Orða- og orðhlutavefur

Orða- eða orðhlutavefur

Orða- eða orðhlutavefur felur í sér vinnu með stök orð eða orðhluta. Á myndinni hér til hliðar er dæmi um orðhlutavef. Hann er ekki ósvipaður spurningavef í formi, eða að inntaki þeim hluta í orði dagsins, þar sem orði er skipt í orðhluta og aðrir orðhlutar eða orð tengd við orðið eða orðhlutann.

Þessi aðferð er góð þegar ekki á að taka orð dagsins „alla leið“ heldur fjalla markvisst um tiltekinn þátt, merkingu orðhluta, t.d. forskeyta.

Í slíkri vinnu er gott að hafa í huga hljóðskipti eða hljóðvörp og því ætti að gæta þess að þau komi fram í vinnunni (t.d. orð-yrð, for-fyr, mál-mæl, far-fór-fer-fær).