ນຳສະເໝີກ່ຽວກັບ ວິຊາ: ທຸລະກິດເງິນຕາ

ທຸລະກິດເງິນຕາຈະປະກອບມີທັງໝົດ 5 ບົດຄື:

ບົກທີ 1: ຄວາມຮູ້ເບື້ອງຕົ້ນກ່ຽວກັບການເງິນລະຫວ່າງປະເທດ.

ບົດທີ 2: ເງິນຕາ ແລະ ອັດຕາແລກປ່ຽນ

ບົດທີ 3: ອັດຕາແລກປ່ຽນໄຂວ່

ບົດທີ 4: ປະເພດທຸລະກຳເງິນຕາຕ່າງປະເທດ

ບົດທີ 5: ສັນຍາລ່ວງໜ້າເງິນຕາ

ວິຊາ ທຸລະກິດເງິນຕາຕ່າງປະເທດ

ບົກທີ 1

ຄວາມຮູ້ເບື້ອງຕົ້ນກ່ຽວກັບການເງິນລະຫວ່າງປະເທດ.

ຈຸດປະສົງ:

ເມືອຜູ້ຮຽນຈະໄດ້ຮັບຮູ້ບັນຫາຫົວຂໍ້ດັ່ງນີ້:

1.ຂະບວນການດຳເນີນການເງິນລະຫວ່າງປະເທດ.

2.ໂອກາດທີ່ດີຂອງທຸລະກິດລະຫວ່າງປະເທດ.

3.ການບໍລິຫານການເງິນລະຫວ່າງປະເທດ.

4.ການກຳນົດເປົ້າໝາຍທາງການເງິນຂອງບໍລິສັດຂ້າມຊາດ.

5.ສາຍເຫດທີ່ພາໃຫ້ກຳເນີດຕະຫຼາດແລກປ່ຽນເງິນຕາຕ່າງປະເທດ.

6.ຄວາມໝາຍຂອງຕະຫຼາດແລກປ່ຽນເງິນຕາຕ່າງປະເທດ.

1.ຂະບວນການກໍາເນີດການເງິນລະຫວ່າງປະເທດ

ການເງິນລະຫວ່າງປະເທດ ເປັນການສະແດງຄວາມສຳພັນທາງດ້ານການເງິນລະຫວ່າງປະເທດໝຶ່ງກັບອີກປະເທດໝຶ່ງ ຊຶ່ງຄວາມສຳພັນນີ້ສືບເນື່ອງມາຈາກ ການຄ້າຂາຍລະຫວ່າງປະເທດ ການກູ້ຢືມເງິນ ແລະ ການຊຳລະໝີ້ ການລົງທຶນລະຫວ່າງປະເທດ ແລະ ການຊວ່ຍເຫືອກັນລະຫວ່າງປະເທດ.

ການຄ້າລະຫວ່າງປະເທດ ແມ່ນການແລກປ່ຽນສິນຄ້າ ແລະ ບໍລິການຊຶ່ງເກີດຂຶ້ນໃນອານາເຂດລະຫວ່າງປະເທດ.

ຂະບວນການກໍາເນີດການເງິນລະຫວ່າງປະເທດ:

- ມາຈາກການຊື້ - ຂາຍ ແລະ ການບໍລິການ

- ການນໍາເຂົ້າ ແລະ ການສົ່ງອອກສິນຄ້າລະຫວ່າງປະເທດ

- ການຊຳລະຄ່າສິນຄ້າ ແລະ ບໍລິການ ລະຫວ່າງປະເທດ

- ການບໍລິການກູ້ຢືມ ແລະ ການລົງທຶນລະຫວ່າງປະເທດ

- ການຊວ່ຍເຫຼືອ ແລະ ການເຄື່ອນຍ້າຍຊັບສິນລະຫວ່າງປະເທດ.

ສາເຫດທີສຳຄັນທີພາໃຫ້ເກີດມີການເງິນລະຫວ່າງປະເທດມີດັ່ງນີ້:

- ບໍລິສັດຂ້າມຊາດມີບົດບາດ ແລະ ຄວາມສຳຄັນຕໍ່ການຂະຫຍາຍຕົວຂອງເສດຖະກິດໂລກ.

