ದಿನಕ್ಕೊಂದು ವಾಣಿ ಆನಂದ ವಾಣಿ

ಸದಾಶಯದ ಕೆಲಸಕ್ಕೆ ಪ್ರಥಮ ಪ್ರಯತ್ನದಲ್ಲೇ ಯಶಸ್ಸು ಸಿಗದಿರಬಹುದು; ಆದರೆ ಮುಂದಿನ ಪ್ರಯತ್ನಕ್ಕೆ ಬೇಕಾದ ಅನುಭವವನ್ನಂತೂ ಅದು ನೀಡುತ್ತದೆ.

ಸದಾಶಯದ ಕೆಲಸಕ್ಕೆ ಪ್ರಥಮ ಪ್ರಯತ್ನದಲ್ಲೇ ಯಶಸ್ಸು ಸಿಗದಿರಬಹುದು; ಆದರೆ ಮುಂದಿನ ಪ್ರಯತ್ನಕ್ಕೆ ಬೇಕಾದ ಅನುಭವವನ್ನಂತೂ ಅದು ನೀಡುತ್ತದೆ.

ಆನಂದವನ್ನು ಎಲ್ಲೋ ಶೋಧಿಸಬೇಕಿಲ್ಲ. ಜೀವನದ ಸಣ್ಣ ಪುಟ್ಟ ಸಂಗತಿಗಳಲ್ಲಿಯೂ ಅಗಾಧವಾದ ಆನಂದ ನೆಲೆಸಿದೆ. ಅದನ್ನು ನಮ್ಮದಾಗಿಸಿ, ಸ್ವೀಕರಿಸಿಕೊಳ್ಳುವ ಮನಸು ಬೇಕಷ್ಟೇ.

ಬದುಕಿನಲ್ಲಿ ಶೇಕಡಾ 95 ರಷ್ಟು ಸಮಸ್ಯೆಗಳು ಸೃಷ್ಟಿಯಾಗುವುದು ನಮ್ಮ ಮಾತಿನ ಧ್ವನಿಯಿಂದ. ಏನು ಹೇಳುತ್ತೇವೆ ಎನ್ನುವುದಕ್ಕಿಂತಲೂ ಹೇಗೆ ಹೇಳುತ್ತೇವೆ ಎನ್ನುವುದೇ ಮುಖ್ಯ. ಧ್ವನಿ ಬದಲಾದರೆ ಬದುಕೇ ಬದಲಾಗುತ್ತದೆ.

ಯಾವುದೇ ಕೆಲಸ ಮಾಡುವ ಮುನ್ನ ಅವಶ್ಯಕತೆ ಮತ್ತು ಸಾಧ್ಯತೆಗಳನ್ನು ಅಭ್ಯಸಿಸಿ ಮುನ್ನಡಿಯಿಟ್ಟರೆ ಅಸಾಧ್ಯವೆನಿಸಿದ್ದೂ ಸುಲಭದಲ್ಲಿ ಮುಗಿದಿರುತ್ತದೆ.

ಸಮಸ್ಯೆಗಳು ಬದುಕಿಗೆ ಅಡ್ಡಿಪಡಿಸುವ ತಡೆಗೋಡೆಗಳಲ್ಲ, ಸಾಗಬೇಕಾದ ಪಥದ ಮಾರ್ಗಸೂಚಿಗಳು.

ಮನುಷ್ಯರಲ್ಲಿ.... ಬದಲಾವಣೆ ಇರಬೇಕು.... ಆದರೆ... ಇನ್ನೊಬ್ಬರನ್ನು ಕಳೆದುಕೊಳ್ಳುವಷ್ಟು....ಬದಲಾಗಬಾರದು.

ಮುಕ್ತಚರ್ಚೆಯಿಂದಾಗಿ ತಪ್ಪು ಕಲ್ಪನೆಗಳು ದೂರವಾಗಿ ಶಾಂತಿ-ನೆಮ್ಮದಿ-ಸಹಕಾರದ ಮಾರ್ಗೋಪಾಯ ರೂಪುಗೊಳ್ಳುತ್ತದೆ; ದುಡುಕಿನ ಮಾತು ಸಮಸ್ಯೆ-ಸಂಕಷ್ಠಗಳನ್ನು ತಂದೊಡ್ಡುತ್ತದೆ.

