ບົດທີ 2
ເງິນຕາ ແລະ ອັດຕາແລກປ່ຽນ
(Currency and Exchange Rate)
![](https://www.google.com/images/icons/product/drive-32.png)
ບົດທີ 2
ເງິນຕາ ແລະ ອັດຕາແລກປ່ຽນ
(Currency and Exchange Rate)
ຈຸດປະສົງ:
ເມືອຜູ້ຮຽນຈະໄດ້ຮັບຮູ້ບັນຫາຫົວຂໍ້ດັ່ງນີ້:
1.ເງິນຕາ, ເງິນຕາຕ່າງປະເທດ ແລະ ອັດຕາແລກປ່ຽນ
2.ປະເພດອັດຕາແລກປ່ຽນ
3.ວິທີການສະເໝີລາຄາໃນຕະຫຼາດແລກປ່ຽນເງິນຕາຕ່າງປະເທດ
4.ຮູບແບບການສະເໝີອັດຕາແລກປ່ຽນເງິນຕາຕ່າງປະເທດ
5.ອັດຕາຊື້ - ຂາຍ ແລະ ກໍາໄລ (ຂາດທຶນ) ໃນການເຮັດທຸລະກິດແລກປ່ຽນເງິນຕາ
1.ເງິນຕາ, ເງິນຕາຕ່າງປະເທດ ແລະ ອັດຕາແລກປ່ຽນ
ເງິນ: ແມ່ນໝົດທຸກສິ່ງທຸກຢ່າງ ທີ່ສັງຄົມຍອມຮັບທົ່ວໄປໃຊ້ເປັນຊື່ກາງໃນການແລກປຽ່ນສິນຄ້າ ແລະ ບໍລິການໂດຍໄດ້ມີການຕັ້ງຫົວໝວ່ຍເງິນຕາຂຶ້ນ ແລະ ສາມາດຮັກສາມູນຄ່າໃຫ້ຄົງຢູ່ສະເໝີ.
ເງິນຕາ: ໝາຍເຖິງ ເງິນຕາ ຂອງ ສປປ ລາວ ເຊິງມີຫົວໝວ່ຍແມ່ນກີບ
ເງິນຕາຕ່າງປະເທດ: ໝາຍເຖິງເງິນຕາຂອງ ສປປ ລາວ ທີ່ໄປຈໍລະຈອນໃນພື້ນຖານເສດຖະກິດອື່ນແມ່ນກາຍເປັນເງິນຕາຕ່າງປະເທດ.
ອັດຕາແລກປ່ຽນ Exchange Rate:
- ແມ່ນສະກຸນເງິນນີ້ທຽບໃສສະກຸນເງິນອື່ນ.
- ແມ່ນຈຳນວນຫົວໝ່ວຍເງິນຕາພາຍໃນທຽບໃສ່ໝຶ່ງຫົວໝ່ວຍເງິນຕາຕ່າງປະເທດ.
ຕົວຢ່າງ: ອັດຕາແລກປ່ຽນ 1 USD = 9,123 LAK ໃນຕົວຢ່າງນີ້ ລາຄາ USD ໄດ້ສະແດງຜ່ານເງິນກີບ ແລະ 1 USD ມີລາຄາເທົ່າກັບ 9,123 LAK.
E (1 USD / LAK) = 9,123
ສຳລັບສະກຸນເງິນຢູ່ກ່ອນ ແລະ ຢູ່ຫຼັງ
ຕາມຫຼັກໃນທິດສະດີແລ້ວ ສະກຸນເງິນຢູ່ກອ່ນເພິ່ນເອີ້ນວ່າ ສະກຸນເງິນກຳນົດລາຄາ ແລະ ສະກຸນເງິນຢູ່ຫຼັງ ເອີ້ນວ່າ ສະກຸນເງິນສະເໝີລາຄາ.