- ລະບົບອັດຕາແລກປຽນເງິນຕາຂອງໂລກໄດ້ປ່ຽນຈາກລະບົບຄົງທີໄປເປັນລະບົບລອຍຕົວ.

- ຕະຫຼາດເງິນ ແລະ ຕະຫຼາດທຶນ ໃນພາກພື້ນຕ່າງໆ ຂອງໂລກມີການລວມຕົວກັນຫຼາຍຂຶ້ນ.

1.1.ບໍລິສັດຂ້າມຊາດ Multinational corporations : MNCs ມີບົດບາດ ແລະ ຄວາມສຳຄັນຕໍ່ການຂະຫຍາຍຕົວຂອງເສດຖະກິດໂລກ.

ບໍລິສັດຂ້າມຊາດ MNCs: ແມ່ນເປັນບໍລິສັດຂ້າມຊາດທີ່ມີເຄືອຂ່າຍທຸລະກິດເຊື່ອມໂຍງທົ່ວໂລກເຊັ່ນ:

1.ບໍລິສັດ IBM

2.ບໍລິສັດ Microsoft

3.ບໍລິສັດ Pepsi

4.ບໍລິສັດ Honda

5.ບໍລິສັດ TOYOTA ແລະ ອຶ່ນໆ.

ຈຸດພິເສດ ຫຼື ຄຸນລັກສະນະຂອງ MNCs:

- ເປັນບໍລິສັດທີໃຫ່ຍ ແລະ ມີງົບປະມານຫຼາຍ.

- ເປັນບໍລິສັດທີໄດ້ຮັບຜົນສະທ້ອນຈາກປັດໃຈເສດຖະກິດ ແລະ ການເມືອງຫຼາຍ.

ບົດບາດ ແລະ ຄວາມສຳຄັນຂອງ MNCs:

- ຊຸກຍູ້ໃຫ້ເສດຖະກິດໃນພາກພື້ນສາມາດເຊື່ອມໂຍງກັບສາກົນໄດ້.

- ປະກອບສວ່ນຊຸກຍູ້ໃຫ້ລາຍໄດ້ແຫ່ງຊາດເພີ່ມຂຶ້ນ

- ປະກອບສ່ວນໃນການສ້າງວຽກເຮັດງານທໍາ.

1.2.ລະບົບແລກປ່ຽນເງິນຕາຂອງໂລກໄດ້ປ່ຽນຈາກລະບົບຄົງທີ່ Fixe Exchange Rate ໄປເປັນລະບົບລອຍຕົວ Floating Exchange Rate ເຊິ່ງເຮັດໃຫ້ຄວາມສ່ຽງ ຈາກອັດຕາແລກປ່ຽນເງິນຕາຕ່າງປະເທດເພີ່ມສູງຂື້ນ:

ນັບແຕ່ປີ 1973 ປະເທດທີ່ເປັນເຈົ້າຂອງເງິນຕາ ສະກຸນລັກຂອງໂລກໄດ້ແກ່: ສະຫະລັດອາເມລິກາ (USD), ຍີ່ປຸ່ນ (JPY), ເຢຍລະມັນ, ອັງກິດ (GBP), ແລະ ຝຣັ່ງ ໄດ້ຄ່ອຍປ່ຽນລະບົບອັດຕາແລກປ່ຽນເງິນຕາຕ່າງປະເທດຈາກລະບົບຄົງທີ່ ໄປເປັນລະບົບລອຍຕົວ, ປ່ອຍໃຫ້ອຸປະສົງ ແລະ ອຸປະທານເງິນຕາຕ່າງປະເທດໃນຕະຫຼາດກຳນົດຄ່າເງິນຕາຂອງຕົນເອງ.

ລະບົບອັດຕາແລກປ່ຽນຂອງໂລກໄດ້ປ່ຽນຈາກຄົງທີໄປເປັນລະບົບລອຍຕົວ:

- ຈະເຮັດໃຫ້ມີຄວາມສ່ຽງຈາກອັດຕາແລກປ່ຽນເງິນຕາຕ່າງ ປະເທດໄດ້ເພີມສູງຂຶ້ນຢ່າງຫຼວງຫຼາຍ.