ನೂರೆಂಟರ ಬದಲು ಒಂದು ಯೋಗ್ಯ ವಿಷಯದ ಕನಸು ಕಾಣುತ್ತ ಸಂಪೂರ್ಣ ತೊಡಗಿಕೊಂಡಾಗ ಯಶಸ್ಸು ಸಂತೋಷಗಳು ತಾವಾಗಿ ಬಂದು ಸೇರಿಕೊಳ್ಳುತ್ತವೆ.

ನಮ್ಮ ಹಿಂದೆ ಮುಂದೆ ಯಾರೆಲ್ಲ ಇದ್ದಾರೆ ಅನ್ನುವುದಕ್ಕಿಂತ ನಮ್ಮ ಜತೆಯಲ್ಲಿ ಇರುವವರು ಯೋಗ್ಯರಾಗಿರುವುದು ಮುಖ್ಯ. ಸದಾ ಸನ್ಮಿತ್ರರೊಡನೆ ವ್ಯವಹರಿಸೋಣ!

ಬಯಸಿದ್ದೆಲ್ಲಾ ಸಿಗಲು ಸಾಧ್ಯವಿಲ್ಲ ಎನ್ನುವುದನ್ನು ತಿಳಿದರೆ ಅನೇಕ ಅಸಂಗತಗಳು ಇಲ್ಲವಾಗುತ್ತವೆ. ಮಿತಿಯಲ್ಲಿದ್ದಷ್ಟೂ ಜೀವನ ಹಿತವನ್ನಿಸುತ್ತ ಸಾಗುತ್ತದೆ.

ಯಾವತ್ತೂ ಈಗಿರುವ ಸ್ಥಿತಿ ಶಾಶ್ವತವಲ್ಲ. ಮುಂದಿನ ಕ್ಷಣ ಒಳ್ಳೆಯದಿರಲಿ ಎಂಬ ಆಶಯದೊಂದಿಗೆ ಇಂದಿನ ಕೆಲಸದ ಗುಣಮಟ್ಟಕ್ಕೆ ಆದ್ಯತೆ ನೀಡೋಣ.

ಸಾಧನೆಯ ಬಳಿಕ ಮನುಷ್ಯ ಪ್ರಜ್ಞೆಯ ಅತೀ ಸಾಮಾನ್ಯ ಪ್ರತಿಕ್ರಿಯೆ ಎಂದರೆ ಸಂತೃಪ್ತಿಯಲ್ಲ; ಬದಲು ಇನ್ನಷ್ಟು ಸಾಧನೆಗಾಗಿ ಹಾತೊರೆಯುವಿಕೆ.

ಜೀವನದಲ್ಲಿ ನೀವು ಎಡವಿದರೂ ಚಿಂತೆ ಬೇಡ, ಆಗಲೂ ನೀವು ಒಂದು ಹೆಜ್ಜೆ ಮುಂದೆ ಹೋಗಿರುತ್ತೀರಿ. ಇದ್ದಲ್ಲೇ ಇರುವುದಕ್ಕಿಂತ ಅದೇ ಉತ್ತಮ.

ಅಗತ್ಯ, ಅನಿವಾರ್ಯತೆಗಳು ಹೊಸ ದಾರಿಗಳನ್ನು ತೋರುತ್ತವೆ. ಅನುಭವಗಳು ಹೊಸ ಪಾಠಗಳನ್ನು ಕಲಿಸುತ್ತವೆ.

ನಮ್ಮ ಸಮಸ್ಯೆಗಳ ಬಗ್ಗೆಯಷ್ಟೇ ಮಾತನಾಡುವುದು ನಮ್ಮ ಅತಿದೊಡ್ಡ ವ್ಯಸನ. ಅದರಿಂದ ಹೊರಬಂದು, ಸಂತೋಷದ ಬಗ್ಗೆ ಮಾತನಾಡುವುದು ಅಭ್ಯಾಸ ಮಾಡಿಕೊಳ್ಳಬೇಕು.

