ວິຊາ ພື້ນຖານກົດໝາຍ
📋 ແຜນການຮຽນ - ການສອນ
📚 ບົດສອນບົດທີ 1
📚 ບົດສອນບົດທີ 2
📚 ບົດສອນບົດທີ 3
📚 ບົດສອນບົດທີ 4
📚 ບົດສອນບົດທີ 5
📚 ບົດສອນບົດທີ 6
📚 ບົດສອນບົດທີ 7
📚 ໃບຄຳຖາມຄົ້ນຄວ້າທ້າຍພາກ
ຂະໝານຕອບ ວິຊາ ພື້ນຖານກົດໝາຍ
1. ລັດ ສປປ ລາວ ມີພາລະໝ້າທີແນວໃດ ?
ລັດມີກພາລະໜ້າທີ່ຄື:
ພາລະໜ້າທີ່ພາຍໃນ:
ພາລະໜ້າທີ່ພື້ນຖານຂອງລັດ ສປປ ລາວ ຂອງພວກເຮົາແມ່ນປະຕິບັດ 2 ໜ້າທີ່ຍຸດທະສາດ:ປົກປັກຮັກສາ ແລະ ກໍ່ສ້າງປະເທດຊາດໄດ້ຈັດຕັ້ງຄຸ້ມຄອງປະຊາຊົນບັນດາເຜົ່າປະຕິບັດ 2 ໜ້າທີ່ຍຸດທະສາດດັ່ງກ່າວໂດຍມີການນໍາພາຂອງພັກ, ມີການສະໜັບສະໜູນຂອງປະຊາຊົນ ລັດໄດ້ນັບມື້ເຕີບໃຫ່ຍຂະຫຍາຍຕົວເຂັ້ມແຂງແລະ ສໍາເລັດຜົນອັນໃຫ່ຍຫຼວງໃນທຸກຂົງເຂດຂອງຊີວິດສັງຄົມ, ປະກອບສ່ວນຢ່າງຕັ້ງໜ້າເຂົ້າໃນພາລະກິດລວມຂອງການປະຕິວັດ. ໃນພາລະກິດປ່ຽນແປງໃໝ່ລັດຍັງສືບຕໍ່ປະຕິບັດ 2 ໜ້າທີ່ຍຸດທະສາດຄື: ປົກປັກຮັກສາ ແລະ ສ້າງສາປະເທດຊາດ.
ໜ້າທີ່ພາຍນອກ:
ຕ້ານ ແລະ ສະກັດກັ້ນການແຊກແຊງ, ຮຸກຮານຈາກພາຍນອກ, ເພີ່ມທະວີຄວາມສາມັກຄີແບບພິເສດ ແລະ ການຮ່ວມມືຢ່າງຮອບດ້ານກັບຫວຽດນາມ, ກໍາປູເຈຍ, ເພີ່ມທະວີມິດຕະພາບ ແລະ ການຮ່ວມມືກັບບັນດາອົງການຈັດຕັ້ງສາກົນ ແລະ ປະເທດຕ່າງໆໃນໂລກ, ບົນພື້ນຖານສິດສະເໝີພາບ, ເຄົາລົບເອກະລາດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງກັນ ແລະ ກັນ. ສະໜັບສະໜູນຂະບວນການຕໍ່ສູ້ຂອງປະຊາ ຊົນໃນໂລກເພື່ອສັນຕິພາບ ແລະ ຢູ່ຮ່ວມກັນໂດຍສັນຕິ.
2. ກົດໝາຍແມ່ນຫັຍງ ? ກຳເນີດມາຈາກໃສ ? ມີພາລະບົດບາດແນວໃດ ?
ກົດໝາຍແມ່ນ:
ຂໍ້ການົດທີ່ລັດວາງອອກ ແລະ ປະກາດໃຊ້ ຊຶ່ງມີຜົນບັງຄັບສໍາລັບພົນລະເມືອງທັງໝົດໃນທົ່ວປະເທດ, ມີຄວາມຊັດເຈນທາງດ້ານຮູບການຮັບປະກັນໂດຍລັດ ແລະ ສ່ອງແສງເຖິງເຈດຈຳນົງຂອງຊົນຊັ້ນທີ່ຄອບຄອງທາງດ້ານເສດຖະກິດ.
ກົດໝາຍກໍາເນີດຂຶ້ນໄດ້ດ້ວຍສອງເສັ້ນທາງຄື:
ກີດມາຈາກຫັນປ່ຽນຂໍ້ກຳນົດເອກະພາບ (ຂໍ້ກຳນົດສັງຄົມປະຖົມບູຮານຊຶ່ງມີລັກສະນະຮີດຄອງຂອງປະຊາຊົນ) ໃຫ້ກາຍເປັນກົດໝາຍຮັບໃຊ້ໃນທົ່ວສັງຄົມ.