- ທຸລະກິດທີກ່ຽວຂ້ອງກັບການຄ້າ ແລະ ການລົງທຶນລະຫວ່າງປະເທດຈະມີໂອກາດຂາດທຶນຈາກອັດຕາແລກປ່ຽນ.

ວິທີແກ້ໄຂລະບົບອັດຕາແລກປ່ຽນ:

ດັ່ງນັ້ນ ຜູ້ດຳເນີນທຸລະກິດລະຫວ່າງປະເທດຈໍາເປັນຕ້ອງສຶກສາ ແລະ ທຳຄວາມເຂົ້າໃຈກ່ຽວກັບຄວາມສ່ຽງຈາກອັດຕາແລກປ່ຽນເງິນຕາຕ່າງປະເທດທີ່ໄດ້ມີການພັດທະນາຂຶ້ນມາເລືອຍໆ ເຊັ່ນ:

- ສັນຍາອັດຕາແລກປ່ຽນລ່ວງໝ້າ

- ສັນຍາລ່ວງໝ້າເງິນຕາ ແລະ ຕະຫຼາດສິດທິເງິນຕາເປັນຕົ້ນ.

ລະບົບອັດຕາແລກປ່ຽນຄົງທີ.

ແມ່ນ ລະບົບອັດຕາແລກປ່ຽນທີ່ບໍ່ມີການປ່ຽນແປງ, ບໍ່ຂຶ້ນກັບອຸປະສົງ ແລະ ອຸປະທານ, ລັດຖະບານສາມາດເຂົ້າໄປແຊກແຊງໄດ້.

ຕົວຢ່າງ:

ປີ 2010 E (THB/LAK) = 250

ປີ 2015 E (THB/LAK) = 250

ລະບົບອັດຕາແລກປ່ຽນລອຍຕົວ: ມີຢູ່ 2 ແບບຄື:

1.ລະບົບອັດຕາແລກປ່ຽນແບບເສລີ.

ແມ່ນ ລະບົບອັດຕາແລກປ່ຽນທີ່ມີການປ່ຽນແປງຂຶ້ນກັບອຸງປະສົງ ແລະ ອຸປະທານ, ລັດຖະບານບໍ່ສາມາດເຂົ້າໄປຄວບຄຸມ ແລະ ແຊກແຊງໄດ້.

2.ລະບົບອັດຕາແລກປ່ຽນລອຍຕົວແບບມີການຄວບຄຸມ.

ແມ່ນ ລະບົບອັດຕາແລກປ່ຽນທີ່ມີການປ່ຽນແປງຂຶ້ນກັບອຸປະສົງ ແລະ ອຸປະທານຂອງຕະຫຼາດແຕ່ລັດຖະບານສາມາດເຂົ້າໄປຄວບຄຸມ ແລະ ແຊກແຊງໄດ້.

1.3.ຕະຫຼາດເງິນ ແລະ ຕະຫຼາດທຶນໃນພາກພື້ນຕ່າງໆ ຂອງໂລກມີການລວມຕົວກັນຫຼາຍຂຶ້ນ (Integrating of Money and Cupital Markets).

ການເປີດເສລີທາງການເງິນ ໄດ້ພັກດັນໃຫ້ຕະຫຼາດການເງິນ ແລະ ຕະຫຼາດທຶນ ໃນພູມີພາກຕ່າງໆ ຂອງໂລກມີການຂະຫຼາຍຕົວຫຼາຍຂຶ້ນ, ການແບ່ງຕະຫຼາດການເງິນ ຂອງແຕ່ລະປະເທດຂ້ອນຂ້າງຊັດເຈນຕາມເສັ້ນແບ່ງເຂດແດນຂອງປະເທດຕາມພູມີພາກເຊັ່ນ:

- 12 ປະເທດໃນທະວີບຢູ່ໂຣບ

- 10 ປະເທດໃນອາຊີຕາເວັນອອກສ່ຽງໃຕ້.