ಜೀವನದಲ್ಲಿ ನಾವು ಮಾಡುವ ನಿಜವಾದ ತಪ್ಪೆಂದರೆ, ತಪ್ಪಿನಿಂದ ಪಾಠ ಕಲಿಯದಿರುವುದು.

ಕೊಡೆ ಮಳೆಯನ್ನು ನಿಲ್ಲಿಸುವುದಿಲ್ಲ. ಆದರೆ ಮಳೆಯನ್ನು ಎದುರಿಸುವ ಧೈರ್ಯ ತುಂಬುತ್ತದೆ. ಆತ್ಮ ವಿಶ್ವಾಸ ಸಮಸ್ಯೆಗಳನ್ನು ನಿವಾರಿಸುವುದಿಲ್ಲ. ಯಾವುದೇ ಸಮಸ್ಯೆ ಎದುರಿಸುವ ಶಕ್ತಿ ಕೊಡುತ್ತದೆ.

ಎಂಥ ಹೆಮ್ಮರವೂ ಒಂದು ಕಾಲಕ್ಕೆ ಪುಟ್ಟ ಗಿಡವೇ ಆಗಿತ್ತು ಎಂಬುದನ್ನು ನಮ್ಮೆಲ್ಲ ಕೆಲಸಗಳ ಪ್ರಾರಂಭದಲ್ಲಿ ನೆನಪಿಸಿಕೊಳ್ಳೋಣ ಪುಟ್ಟ ಪುಟ್ಟ ಸಾಧನೆ ಮಾಡುತ್ತಲೇ ದೊಡ್ಡತನ ಪ್ರಾಪ್ತವಾಗುತ್ತದೆ.

ಎಲ್ಲಿ ನೆಮ್ಮದಿ ಇದೆಯೋ ಅಲ್ಲಿ ಬಡವನು ಕೂಡ ಶ್ರಿಮಂತನಾಗಿರುತ್ತಾನೆ.

ಮನೆಯಲ್ಲಿ ಕಣ್ಣಿಗೆ ಕಾಣುವ ಎಷ್ಟೇ ದೀಪಗಳು ಇದ್ರು ದೇವರ ಮುಂದೆ ಇಡೋ ದೀಪಕ್ಕೆ ಬೆಲೆ ಜಾಸ್ತಿ. ಹಾಗೆ, ಇಷ್ಟ ಪಡೋ ಮನಸ್ಸುಗಳು ಎಷ್ಟೇ ಇದ್ದರು ನಾವು ಇಷ್ಟ ಪಡೋ ಒಂದು ಮನಸ್ಸಿಗೆ ಬೆಲೆ ಜಾಸ್ತಿ.

ಯಾವಾಗಲೂ ಬೇಸರವಿಲ್ಲದೇ ಕಾರ್ಯನಿರತನಾಗಿರುವವನು ಯಶಸ್ಸನ್ನು ಸಾಧಿಸುತ್ತಾನೆ.

ಯಶಸ್ಸಿಗಾಗಿ ನಮ್ಮ ನೈಜ ತುಡಿತ ಎಷ್ಟಿದೆ ಎಂದು ಅರಿವಾಗುವುದು ಸೋಲಿನ ಬಳಿಕವೇ.

ಅನ್ಯರಿಗೆ ಗೌರವ ಕೊಡುವ ಗುಣ ನಮ್ಮಲ್ಲಿ ಇದ್ದಾಗ ಮಾತ್ರ ಅನ್ಯರಿಂದ ಗೌರವ ತೆಗೆದುಕೊಳುವುದಕ್ಕೆ ಸಾಧ್ಯ.

ನಿಜವಾದ ಸಂಬಂಧ ಹೃದಯದಿಂದ ಆಗ ಬೇಕೇ ಹೊರತು ಅವಶ್ಯಕತೆಗಳಿಂದಲ್ಲ...

ಕಷ್ಟಗಳು ಬಂದಾಗ ಮಾತ್ರ ನಮಗೆ ಅರ್ಥ ಆಗೋದು, ನಮ್ಮ ಭಾವನೆಗಳನ್ನು ಆಲೋಚನೆಗಳನ್ನು ಹಿಡಿತದಲ್ಲಿ ಇಟ್ಟುಕೊಳ್ಳವುದು ಎಷ್ಟು ಕಷ್ಟ ಅಂತ.

