Embedded Files
Dirudienez, lurtar batzuek uste dute beren patua zenbait konstelaziok zuzentzen dutela, eta agindu dizuete, metodo zientifikoari jarraituz, ikerketa bat egin dezazuela oker daudela konbentzitzeko. Taldeka lan egingo duzue hainbat ikerketa kontrastatu ahal izateko. Emaitzekin txosten bat egingo duzue, Jakintsu Handien Kontseilura bidaltzeko.
1) Wikipedian Astronomiaren eta Astrologiaren definizioak bilatuko ditugu, gure txostenean idazteko. Zer alde dago funtsean?
2) Hurrengo bideoaren lehenengo 5:30 minutuak ikusiko dugu klasean: Escépticos 3, ¿todo está escrito?, non Luis Alfonso Gámez eta Jose A. Pérez adituek gaia ikasle batzuei planteatzen dieten.
3) Ikerketa txiki bat egingo dugu, metodo zientifikoari jarraituz. Horretarako:
- Lehendabizi, hipotesia planteatu behar dugu: beteko da gure horoskopoa?
- Orain ikerketa hasiko dugu. Interneten edo etxean ditugun aldizkari batzuetan, gure zodiakoko zeinurako hiru iragarpenetan bilatu ondoren, dagozkigun aurreikuspenak laburtu eta emaitza-taula batean idatziko ditugu, "A" atalean
- Hurrengo egunean, zeinu bera duten ontziko bizpahiru kideei inkesta bat egingo diegu, eta emaitzak taulan idatziko ditugu ("B", "C" eta "D" ataletan), osatu arte.
- Emaitzak aztertzeko unea heldu da, ea horoskopoak iragarri duena bete den ala ez. Horretarako, taula osotuko dugu, kointzidentzia-kopurua idazten eta % kalkulatzen.
- Orain ondorioak atera behar ditugu: horoskopoa sinesgarria da?
4) Taldera itzuliko gara aurreko bideoko 15:00etatik 17: 13ra arteko minutuak ikusteko. Zer gertatu da?
5) Bakoitzak bere ikerketaren emaitzak azaltzen ditu eta, guztion artean, egoki iritzitako ondorioen zerrenda idazten dugu. Gero, taldetan banatu, dokumentu komun bat ireki eta lana banatu genuen txostena egiteko. Txosten honen egitura honako hau da:
- Txostenaren izenburua:
- Taldeak egina... taldekide hauekin...
- Txostenaren atalak:
- Zer ikertu dugu?
- Zer metodologiarekin
- Aztertutako zeinu bakoitzerako lortutako emaitzak
- Taldearen ondorioak
Google Sites
Report abuse