2.ໂອກາດທີ່ດີຂອງທຸລະກິດລະຫວ່າງປະເທດ.

ເຖິງແມ່ນວ່າ ທ່າອ່ຽງບາງຢ່າງຈະເປັນໄປໃນແງ່ລົບທີ່ສ້າງເປັນບັນຫາ ໃຫ້ແກ່ກິດຈະການດຳເນີນທຸລະກິດລະຫວ່າງປະເທດ ແຕ່ເຖິງຢ່າງໃດກໍ່ຕາມເມືອພິຈາລະນາ ໂດຍລະອຽດແລ້ວຈະເຫັນໄດ້ວ່າທຸລະກິດລະຫ່ວາງປະເທດສາມາດສ້າງໂອກາດທີ່ດີໃຫ້ແກ່ກິດຈະການຂອງຕົນ.

ໂອກາດທີ່ດີ ຂອງທຸລະກິດລະຫ່ວາງປະເທດຄື:

- ການຈະເລີນເຕີບໂຕຢ່າງຕໍ່ເນື່ອງຂອງທຸລະກິດຂ້າມຊາດ.

- ບໍລິສັດຂ້າມຊາດສາມາດຫາຜົນປະໂຫຍດຈາກການເໝັງຕີງ ແລະ ຄວາມບໍ່ສົມດຸນ (Disequilibrium) ຂອງອັດຕາແລກປ່ຽນຂອງເງິນຕາຕ່າງປະເທດ.

- ການເປີດເສລີທາງການເງິນເຮັດໃຫ້ເງິນທຶນ (cost of capital) ຕ່ຳລົງ.

2.1.ການຈະເລີນເຕີບໂຕຢ່າງຕໍ່ເນື່ອງຂອງທຸລະກິດຂ້າມຊາດ.

ບໍລິສັດຂ້າມຊາດ ຍັງສາມາດຈະເລີນເຕີບໂຕ ແລະ ຂະຫຍາຍກິດຈະການໄດ້ຢ່າງຕໍ່ເນື່ອງ ໄປພ້ອມໆ ກັບຄວາມສາມາດໃນການສ້າງກຳໄລໃຫ້ແກ່ກິດຈະການໄດ້ຢ່າງຫຼວງຫຼາຍເຊິ່ງມີສາເຫດມາຈາກ 2 ປະການຄື:

- ຜົນປະໂຫຍດຈາກຄວາມບໍສົມດຸນຂອງຕະຫຼາດ.

- ຜົນປະໂຫຍດຈາກການກະຈ່າຍຄວາມສ່ຽງ.

2.1.1.ຜົນປະໂຫຍດຈາກຄວາມບໍສົມດຸນຂອງຕະຫຼາດ.

ບໍລິສັດຂ້າມຊາດ ຫາຜົນປະໂຫຍດຈາກຄວາມສ່ຽງບໍ່ສົມດຸນຂອງຕະຫຼາດ ໄດ້ຫຼາຍກວ່າບໍລິສັດພາຍໃນປະເທດ ນັ້ນສາມາດອະທິບາຍດວ້ຍປັດໃຈຕ່າງໆດັ່ງນີ້:

- ການປະຢັດຕໍ່ຂະໝາດ.

- ຄວາມຊ່ຽວຊຽນໃນການບໍລິຫານ ແລະ ທັກສະທາງເຕັກນິກ.

- ຄວາມແຕກຕ່າງຂອງຜະລິດຕະພັນ.

- ຄວາມເຂັ້ມແຂງທາງດ້ານການເງິນ.

2.1.2.ຜົນປະໂຫຍດຈາກການກະຈ່າຍຄວາມສ່ຽງ.