ವ್ಯಕ್ತಿ ಪರಿಸ್ಥಿತಿ ಕೈಗೊಂಬೆಯಾದಾಗ ಅವನಾಗಲಿ ಅವನ ನಿಜವಾದ ವ್ಯಕ್ತಿತ್ವ ಮಾತನಾಡುವುದಿಲ್ಲ. ಅವನು ಎದುರಿಸುತ್ತಿರುವ ಪರಿಸ್ಥಿತಿ - ಸಮಯ - ಸಂದರ್ಭಗಳು ಮಾತನಾಡುತ್ತವೆ.....

ಮೌಲ್ಯ ಇಲ್ಲದ ವ್ಯಕ್ತಿಗಳೊಂದಿಗೆ ವಾದಿಸುವುದು, ಅವರ ಮಾತಿಗೆ ಸ್ಪಂದಿಸುವುದರಿಂದ ನಮ್ಮ ಮೌಲ್ಯವೂ ಕಡಿಮೆಯಾಗುತ್ತದೆ.

ಮನಸ್ಸು ಎಲ್ಲಕ್ಕೂ ಮೂಲ. ಅದನ್ನು ಸರಿಪಡಿಸಿಕೊಳ್ಳದ ಹೊರತು ಇನ್ನಾವುದೂ ಸರಿಯಾಗದು.

ವ್ಯಕ್ತಿಯ ಪರಿಚಯವಾಗುವುದು ಅವರ ಹೆಸರಿನಿಂದ, ಆದರೆ ಅವರ ನೆನಪು ಉಳಿಯುವುದು ಅವರ ವ್ಯಕ್ತಿತ್ವದಿಂದ.

ಮರದ ಬೆಳವಣಿಗೆಗೆ ಬೇರು ಮುಖ್ಯ, ಆದರೆ ಬೇರು ಕಾಣಿಸದು....!!

ಹಾಗೆಯೇ ಸಕಲ ಜೀವರಾಶಿಗಳಿಗೂ ಭಗವಂತನೇ ಮೂಲ...!!   ಆದರೆ ಭಗವಂತನು ಕಾಣಿಸುವುದಿಲ್ಲ....!

ಬದುಕೆಂದರೆ ಅದೊಂದು ಒಮ್ಮುಖ ದಾರಿಯಲ್ಲಿ ಸಾಗಬೇಕಾದ ವಿದ್ಯಮಾನ. ಹಿಂತಿರುಗಿ ನೋಡಬಹುದಾದರೂ ತಿರುಗಿ ಹೋಗಲಾಗದು. ಎಚ್ಚರದಿಂದ ಸಾಗೋಣ.

ಮೃದುವಾದ ವರ್ತನೆ ಯಾವಾಗಲೂ ಬಲವಾದ ಸಂಬಂಧಗಳನ್ನು ಸೃಷ್ಟಿಸುತ್ತದೆ.

ಸಂತೋಷದ ಬದುಕನ್ನು ಅನುಭವಿಸಬೇಕಾದರೆ ಸ್ವಾರ್ಥ ಮತ್ತು ದ್ವೇಷದಿಂದ ಕೂಡಿದ ಮನೋಭಾವವನ್ನು ದೂರ ಇಡಬೇಕು. ಪ್ರೀತಿ-ಸ್ನೇಹಗಳೇ ಮೌಲ್ಯಯುತ ಜೀವನಕ್ಕೆ ಆಧಾರ.

ನಾವು ಹೆಚ್ಚಾಗಿ ಯಾರೊಂದಿಗಿರುತ್ತೇವೊ  ಅಂತಹ ಜನರಿಂದ ನಮ್ಮ ನಡತೆ ಹಾಗೂ ಅಭ್ಯಾಸಗಳು ಪ್ರಭಾವಿತವಾಗಿರುತ್ತವೆ.

ನಮ್ಮ ಯಶಸ್ಸಿನ ಹಿಂದೆ ಅದೆಷ್ಟೋ ಜನರ ಸಹಕಾರ ಹಾರೈಕೆಗಳು ಇರುತ್ತವೆ. ಅವರೆಲ್ಲರನ್ನೂ ನೆನಪಿಸಿಕೊಳ್ಳುತ್ತ, ಗೌರವಿಸುತ್ತ ಹೆಜ್ಜೆ ಹಾಕೋಣ.