ຕົວຢ່າງ: ອັດຕາແລກປ່ຽນ 1 USD = 9,123 LAK ໃນຕົວຢ່າງນີ້ ລາຄາ USD ໄດ້ສະແດງຜ່ານເງິນກີບ ແລະ 1 USD ມີລາຄາເທົ່າກັບ 9,123 LAK.
E (1 USD / LAK) = 9,123
1 USD ກຳນົດ / 9,123 LAK ສະເໝີ
ແຕ່ວ່າຍົກເວັ້ນ 5 ສະກຸນເງິນພິເສດ: ປອນສະເຕີລິງ GBP, ເອີໂຣ EUR, ໂດລາອົດສະຕາເລຍ AUD, ໂດລານິວຊີແລນ NZD, ເອສດີອາ SDR , ຈະແຂງຄ່າກວ່າເງິນ USD ທິດສະດີຢູ່ກ່ອນ ແລະ ຢູ່ຫຼັງ ແຕ່ນຳໃຊ້ຕົວຈິງແມ່ນ ຢູ່ກ່ອນສະເໝີ ແລະ ຢູ່ຫຼັງກຳນົດ.
ຕົວຢ່າງ: ອັດຕາແລກປ່ຽນ 1 EUR = 1.2879 USD ໃນຕົວຢ່າງນີ້ ລາຄາ USD ໄດ້ສະແດງຜ່ານເງິນກີບ ແລະ 1 EUR ມີລາຄາເທົ່າກັບ 1.2879 USD
E (USD / 1EUR) = 1.2879
1.2879 USD ສະເໝີ / 1 EUR ກຳນົດ
ສະກຸນເງິນສະເໝີລາຄາ ແລະ ສະກຸນເງິນກຳນົດລາຄາ:
ສະກຸນເງິນສະເໝີລາຄາ ແມ່ນຫຍັງ ?
ແມ່ນສະກຸນເງິນທີມີຈຳນວນຫົວໝ່ວຍຄົງທີເທົ່າກັບ 1 ຫົວໝ່ວຍ.
ສະກຸນເງິນກຳນົດລາຄາ ແມ່ນຫຍັງ ?
ແມ່ນມີສະກຸນເງິນທີມີຈຳນວນຫົວໝ່ວຍປ່ຽນແປງ ຂຶ້ນກັບການພົວພັນລະຫວ່າງອຸປະສົງ ແລະ ອຸປະທານ ໃນຕະຫຼາດ ຫຼື ເວົ້າອີກຢ່າງໝຶ່ງແມ່ນ ສະກຸນເງິນທີມີຫົວໝ່ວຍປ່ຽນແປງຂຶ້ນຄ່າຂອງສະກຸນເງິນສະເໝີລາຄາໃນອັດຕາແລກປ່ຽນນັ້ນ.
2.ປະເພດອັດຕາແລກປ່ຽນ
2.1.ອີງໃສ່ທຸລະກິດການແລກປ່ຽນເງິນຕາຕ່າງປະເທດ.
ແບ່ງອອກເປັນ 9 ປະເພດຄື:
1.ອັດຕາຊື້ (Bld Rate):
ແມ່ນ ອັດຕາແລກປ່ຽນ ຊຶງຢູ່ທີ່ນັ້ນ ທະນາຄານສະເໝີລາຄາກຽມພ້ອມຈະຮັບຊື້ເຂົ້າສະກຸນເງິນສະເໝີລາຄາ.
2.ອັດຕາຂາຍ (Ask or offer Rate):
ແມ່ນ ອັດຕາແລກປ່ຽນ ຊຶງຢູ່ທີນັ້ນ ທະນາຄານກຽມພ້ອມຈະຂາຍອອກສະກຸນເງິນສະເໝີລາຄາ.
3.ອັດຕາແລກປ່ຽນທັນທີ (Spot Rate):
ແມ່ນ ອັດຕາແລກປ່ຽນທີ່ໄດ້ຕົກລົງກັນໃນມື້ນີ້ ແຕ່ວ່າການຊຳລະສະສາງ ຈະໄດ້ຮັບການປະຕິບັດໃນຂອບເຂດ 2 ວັນລັດຖະການຖັດໄປ.