ບໍລິສັດຂ້າມຊາດ ໃຊ້ປະໂຫຍດຈາກຫຼັກການກະຈ່າຍຄວາມສ່ຽງດ້ານຕ່າງໆ ເຊິງບໍລິສັດພາຍໃນປະເທດບໍ່ສາມາດເຮັດໄດ້ດັ່ງນີ້:

- ລາຍໄດ້

- ກະແສເງິນສົດ

- ອໍານາດຕໍ່ລອງຂອງບໍລິສັດເພີ່ມຂຶ້ນ

- ຄວາມສ່ຽງຈາກອັດຕາແລກປ່ຽນເງິນຕາຕ່າງປະເທດ

2.2.ບໍລິສັດຂ້າມຊາດສາມາດຫາຜົນປະໂຫຍດຈາກການເໝັງຕີງ ແລະ ຄວາມບໍ່ສົມດຸນ (Disequilibrium)ຂອງອັດຕາແລກປ່ຽນຂອງເງິນຕາຕ່າງປະເທດ.

ໃນປີ ຄ.ສ 1973 ໄດ້ມີລະບົບອັດຕາແລກປ່ຽນເງິນຕາຕ່າງປະເທດລອຍຕົວ (Floating Exchange Rate) ເປັນລະບົບອັດຕາແລກປ່ຽນເງິນຕາຕ່າງປະເທດທີ່ໃຊ້ໃນການປະຕິບັດສຳລັບສະກຸນເງິນຫລັກຂອງໂລກ ( ເປັນລະບົບອັດຕາແລກປ່ຽນທີ່ເຮັດໃຫ້ມີສ່ວນຕ່າງສຳລັບສະກຸນເງິນຕາຕ່າງໆ ໃນການພົວພັນແລກປ່ຽນຂອງທຸລະກິດຂ້າມຊາດ ) ເຊັ່ນ: ຜັນຜວນຂອງອັດຕາແລກປ່ຽນເງິນຕາຕ່າງປະເທດ ເຮັດໃຫ້ເງິນຕາຕ່າງປະເທດບໍ່ມີຄວາມສົມດຸນ.

ໂອກາດໃນການຊອກຫາກຳໄລຈາກຄວາມບໍ່ສົມດຸນຂອງອັດຕາແລກປ່ຽນ:

ບໍລິສັດຂ້າມຊາດ ສາມາດມີຖານະການຜະລິດສິນຄ້າ ຂອງຕົນຈາກປະເທດ ທີ່ມີຄ່າເງິນແຂງຄ່າກວ່າຄວາມເປັນຈິງ ໄປຍັງປະເທດທີ່ມີເງິນອ່ອນຄ່າກວ່າຄວາມເປັນຈິງເຊິງເຮັດໃຫ້ຕົ້ນທຶນການຜະລິດສິນຄ້າ ຂອງບໍລິສັດຕ່ຳລົງ ແລະ ບໍລິສັດໄດ້ປຽບສູງຂຶ້ນ ເນື່ອງຈາກສາມາດສົ່ງສິນຄ້າອອກໄປແຂ່ງຂັນຕະຫຼາດໂລກໄດ້ດີຂຶ້ນ.

2.3.ການເປີດເສລີທາງການເງິນເຮັດໃຫ້ເງິນທຶນ (cost of capital) ຕ່ຳລົງ.

ການເປີດເສລີທາງການເງິນ ຈິງເປັນການເປີດໂອກາດໃຫ້ມີການລະດົມເງິນທຶນທີ່ມີຕົນທຶນຕຳຈາກແຫ່ງເງິນທຶນຕ່າງໆ ຈາກຕ່າງປະເທດ ເພື່ອມານຳໃຊ້ໃນການພັດທະນາພື້ນຖານເສດຖະກິດຂອງປະເທດ.

• ຂໍ້ດີ:

- ການລະດົມທຶນມີ້ຕົ້ນທຶນ ຕໍຳກວ່າຕະຫຼາດການເງິນລະຫວ່າງປະເທດທີ່ບໍ່ໄດ້ຜູ້ຂາດສະເພາະບໍລິສັດຂ້າມຊາດທີ່ໃຫ່ຍເທົ່ານັ້ນ.

- ບໍລິສັດຂະໝາດກາງ ຫຼື ບໍລິສັດທ້ອງຖິ່ນທີ່ມີຄວາມຈໍາເປັນໃນການນຳໃຊ້ເງິນທີ່ມີຕົ້ນທຶນຕ່ຳ ເພື່ອຂະຫຍາຍ ແລະ ພັດທະນາກິດຈະການ.

