ບັນຊີ ເງິນຝາກປະຢັດ
ບັນຊີ ເງິນຝາກປະຢັດ
ຊື່ຜະລິດຕະພັນ
ບັນຊີ ເງິນຝາກປະຢັດ
ຄຸນລັກສະນະ
ບັນຊີເງິນຝາກປະຢັດ ເປັນບັນຊີທີ່ສະສົມເງິນໄວ້ໄລຍະສັ້ນ, ຊ່ວຍທ່ານມີເງິນທ້ອນ ເພື່ອຄວາມຕ້ອງການໃຊ້ເງິນໃນອະນາຄົດ ເປັນບັນຊີທີ່ຊ່ວຍຮັກສາເງິນຂອງທ່ານ ພ້ອມກັບໄດ້ຮັບຜົນຕອບແທນຄືດອກເບ້ຍ ຍິ່ງສະສົມຫຼາຍ ຍິ່ງໄດ້ຮັບດອກເບ້ຍຫຼາຍ ແລະ ສາມາດໃນການຝາກ-ຖອນໄດ້ຕະຫຼອດເວລາ.
ຜົນປະໂຫຍດທີ່ໄດ້ຮັບ
ເປັນບັນຊີທີ່ໃຊ້ໃນການປະຢັດ ແລະ ຊ່ວຍທ່ານໃນການທ້ອນເງິນ
ໄດ້ຮັບຜົນຕອບແທນຄືດອກເບ້ຍ ເຊິ່ງ ທາງທະນາຄານຈະຈ່າຍດອກເບັ້ຍ 4 ຄັ້ງຕໍ່ປີ ຕາມອັດຕາດອກເບັ້ຍເງິນຝາກທີ່ ທຄຕລ ປະກາດໃຊ້ແຕ່ລະໄລຍະ
ສະດວກໃນການຝາກ, ຖອນ, ໂອນ, ແລກປ່ຽນໄດ້ທຸກສາຂາ ແລະ ໜ່ວຍບໍລິການຂອງ ທຄຕລ ໃນທົ່ວປະເທດ
ສາມາດສະເໜີອອກບັດ ATM ແລະ ບັດ VISA Debit, ບັດ JCB, ບັດ CO-Brand ເພື່ອນໍາໃຊ້ບໍລິການຈາກບັນຊີເງິນຝາກຜ່ານຕູ້ ATM, ເຄື່ອງ EDC, ແລະ ຜ່ານຜະລິດຕະພັນ BCEL One
ສາມາດ ຝາກ-ຖອນໄດ້ຕະຫຼອດເວລາໂດຍຜ່ານຕູ້ຝາກເງິນ (CDM) ແລະ ຕູ້ຖອນເງິນ (ATM)
ສາມາດຕິດຕາມລາຍການເຄື່ອນໄຫວ ແລະ ຍອດເງິນເຫຼືອໃນບັນຊີຜ່ານຜະລິດຕະພັນ SMS Banking, BCEL One, Internet Banking ແລະ Smart book
ສາມາດນໍາໃຊ້ເພື່ອຢັ້ງຢືນຖານະການເງິນ.
ສາມາດຕິດຕາມອັດຕາດອກເບ້ຍ ຜ່ານເວັບໄຊທ໌ຂອງ ທຄຕລ (www. bcel.com.la)
ຄ່າບໍລິການ
ວົງເງິນເປີດບັນຊີ ແລະ ຍອດເຫຼືອຕໍ່າສຸດໃນບັນຊີ 50.000 ກີບ, 500 ບາດ, 10 ໂດລາ , 50 ຢວນ
ຄ່າທຳນຽມເປີດບັນຊີໃໝ່: 10,000 ກີບ, 2 ໂດລາ, 50 ບາດ, 10 ຢວນ/ບັນຊີ/ຄັ້ງ
(ໝາຍເຫດ: ຄ່າທໍານຽມແມ່ນອີງຕາມຄ່າທໍານຽມທີ່ ທຄຕລ ປະກາດນໍາໃຊ້ແຕ່ລະໄລຍະ)
ລະບຽບເງິນຝາກທີກຳນົດ
ເຈົ້າຂອງບັນຊີຕ້ອງຮັກສາປຶ້ມເງິນຝາກໄວ້ທີ່ປອດໄພ, ຖ້າປຶ້ມເສຍຫາຍ ຕ້ອງແຈ້ງໃຫ້ທະນາຄານຊາບຢ່າງເປັນລາຍລັກອັກສອນໂດຍດ່ວນ.
ໃນກໍລະນີຂໍອອກປື້ມບັນຊີຫົວໃໝ່ (ປຶ້ມເປື້ອນ,ຈີກຂາດແລະເສຍຫາຍ) ທະນາຄານຈະເກັບຄ່າທຳນຽມຕາມລະ ບຽບທີ່ປະກາດໃຊ້ໃນແຕ່ລະໄລຍະ.
ປຶ້ມບັນຊີເງິນຝາກໃຊ້ໄດ້ສະເພາະເຈົ້າຂອງບັນຊີເທົ່ານັ້ນ, ບໍ່ສາມາດປ່ຽນມືໄດ້