ಒಳ್ಳೆಯ ಅಭಿಪ್ರಾಯಗಳು ಎಷ್ಟು ಚೆನ್ನಾಗಿ ಹೊಂದಿಕೊಳ್ಳುತ್ತವೆ ಎನ್ನುವುದಕ್ಕಿಂತ, ಭಿನ್ನಾಭಿಪ್ರಾಯಗಳನ್ನು ನಾವು ಎಷ್ಟು ಚೆನ್ನಾಗಿ ನಿವಾರಿಸಿಕೊಳ್ಳುತ್ತೇವೆ ಎಂಬುದರಲ್ಲಿ ಒಂದು ಒಳ್ಳೆಯ ಸಂಬಂಧಗಳು ಅವಲಂಬಿತವಾಗಿರುತ್ತದೆ.

ಮಹತ್ವಾಕಾಂಕ್ಷೆ ಇಲ್ಲದ ಬುದ್ಧಿವಂತಿಕೆ ರೆಕ್ಕೆ ಇಲ್ಲದ ಹಕ್ಕಿಯಂತೆ.

ದೇಹದ ಮೇಲೆ ಬೀಳುವ ಪೆಟ್ಟಿಗಿಂತ, ನಂಬಿಕೆಯ ಮೇಲೆ ಬೀಳುವ ಪೆಟ್ಟು ಹೆಚ್ಚು ನೋವು ಕೊಡುತ್ತೆ!

ನಾವು ಎಷ್ಟು ವಿದ್ಯೆ ಕಲಿತಿದ್ದೇವೆ ಎನ್ನುವುದಕ್ಕಿಂತ, ನಮ್ಮ ಬಳಿಯಿರುವ ವಿದ್ಯೆ ನಮಗೆ ಎಷ್ಟು ಸಂಸ್ಕಾರ ಕಲಿಸಿದೆ ಎನ್ನುವುದು ಮುಖ್ಯ.

ಆಹಾರದಲ್ಲಿ ಭಕ್ತಿ ಬೆರೆಸಿದರೆ ಪ್ರಸಾದವಾಗುತ್ತದೆ, ನೀರಿನಲ್ಲಿ ಭಕ್ತಿ ಬೆರೆಸಿದರೆ ತೀರ್ಥವಾಗುತ್ತದೆ, ಮಾಡುವ ಕೆಲಸದಲ್ಲಿ ಶ್ರದ್ದೆ ಬೆರೆಸಿದರೆ ಯಶಸ್ಸು ನಮ್ಮದಾಗುತ್ತದೆ.

ಬರೆದ ಅಕ್ಷರಗಳು ತಪ್ಪಾದರೆ ತಿದ್ದ ಬಹುದೇ ವಿನಹ ಬದುಕು ತಪ್ಪಾದರೇ ತಿದ್ದುವುದು ಬಲು ಕಷ್ಟ. ಬದುಕನ್ನು ತಪ್ಪಾಗದಂತೆ ಬರೆದುಕೊಳ್ಳಿ.

ಜೀವನದಲ್ಲಿ ಯಾವುದು ಶಾಶ್ವತವಲ್ಲ ಹೆಚ್ಚು ಒತ್ತಡಕ್ಕೆ ಒಳಗಾಗಬೇಡಿ ಏಕೆಂದರೆ ಪರಿಸ್ಥಿತಿ ಎಷ್ಟೇ ಕೆಟ್ಟದಾಗಿದ್ದರೂ ಅದು ಖಂಡಿತ ಬದಲಾಗುತ್ತದೆ

ಬಂಗಾರ ಇದ್ದ ಮಾತ್ರಕ್ಕೆ ಬದುಕು ಬಂಗಾರವಾಗುವುದಿಲ್ಲ. ಮನಸ್ಸಿಗೆ ನೆಮ್ಮದಿ ಇದ್ದರೆ ಮಾತ್ರ ಬಾಳು ಬಂಗಾರವಾಗುವುದು.