4.ອັດຕາແລກປ່ຽນລວງໝ້າ (Forward Rate):
ແມ່ນ ອັດຕາແລກປ່ຽນທີ່ໄດ້ຕົກລົງກັນໃນມື້ນີ້ ແຕ່ການຊໍາລະສະສາງ ແມ່ນຈະໄດ້ປະຕິບັດຫຼັງຈາກ 2 ວັນລັດຖະການຂຶ້ນໄປ.(7,17,30,60,90)
5.ອັດຕາເປີດ (Openting Rate):
ແມ່ນ ອັດຕາແລກປ່ຽນນຳໃຊ້ໃຫ້ແກ່ສັນຍາແລກປ່ຽນເລີມຕົ້ນ ພາຍໃນມື້ນັ້ນ. (9:00)
6.ອັດຕາປິດ (Closing Rate):
ແມ່ນອັດຕາແລກປ່ຽນທີນໍາໃຊ້ໃຫ້ແກ່ຜູ້ສັນຍາແລກປ່ຽນສຸດທ້າຍພາຍໃນມື້ນັ້ນ (ເວລາ 15:30)
7. ອັດຕາໄຂ່ວ (Cross Rate):
ແມ່ນ ອັດຕາແລກປ່ຽນລະຫວ່າງ 2 ສະກຸນເງິນ ທີ່ໄດ້ຈາກສະກຸນເງິນທີ່ 3 ( ຫຼື ເອີ້ນວ່າ ສະກຸນເງິນກາງ). ໂດຍທົ່ວໄປແລ້ວສະກຸນເງິນກາງຈະເປັນ USD.
8.ອັດຕາແລກປ່ຽນໂອນບັນຊີ (Transfer Rate):
ແມ່ນ ອັດຕາແລກປ່ຽນທີ່ນຳໃຊ້ແກ່ການແລກປ່ຽນ ຊື້ - ຂາຍ ເງິນຕາຕ່າງປະເທດຂອງບ້ວງທີເປີດບັນຊີເງິນຝາກຢູ່ທະນາຄານ.
9.ອັດຕາແລກປ່ຽນເງິນສົດ (Bank Note Rate):
ແມ່ນ ເອົາເງິນສົດໄປແລກປ່ຽນ.
2.2.ອີງໃສ່ກົນໄກການຄວບຄຸມນະໂຍບາຍອັດຕາແລກປ່ຽນ.
1.ອັດຕາແລກປ່ຽນທາງການ.
2.ອັດແລກປ່ຽນຕະຫຼາດມືດ.
3.ອັດຕາແລກປ່ຽນຄົງທີ.
4.ອັດຕາແລກປ່ຽນລອຍຕົວເສລີ.
5.ອັດຕາແລກປ່ຽນລອຍຕົວມີການຄວບຄຸມ.
1.ອັດຕາແລກປ່ຽນທາງການ (ອັດແລກປ່ຽນອ້າງອີງ)
ເປັນອັດຕາແລກປ່ຽນທີ່ທະນາຄານກາງປະກາດ ມັນສະແດງໃຫ້ເຫັນຢ່າງເປັນທາງການກ່ຽວກັບອຳນາດຊື້ພາຍນອກຂອງສະກຸນເງິນພາຍໃນ ແລະ ເປັນອັດຕາອ້າງອີງຂອງອັດຕາຊື້ ແລະ ອັດຕາຂາຍໃຫ້ແກ່ທະນາຄານທຸລະກິດ ແລະ ຮ້ານແລກປ່ຽນ. 11/9/2020 E(USD/LAK) = 9,123
ທະນາຄານກາງໃຫ້ທະນາຄານທຸລະກິດກຳນົດອັດຕາຊື້ ແລະ ອັດຕາຂາຍບໍ່ໃຫ້ເກີນ +/- 0.25 ຂອງອັດຕາແລກປ່ຽນ.