• ຂໍ້ເສຍ:

- ຕ້ອງມີຄວາມລະມັດລະວັງ, ຮອບຄອບ ແລະ ແນ່ໃຈວ່າໂຄງສ້າງທາງການເງິນພາຍໃນປະເທດມີຄວາມໝັ້ນຄົງພຽງພໍທີ່ຈະໄດ້ຮັບຮອງການປ່ຽນແປງເກີດຂື້ນ.

- ຖ້າເກີດມີບັນຫາວິກິດການທາງການເງິນຈະນໍາຄວາມເສຍຫາຍໄປສູ່ບັນດາປະເທດພາກພື້ນ ແລະ ທົ່ວໂລກ.

3.ການບໍລິຫານການເງິນລະຫວ່າງປະເທດ.

ເນື້ອໃນຄວາມໝາຍ:

ຜູ້ບໍລິຫານການເງິິນຂອງບໍລິສັດຂ້າມຊາດຈະມີຄວາມຮູ້ ແລະ ຄວາມເຂົ້າໃຈກ່ຽວກັບຄວາມແຕກຕ່າງທາງດ້ານວັດທະນາທຳ, ປະຫວັດສາດ, ລະບຽບກົດໝາຍຕ່າງໆ ແລະ ສະພາບເເວດລ້ອມອື່ນໆ ຂອງປະເທດທີ່ຕົນເຂົ້າໄປລົງທຶນນອກຈາກຄວາມສ່ຽງຈາກອັດຕາແລກປ່ຽນ. ( ສໍາລັບການບໍລິຫານທາງດ້ານການເງິນບໍລິສັດຂ້າມຊາດ ກັບ ບໍລິສັດ ພາຍໃນປະເທດຈະມີຄວາມແຕກຕ່າງກັນ)

4.ການກໍານົດເປົ້າໝາຍທາງດ້ານການເງິນຂອງບໍລິສັດຂ້າມຊາດ.

ເນື້ອໃນຄວາມໝາຍ:

ເນື່ອງຈາກບໍລິສັດຂ້າມຊາດເປັນບໍລິສັດຂະໝາດໃຫ່ຍ ຫົວໝ່ວຍດຳເນີນກິດຈະການປະເພດຕ່າງໆ ໃນສະພາບແວດລ້ອມທີ່ແຕກຕ່າງກັນຈິງມີຄວາມຈຳເປັນຢ່າງຍິງ ທີຈະກຳເນີດເປົ້າໝາຍທາງດ້ານການເງິນໃນການດຳເນີນທຸລະກິດຮ່ວມກັນເພື່ອຜົນປະໂຫຍດສູງສຸດຂອງກິດຈະການຄື:

1.ການສ້າງມູນຄ່າຂອງລາຍໄດ້ລວມສຸດທິໃຫ້ສູງທີສຸດ.

2.ການມີພາລະການຊຳລະພັນທະພາສີ ອາກອນລວມທີ່ຕ່ຳທີ່ສຸດ.

3.ຄວາມຖືກຕ້ອງຂອງລາຍໄດ້, ກະແສເງິນສົດຂອງຫົວໝ່ວຍທຸລະກິດຕ່າງໆ.

ສິງທີ່ຄວນເອົາໃສ່:

ໃນການກໍານົດເປົ້າໝາຍທາງການເງິນ ໃນເບື້ອງຕົ້ນມັກຈະບໍ່ບັນລຸຜົນພ້ອມກັນ, ບັນຫານີ້ເກີດຂຶ້ນກັບນະໂຍບາຍ ແລະ ຄວາມສາມາດໃນການບໍລິຫານຂອງບໍລິສັດຂ້າມຊາດນັ້ນໆ ແຕ່ເປົ້າໝາຍໃນການບໍລິຫານເບື້ອງຕົ້ນຂອງບໍລິສັດຂ້າມຊາດຄື: ການສ້າງກຳໄລລວມສຸດທິໃຫ້ສູງທີ່ສຸດ.