ເກີດມາຈາກການອອກກົດໝາຍໂດຍລັດ ບັນດານິຕິກຳຕ່າງໆ, ຂໍ້ກຳນົດທີ່ສະແດງອອກໃນຮູບດໍາລັດ,ລັດຖະບັນຍັດ ລັດຖະດໍາລັດ, ມະຕິກອງປະຊຸມ, ຄຳສັ່ງ, ຂໍ້ຕົກລົງ ແລະ ອື່ນໆໄດ້ກຳເນີດຂຶ້ນພາຍຫຼັງທີ່ລັດໄດ້ອອກເອກະສານກົດໝາຍຮັບຮອງ ແລະ ປະກາດໃຊ້.
ພາລະບົດບາດຂອງກົດໝາຍ:
ບົດບາດສາຄັນຂອງກົດໝາຍ ແມ່ນເພື່ອປົກປັກຮັກສາຄວາມເປັນລະບຽບຮຽບຮ້ອຍຂອງສັງຄົມ ໂດຍສະເພາະໃນສັງຄົມທີ່ມີຊົນຊັ້ນ, ກົດໝາຍມີທີ່ຕັ້ງອັນດັບໜຶ່ງໃນການວາງລະບຽບໃນສັງຄົມ, ຖ້າມີແຕ່ລັດບໍ່ມີກົດໝາຍຊົນຊັ້ນທີ່ຄອບຄອງສັງຄົມກໍ່ບໍ່ສາມາດປົກປັກຮັກສາ ແລະ ເພີ່ມທະວີຄວາມເປັນລະບຽບຮຽບຮ້ອຍໃຫ້ແກ່ສັງຄົມຂອງຕົນໄດ້.
3. ໃຫ້ເວົ້ານິຍາມ ແລະ ຄວາມໝາຍຂອງລັດຖະທຳມະນູນ? ມີພາລະບົດບາດ ແລະ ໜ້າທີ່ແນວໃດ?
ລັດຖະທຳມະນູນ ແມ່ນ:
ກົດໝາຍພື້ນຖານຂອງລັດສະແດງເຖິງ ເຈດຈໍານົງຂອງຊົນຊັ້ນປົກຄອງ, ກຳນົດລະບອບການເມືອງ, ເສດຖະກິດສັງຄົມ, ສິດ ແລະ ພັນທະພື້ນຖານຂອງພົນລະເມືອງ, ຫລັກການຈັດຕັ້ງ ແລະ ການເຄື່ອນໃຫວຂອງກົງຈັກລັດ.
ພາລະບົດບາດຂອງລັດຖະທຳມະນູນ:
ລັດຖະທຳມະນູນຂອງ ສປປ ລາວ ມີພາລະບົດບາດທັງປົກປັກຮັກສາ ແລະ ທັງກໍ່ສ້າງຄື: ປົກປັກ ຮັກສາລະບອບປະຊາທິປະໄຕປະຊາຊົນ, ປົກປັກຮັກສາໝາກຜົນຂອງການປະຕິວັດ, ປາບປາມສັດຕູພາຍໃນ ແລະ ພາຍນອກ, ທັງກໍ່ສ້າງລະບອບໃໝ່, ພື້ນຖານເສດຖະກິດໃໝ່, ວັດທະນາທຳອັນດີງາມ, ຄົນຮຸ້ນໃໝ່ໃຫ້ ເປັນພົນລະເມືອງ.
ໜ້າທີ່ຂອງລັດຖະທຳມະນູນ:
ລັດຖະທຳມະນູນປະກອບມີໜ້າທີ່ພື້ນຖານຄື:
ໜ້າທີ່ດ້ານການເມືອງ :
ລັດຖະທຳມະນູນກຳນົດລະບອບການເມືອງ, ເສດຖະກິດ, ສັງຄົມ, ທາດແທ້ຊົນຊັ້ນອໍານາດລັດ, ແນວທາງການເມືອງພາຍໃນ ແລະ ຕ່າງປະເທດ, ສິດ ແລະ ພັນທະຂອງພົນລະເມືອງ, ຫລັກການຈັດຕັ້ງ ແລະ ການເຄື່ອນໃຫວຂອງກົງຈັກລັດ.
