🕢 ບົດທີ 2 ປະຫວັດຄວາມເປັນມາຂອງເງິນກີບລາວ
ປະເພດໃບ 100000 ກີບ ລຸ້ນປີ 2010 ພິມຂຶ້ນເພື່ອເປັນທີ່ລະນຶກຄົບຮອບ 450 ປີ ນະຄອນຫຼວງວຽງຈັນ
ນັ້ນແມ່ນການເຄື່ອນໄຫວ ແລະ ຄວາມເປັນມາແຕ່ອະດີດຈົນເຖິງປະຈຸບັນຂອງເງິນກີບລາວພວກເຮົາ, ນີ້ແມ່ນຄວາມພາກພູມໃຈ ແລະ ທະລະນົງໃຈເປັນຢ່າງຫຍິ່ງຕໍ່ກັບການເຕີບໃຫຍ່ຂດຫຍາຍຕົວ, ຕໍ່ກັບຜົນງານ, ຜົນສໍາເລັດທີ່ພວກເຮົາສາມາດຍາດມາໄດ້ ຖືອັນນັ້ນແມ່ນເປັນສິ່ງກາລະບູຊາ ແລະ ອໍາມະຕະຕະຫຼອດໄປ, ແຕ່ຄວາມພາກພູມໃຈ ແລະ ທໍລະນົງໃຈດັ່ງກ່າວມັນບໍ່ໄດ້ຢຸດຢູ່ພຽງເທົ່ານີ້, ມັນຈະຕ້ອງໄດ້ສືບຕໍ່ກ້າວໄປທາງໜ້າເລື້ອຍໆເພື່ອຄວາມສີວິໄລ ແລະ ຄວາມຮັ່ງມີເຂັ້ນແຂງຂອງປະເທດຊາດ. ນໍາປະເທດໃຫ້ຫຼຸດພົ້ນອອກຈາກຄວາມດ້ອຍພັດທະນານັ້ນມັນຮຽກຮ້ອງໃຫ້ຂະແໜງການທະນາຄານເຮົາຕ້ອງໄດ້ປັບປຸງໃຫ້ເຂັ້ມແຂງໃນທຸກດ້ານເປັນຕົ້ນແມ່ນດ້ານທຶນຮອນ, ດ້ານວິຊາການ, ດ້ານຊັບພະຍາກອນມະນຸດ, ການປະກອບອຸປະກອນ ພາຫະນະເຕັກນິກຕ່າງໆໃຫ້ຄົບຖ້ວນບໍລິບູນ ແລະ ທັນສະໄໝຄືກັບນາໆຊາດທີ່ກໍາລັງກ້າວໄປສູ່ຍຸກສະໄໝແຫ່ງຄວາມເຂັ້ມແຂງ ແລະ ທັນສະໄໝ ແນໃສ່ບັນລຸແຜນຍຸດທະສາດທາງດ້ານເງິນຕາ ແລະ ສິນເຊື່ອແຕ່ນີ້ຫາປີ 2020 ທີ່ທະນາຄານແຫ່ງ ສປປ ລາວ ໄດ້ວາງໄວ້ ຫັນທະນາຄານໄປສູ່ຄວາມທັນສະໄໝເທື່ອລະກ້າວ, ສາມາດເປັນແກນນໍາ, ເປັນເຈົ້າພາບຂອງລະບົບທະນາຄານຢູ່ປະເທດເຮົາ ສາມາດແກ່ງແຍ້ງແຂ່ງຂັນກັບທະນາຄານຢູ່ພາຍໃນ ແລະ ຕ່າງປະເທດ, ເຮັດໃຫ້ທະນາຄານເຮົາຍັບເຂົ້າໃກ້ສູ່ມາດຖານສາກົນເທື່ອລະກ້າວ, ຢາກເຮັດໄດ້ຄືແນວນັ້ນມັນຮຽກຮ້ອງໃຫ້ປະຊາຊົນບັນດາເຜົ່າຈົ່ງໄດ້ເສີມຂະຫຍາຍມູນເຊື້ອ ການນໍາໃຊ້ເງິນກີບຢ່າງບໍ່ຢຸດຢັ້ງ ພ້ອມກັນຕັດສິນໃຈເປັນນໍ້າໜຶ່ງໃຈດຽວຜ່ານຜ່າອຸປະສັກຕ່າງໆນາໆເພື່ອສ້າງສະຖຽນລະພາບຂອງຄ່າເງິນກີບກ້າວຂຶ້ນໄປເລື້ອຍໆຕາມຄວາມຮຽກຮ້ອງຕ້ອງການຂອງປະເທດຊາດ ແລະ ຍົກສະໄໝ.
ເງິນທະນະບັດທະນາຄານທີ່ບໍ່ໄດ້ນຳໃຊ້ປະກອບມີ:
•1 ກີບ (ບໍ່ໄດ້ນຳໃຊ້ແລ້ວ) ຜະລິດໃນປີ 1979
•5 ກີບ (ບໍ່ໄດ້ນຳໃຊ້ແລ້ວ) ຜະລິດໃນປີ 1979,1988
•10 ກີບ (ບໍ່ໄດ້ນຳໃຊ້ແລ້ວ) ຜະລິດໃນປີ 1979,1988
•20 ກີບ (ບໍ່ໄດ້ນຳໃຊ້ແລ້ວ) ຜະລິດໃນປີ 1979, 1988
•50 ກີບ (ບໍ່ໄດ້ນຳໃຊ້ແລ້ວ) ຜະລິດໃນປີ 1979, 1988
•100 ກີບ (ບໍ່ໄດ້ນຳໃຊ້ແລ້ວ) ຜະລິດໃນປີ 1979, 1988
•ຫຼຽນ 1, 5, 10, 20, 50 ກີບ (ບໍ່ໄດ້ນຳໃຊ້ແລ້ວ)
•ຫຼຽນ 10, 20, 50 ອັດ (ບໍ່ໄດ້ນຳໃຊ້ແລ້ວ)
ເງິນທະນະບັດທີ່ໄດ້ນຳໃຊ້ໃນປະຈຸບັນປະກອບມີ:
•500 ກີບ ຜະລິດໃນປີ 1988
•1.000 ກີບ ຜະລິດໃນປີ 1992, 1994, 1995, 1996, 1998, 2003, 2008 (ໃໝ່)
•2.000 ກີບ ຜະລິດໃນປີ 1997, 2003, 2011 (ໃໝ່)
•5.000 ກີບ ຜະລິດໃນປີ 1997, 2003
•10.000 ກີບ ຜະລິດໃນປີ 2002, 2003
•20.000 ກີບ ຜະລິດໃນປີ 2002, 2003
•50.000 ກີບ ຜະລິດໃນປີ 2004
•100.000 ກີບ ຜະລິດໃນປີ 2010, 2011