ຕົວຢ່າງ:
1.ອັດຕາຊື້:
2.ອັດຕາຂາຍ:
2.ອັດແລກປ່ຽນຕະຫຼາດມືດ.
ແມ່ນອັດຕາແລກປ່ຽນທີ່ແລກປ່ຽນຢູ່ນອກລະບົບທະນາຄານ, ອັດຕານີ້ຈະຂຶ້ນຢູ່ກັບອຸງປະສົງ ແລະ ອຸປະທານເປັນຜູ້ກຳນົດ.
1.ແມ່ນຕະຫຼາດທີ່ເກີດຂຶ້ນນອກລະບົບທະນາຄານ, ອັດຕາຊື້- ຂາຍ ຈະຂຶ້ນກັບອຸປະສົງ ແລະ ອຸປະທານເປັນຜູ້ກຳນົດ ( ອາດຈະຕ່ຳກວ່າ ຫຼື ສູງກວ່າທະນາຄານກໍ່ໄດ້).
2.ຕະຫຼາດມືດເປັນຕົວຊວ່ຍໃນການຊຸກດັນເສດຖະກິດຂອງປະເທດໃຫ້ມີການພັດທະນາຂຶ້ນຕື່ມອີກ ເພາະມີການແຂ່ງຂັນກັນ.
3.ອັດຕາແລກປ່ຽນຄົງທີ.
ແມ່ນ ອັດຕາແລກປ່ຽນທີ່ທະນາຄານກາງປະກາດ ໃຊ້ຄົງທີໃນລະດັບການເໝັງຕີໃດໝຶ່ງທີ່ແຄບ ຫຼື ອັດຕາແລກປຽ່ນຄ່າສະເໝີພາບຂອງແຕ່ລະສະກຸນເງິນໄວ້ໂດຍທຽບກັບຄຳ ຫຼື ເງິນໂດລາສະຫະລັດ ຫຼື ເງິນສະກຸນຫຼັກອື່ນໆ ທີ່ມີຄວາມໝັ້ນຄົງ ເຊິງກ່ອນການກຳເນີດວິກິດການທາງການເງິນອັດຕາແລກປ່ຽນຂອງເງິນບາດຢູ່ໃນລະດັບ 26 ບາດ ຕໍ່ 1ໂດລາ ເຊິງເປັນອັດຕາແລກປ່ຽນຄົງທີ.
4.ອັດຕາແລກປ່ຽນລອຍຕົວເສລີ.
ແມ່ນ ອັດຕາແລກປ່ຽນກໍາເນີດຂຶ້ນຕາມການພົວພັນລະຫວ່າງອຸປະສົງ ແລະ ອຸປະທານ ໃນຕະຫຼາດທະນາຄານກາງບໍ່ສາມາດແຊກແຊງໄດ້.
5.ອັດຕາແລກປ່ຽນລອຍຕົວມີການຄວບຄຸມ.
ແມ່ນ ອັດຕາແລກປ່ຽນລອຍຕົວແຕ່ວ່າທະນາຄານກາງ ດໍາເນີນການແຊກແຊງ ເພືອເຮັດໃຫ້ອັດຕາແລກປ່ຽນມີການເໝັງຕີງໄປຕາມທີ່ມີຜົນຕໍ່ພື້ນຖານເສດຖະກິດ.
3.ວິທີການສະເໝີລາຄາໃນຕະຫຼາດແລກປ່ຽນເງິນຕາຕ່າງປະເທດ.
ວິທີການສະເໝີລາຄາໃນຕະຫຼາດແລກປ່ຽນເງິນຕາຕ່າງປະເທດມີ 4 ປະເພດຄື:
1.ການສະເໝີລາຄາແບບ ທາງກົງ Direct Quotation.
2.ການສະເໝີລາຄາແບບ ທາງອ້ອມ Indirect Quotaion.
3.ການສະເໝີລາຄາແບບ ເອີຣົບ European Term
4.ການສະເໝີລາຄາແບບ ອາເມລິກາ American Term
3.1. ການສະເໝີລາຄາແບບ ທາງກົງ (Direct Quotation).