ໜ້າທີ່ດ້ານກົດໝາຍ :
ລັດຖະທຳມະນູນແມ່ນກົດໝາຍພື້ນຖານ, ແມ່ນໃຈກາງຂອງລະບົບກົດໝາຍຂອງ ສປປ ລາວ ມັນແມ່ນຍຸດທະສາດທາງດ້ານກົດໝາຍຂອງ ສປປ ລາວ.
ໜ້າທີ່ດ້ານແນວຄິດ :
ລັດຖະທໍາມະນູນມີການກະທົບດ້ານແນວຄິດຕໍ່ສັງຄົມ, ສຶກສາອົບຮົມປະຊາຊົນໃຫ້ມີນ້ຳໃຈຮັກຊາດ, ຮັກລະບອບປະຊາທິປະໄຕປະຊາຊົນ, ເຊີດຊູສະຕິເປັນເຈົ້າຂອງປະເທດຊາດ, ສະຕິເຄົາລົບກົດໝາຍ.
4. ເນືອໃນພື້ນຖານຂອງລັດຖະທຳມະນູນປະກອບມີຈັກເນື້ອໃນ? ຄືເນື້ອໃນໃດແດ່?
ຄຳນຳ
ລະບອບການເມືອງ.
ລະບອບເສດຖະກິດ-ສັງຄົມ.
ວັດທະນະທຳ-ສັງຄົມ.
ວຽກງານປ້ອງກັນຊາດ - ປ້ອງກັນຄວາມສະຫົງບສຸກ.
ສິດແລະພັນທະພື້ນຖານຂອງພົນລະເມືອງ.
ຫຼັກການຈັດຕັ້ງແລະການເຄື່ອນໄຫວຂອງກົງຈັກລັດ.
5. ລະບົບອຳນາດລັດຢູ່ ສປປ ລາວ ປະກອບມີຈັກອຳນາດລັດ ? ຄືອຳນາດໃດແດ່ ?
ປະກອບມີ 3 ອໍານາດຄື:
ອໍານາດນິຕິບັນຍັດ
ອຳນາດບໍລິຫານ
ອໍານາດຕຸລາການ
6. ສະພາແຫ່ງຊາດແມ່ນຫັຍງ ? ປະກອບມີກອງປະຊຸມຈັກປະເພດ ? ຄືປະເພດໃດແດ່ ?
ສະພາແຫ່ງຊາດແມ່ນ:
ອົງການຕົວແທນແຫ່ງສິດອຳນາດ ແລະ ຜົນປະໂຫຍດຂອງປະຊາຊົນລາວບັນດາເຜົ່າ, ເປັນອົງການສູງສຸດແຫ່ງອຳນາດລັດ,ທັງເປັນອົງການນິຕິບັນຍັດປະຕິບັດພາລະບົດບາດຮັບຮອງກະທຳມະນູນ ແລະ ກົດໝາຍ,ຕົກລົງບັນຫາພື້ນຖານສຳຄັນຂອງປະເທດຊາດແລະຕິດຕາມກວດກາການເຄົາລົບ ແລະ ປະຕິບັດລັດຖະທຳມະນູນ ແລະ ກົດໝາຍຂອງບັນດາອົງການລັດ.
ກອງປະຊຸມສະພາແຫ່ງຊາດປະກອບມີ 3 ປະເພດຄື:
ກອງປະຊຸມສະໃໝຄັ້ງປະຖົມມະລຶກ.
ກອງປະຊຸມສະໄໝສາມັນ.
ກອງປະຊຸມສະໄໝວິສະມັນ.
7. ອົງການບໍລິຫານລັດປະກອບມີຈັກຂັ້ນຄືຂັ້ນໃດແດ່?
ອົງການບໍລິຫານລັດປະກອບມີ 3 ຂັ້ນ ຄື:
ຂັ້ນສູງສູດ ແມ່ນປະທານປະເທດເປັນປະມຸກລັດ.
ຂັ້ນສູນກາງ: ແມ່ນລັດຖະບານ.
ຂັ້ນທ້ອງຖິ່ນ: ແຂວງ, ເມືອງ, ບ້ານ.
8. ໃຫ້ເວົ້າໂຄງປະກອບການຈັດຕັ້ງຂອງລັດຖະບານປະກອບມີໃຜແດ່?
ນາຍົກລັດຖະມົນຕີ
ບັນດາຮອງນາຍົກລັດຖະມົນຕີ,
ລັດຖະມົນຕີປະຈໍາຫ້ອງວ່າການລັດຖະບານ
ລັດຖະມົນຕີກະຊວງ
ຫົວໜ້າອົງການລັດທຽບເທົ່າກະຊວງ.