອງການ

2. Update query ໃຊ້ສຳລັບແກ້ໄຂຂໍ້ມູນ

3. Insert query ໃຊ້ສຳລັບການເພີ່ມຂໍ້ມູນ

4. Delete query ໃຊ້ສຳລັບລົບຂໍ້ມູນອອກໄປ

 ປະຈຸບັນມີຊໍຟຕ໌ແວຣ໌ລະບົບຈັດການຖານຂໍ້ມູນ (DBMS ) ທີ່ສະໜັບສະໜູນການໃຊ້ຄຳສັ່ງ SQL ເຊັ່ນ  Oracle , DB2, MS-SQL, MS-Access ນອກຈາກນີ້ພາສາ SQL ຖືກນຳມາໃຊ້ຂຽນຮ່ວມກັບໂປຣແກຣມພາສາຕ່າງໆ ເຊັ່ນ ພາສາ C/C++ , Visual Basic ແລະ Java ນຳອີກດ້ວຍ

ຄຳສັ່ງທີ່ໃຊ້ຫຼາຍທີ່ສຸດໃນພາສາ SQL

1. 1. ຄຳສັ່ງ ສ້າງ Create

   2. ຄຳສັ່ງ ລົບ Drop

   3. ຄຳສັ່ງ ປ່ຽນແປງ Alter

   4. ຄຳສັ່ງ ເລືອກຂໍ້ມູນ Select

   5. ຄຳສັ່ງ ເພີ່ມຂໍ້ມູນ Insert

   6. ຄຳສັ່ງ ແກ້ໄຂຂໍ້ມູນ Update

   7. ຄຳສັ່ງ ລົບຂໍ້ມູນ Delete