5.ສາເຫດທີ່ພາໃຫ້ເກີດຕະຫຼາດແລກປ່ຽນເງິນຕາຕ່າງ ປະ ເທດ.

- ຍ້ອນມີການພົວພັນຊື້ - ຂາຍ ສິນຄ້າ ແລະ ບໍລິການລະຫວ່າງປະເທດ, ມີການຊໍາລະສະສາງເຊິງກັນແລະກັນ.

- ຍ້ອນວ່າກຳລັງການພະລິດສິນຄ້າ ແລະ ບໍລິການຂອງແຕ່ລະປະເທດບໍ່ຄືກັນ.

- ຍ້ອນແຕ່ລະປະເທດມີສະກຸນເງິນສະເພາະຂອງໃຜລາວ

ສາເຫດພາວະວິໃສ ແລະ ອັດຕາວິໃສ.

• ສາເຫດພາວະວິໃສ:

- ທີ່ຕັ້ງ ແລະ ພູມີປະເທດທີ່ແຕກຕ່າງກັນ

- ວັດທະນາທໍາ ແລະ ຮີບຄອງປະເພນີທີ່ແຕກຕ່າງກັນ

- ຄວາມສາມາດໃນການຜະລິດສິນຄ້າ ແລະ ບໍລິການທີແຕກຕ່າງກັນ.

- ມີສະກຸນເງິນຕາຂອງຕົນສະເພາະ ທີ່ແຕກຕ່າງກັນແຕ່ລະປະເທດ.

• ສາເຫດອັດຕາວິໃສ:

- ມີການພົວພັນທາງດ້ານການຄ້າ ແລະ ການບໍລິການລະປະເທດ.

- ອັດຕາສະກຸນຕ່າງມີລາຄາບໍ່ເທົ່າທຽມກັນ.

- ການຂະຫຍາຍຕົວຂອງຕະຫຼາດເງິນຕາຕ່າງປະເທດ.

- ການເຄືອນຍ້າຍເງິນທຶນລະຫວ່າງປະເທດ.

6.ຄວາມໝາຍຂອງຕະຫຼາດແລກປ່ຽນເງິນຕາຕ່າງປະເທດ.

ເນື້ອໃນຄວາມໝາຍ:

ຕະຫຼາດແລກປ່ຽນເງິນຕາຕ່າງປະເທດ ຄືຕະຫຼາດທີ່ມີການຊື້ - ຂາຍ ເອກະສານທາງດ້ານການເງິນທີນຳມາຊື້ - ຂາຍ ຢູ່ຕະຫຼາດແລກປ່ຽນເງິນຕາຕ່າງປະເທດນັ້ນຕ້ອງມີມູນຄ່າເປັນສະກຸນເງິນດຽວກັນ ແລະ ການຊື້ - ຂາຍ ນັ້ນຕ້ອງປ່ຽນຈາກເງິນສະກຸນໝຶ່ງໄປຫາອີກສະກຸນໝຶ່ງ.

ຕະຫຼາດແລກປ່ຽນເງິນຕາໃນຄວາມໝາຍກວ້າງ:

ແມ່ນ ທຸກໆ ສະຖານທີທີ່ມີການພົວພັນຊື້ - ຂາຍ ແຕ່ລະສະກຸນເງິນທີ່ແຕ່ຕ່າງກັນ.

ຕະຫຼາດແລກປ່ຽນເງິນຕາໃນຄວາມໝາຍແຄບ:

ແມ່ນ ສະຖານທີ່ ທີ່ມີການພົວພັນຊື້ - ຂາຍ ເງິນຕາລະຫວ່າງປະເທດລະຫວ່າງທະນາຄານ.

ຄຸນລັກສະນະຂອງຕະຫຼາດແລກປ່ຽນເງິນຕາຕ່າງປະເທດ:

- ທຸກໆສະຖານທີ່ ທີ່ເກີດມີການຊື້ - ຂາຍເງິນຕາຕ່າງປະເທດ.

- ເປັນຕະຫຼາດທີມີການເຄືອນໄຫວຕະຫຼອດ 24 ຊົ່ວໂມງ.