ແມ່ນ ວິທີການສະເໝີອັດຕາແລກປ່ຽນໂດຍເອົາຈໍານວນຫົວໝ່ວຍເງິນຕາພາຍໃນຕໍ່ 1 ຫົວໝ່ວຍເງິນຕາຕ່າງປະເທດ, ໃນນັ້ນເງິນຕາແຕ່ປະເທດຈະຖືກເປັນສິນຄ້າ ແລະ ຫົວໝ່ວຍເທົ່າກັບ 1 ຢູ່ສະເໝີ. ຕົວຢ່າງ: E(USD/LAK) = 9,115 1 USD = 9,115 LAK
3.2. ການສະເໝີລາຄາແບບ ທາງອອ້ມ (Indirect Quotaion).
ແມ່ນ ການສະເໝີອັດຕາແລກປ່ຽນໂດຍການເອົາຈໍານວນຫົວໝ່ວຍເງິນຕາພາຍນອກຕໍ່ 1 ຫົວໝ່ວຍເງິນຕາພາຍໃນ, ໃນນັ້ນເງິນຕາພາຍໃນຈະຖືເປັນສິນຄ້າ ແລະ ມີຫົວໝາຍເທົ່າກັບ 1 ຢູ່ສະເໝີ.
ຕົວຢ່າງ: 1 LAK = 0,0001097 USD
ວິທີການສະເໝີລາຄາ ດັ່ງກ່າວມາຂ້າງເທິງນັ້ນເອີ້ນວ່າ: ທາງອ້ອມ ຍ້ອນວ່າລາຄາເງິນຕາຕ່າງປະເທດ ພຽງສະແດງອອກທາງອ້ອມ ເປັນເງິນ LAK ເພື່ອໃຫ້ຮູ້ໄດ້ລາຄາເງິນຕາຕ່າງປະເທດທາງກົງ ພວກເຮົາໄດ້ຄິດໄລ່ຈິງສາມາດຮູ້ໄດ້.
ຕົວຢ່າງ: ລາຄາຂອງເງິນ USD ໄດ້ສະເໝີແບບທາງອ້ອມດັ່ງຕໍ່ໄປນີ້:
E(LAK/USD) = 0,0001097 ເພື່ອໃຫ້ຮູ້ໄດ້ລາຄາທາງກົງຂອງເງິນ USD ພວກເຮົາຄິດໄລ່ດັ່ງນີ້:
ດັ່ງນັ້ນ, ຖ້າເບິງຈາກມຸນມອງຂອງປະເທດການສະເໝີລາຄາທາງອອ້ມແມ່ນວິທີການເຊິງໃນນັ້ນ:
1.ເງິນພາຍໃນປະເທດຖືບົດບາດເປັນສະກຸນເງິນສະເໝີລາຄາ, ມີຈຳນວນຫົວໝ່ວຍຄົງທີ 1 ຫົວໝ່ວຍ.
2.ເງິນຕາຕ່າງປະເທດຖືບົດບາດເປັນສະກຸນເງິນກຳນົດລາຄາ, ມີຈຳນວນຫົວໝ່ວຍປ່ຽນແປງຂຶ້ນກັບການພົວພັນລະຫວ່າງອຸປະສົງ ແລະ ອຸປະທານ ໃນຕະຫຼາດເງິນຕາຕ່າງປະເທດ.
3.3. ການສະເໝີລາຄາແບບ ເອີຣົບ European Term
ແມ່ນການສະເໜີລາຄາອັດຕາແລກປ່ຽນໂດຍເອົາຈຳນວນເງິນຕາຕ່າງປະເທດທຽບໃສ່ 1 ຫົວໝ່ວຍເງິນໂດລາສະຫະລັດ USD
ຕົວຢ່າງ: USD/GBP = 0.7811 (ໝາຍວ່າ 1 USD = 0.7811 GBP)
GBP/USD = 1.2802 (ໝາຍວ່າ 1 GBP = 1.2802 USD)