- ເປັນຕະຫຼາດທີມີການຊື້ - ຂາຍ ຂອງສະກຸນເງິນໂດລາຫຼາຍກວ່າໝູ່.

- ເປັນຕະຫຼາດທີມີການຊື້ - ຂາຍ ໂດຍໃຊ້ເຄືອງມືທີ່ທັນສະໄໝ.

- ເປັນຕະຫຼາດລະຫວ່າງທະນາຄານ

- ເປັນຕະຫຼາດທີມີຄວາມອອ່ນໄຫວຕໍ່ສະພາບເສດຖະກິດ.

ຕະຫຼາດ ແລະ ເວລາການແລກປ່ຽນຊື້ - ຂາຍເງິນຕາ.

ຕະຫຼາດແລກປ່ຽນເງິນຕາຕ່າງປະເທດເປັນຕະຫຼາດທີ່ມີການຊື້ - ຂາຍ ກັນຢ່າງຕໍ່ເນື່ອງຕະຫຼອດ 24 ຊົ່ວໂມງໃນແຕ່ລະວັນຈະມີການໝູນວຽນກັນແບບນີ້ຕະຫຼອດ.

ໝ້າທີ່ຂອງຕະຫຼາດແລກປ່ຽນເງິນຕາຕ່າງປະເທດ.

- ບໍລິການທາງດ້ານການຄ້າລະຫວ່າງປະເທດ.

- ເຄືອນຍ້າຍເງິນທຶນ ແລະ ການລົງທຶນລະຫວ່າງປະເທດ.

- ເປັນສະຖານທີ່ກຳນົດອັດຕາແລກປ່ຽນ.

- ເປັນສະຖານທີສະໝອງບັນດາເຄື່ອງມືຕ່າງໆ ເພືອປ້ອງກັນຄວາມສ່ຽງຈາກອັດຕາແລກປ່ຽນ.

- ເປັນສະຖານທີ Control Bank ສາມາດເຂົ້າໄປແຊກແຊງອັດຕາແລກປ່ຽນ.

ຜູ້ເຂົ້າຮ່ວມໃນຕະຫຼາດແລກປ່ຽນເງິນຕາຕ່າງປະເທດ:

1. ບັນດາກຸ່ມລູກຄ້າຊື້ - ຂາຍຍ່ອຍ:

ແມ່ນ ບັນດາກຸ່ມລູກຄ້າທົ່ວໄປທີ່ມີການພົວພັນແລກປ່ຽນຊື້ - ຂາຍ ເງິນຕາຕ່າງປະເທດ ເພື່ອຕອບສະໝອງຄວາມຕ້ອງການໃນການຊຳລະສະສາງ.

2. ທະນາຄານທຸລະກິດ:

- ໃຫ້ບໍລິການແກ່ລູກຄ້າຊື້ - ຂາຍຍ່ອຍ.

- ບໍ່ມີຄວາມສ່ຽງຈາກອັດຕາແລກປ່ຽນ.

- ໄດ້ຮັບສວ່ນຕ່າງຈາກອັດຕາແລກປ່ຽນ.

- ບໍ່ສົງຜົນສະທ້ອນຕໍ່ໃຜດຸ່ນດ່ຽງເງິນຕາ.

3.ທະນາຄານກາງ Control Bank

- ເປັນທະນາຄານທີ່ໃຫ້ບໍລິການແກ່ລັດຖະບານ, ເປັນທະນາຄານກາງຂອງຕ່າງປະເທດ ແລະ ສະຖາບັນການເງິນອື່ນໆ.

- ເປັນຜູ້ແຊກແຊງອັດຕາແລກປ່ຽນໃນຕະຫຼາດແລກປ່ຽນເງິນຕາ.

- ເຂົ້າໄປຊື້ - ຂາຍເງິນຕາຕ່າງປະເທດເພື່ອຮັບປະກັນໃນການຊຳລະສະສາງ ແລະ ຂະຫຍາຍຄັງສຳຮອງເງິນຕາຕ່າງປະເທດ.

- ເປັນນາຍໝ້າ.