ನಮಗೆ ಎದುರಾದ ಪ್ರತಿ ಕಷ್ಟದ ಹಿಂದೆಯೂ ಒಂದು ಅವಕಾಶ ಇರುತ್ತದೆ. ಅದನ್ನು ಹುಡುಕಬೇಕಷ್ಟೇ.

ಜೀವನ ಎನ್ನುವುದು ಪ್ರೀತಿ ಮತ್ತು ನಂಬಿಕೆ ಮೇಲೆ ನಿಲ್ಲಬೇಕೇ ಹೊರತು ‌.‌‌‌‌‌.....

ಅನಿವಾರ್ಯತೆ, ಅವಶ್ಯಕತೆ ಹಾಗೂ ನಿರೀಕ್ಷೆಗಳ ಮೇಲಲ್ಲ...

ಕಲ್ಪನೆಯ ಸುಖದ ಹಿಂದೆ ಬಿದ್ದು...

ನಿರಾಸೆಯಾಗುವುದಕ್ಕಿಂತ, ವಾಸ್ತವದ ಬದುಕಿನ ಜೊತೆಗೆ...

ಸಾಗುವುದೇ ಒಳಿತು.

ಶ್ರೇಷ್ಠವಾದುದನ್ನು ಸಾಧಿಸುವ ತುಡಿತ ಇರಬೇಕು. ಜೊತೆಗೆ ಸಾಧನೆಯ ಹಾದಿಯಲ್ಲಿ ಎಡವಿದಾಗ ಎದ್ದು ನಿಲ್ಲುವ ಛಲವೂ ಇರಬೇಕು.

ಅನುಮಾನ ತಪ್ಪಾಗಬಹುದು

  ಆದರೆ, ಅನುಭವ ಎಂದಿಗೂ ತಪ್ಪಾಗಲ್ಲ.

ಅನುಮಾನ ಕೇವಲ ನಮ್ಮ ಮನಸ್ಸಿನ ಕಲ್ಪನೆ

ಅನುಭವ ಜೀವನದಲ್ಲಿ ನಾವು ಕಲಿತ ಪಾಠ...

 ಬದುಕಿನ ಅತ್ಯಂತ ಸಂಕಷ್ಟದ ಸಂದರ್ಭಗಳನ್ನು ಎದುರಿಸಿದಾಗಲೇ ನಮಗೆ ಇಷ್ಟೊಂದು ಶಕ್ತಿ ಇದೆ ಎನ್ನುವುದರ ಅರಿವಾಗುತ್ತದೆ.

ಬದುಕಿನ ಅತ್ಯಂತ ಸಂಕಷ್ಟದ ಸಂದರ್ಭಗಳನ್ನು ಎದುರಿಸಿದಾಗಲೇ ನಮಗೆ ಇಷ್ಟೊಂದು ಶಕ್ತಿ ಇದೆ ಎನ್ನುವುದರ ಅರಿವಾಗುತ್ತದೆ.

ನಕಾರಾತ್ಮಕ ಚಿಂತನೆಯು ನಮ್ಮನ್ನು ನಾವು ಅರಿಯದ ಮಟ್ಟಿಗೆ ಹಾಳು ಮಾಡುತ್ತದೆ.

ಸರಿಯಾದ ಸಮಯಕ್ಕೆ ಸರಿಯಾದ ನಿರ್ಣಯ ತೆಗೆದುಕೊಳ್ಳುವುದು ಮನುಷ್ಯನಿಗೆ ಅವಶ್ಯಕವಾಗಿರುತ್ತದೆ. ಸಮಯ ಕಳೆದು ಹೋದ ಮೇಲೆ ನಿರ್ಣಯ ತೆಗೆದುಕೊಂಡರೆ ಪಶ್ಚಾತ್ತಾಪ ಮತ್ತು ಆತ್ಮವಂಚನೆ ಆಗುತ್ತದೆ.

 ಅಭದ್ರತೆಯೇ ಯಶಸ್ವಿನ ಮೆಟ್ಟಿಲು. ಸುರಕ್ಷಿತ ಭಾವನೆಯಲ್ಲಿ ತೇಲುವ ವ್ಯಕ್ತಿ ಎಂದಿಗೂ ಹೊಸ ಸಾಹಸಕ್ಕೆ ಕೈ ಹಾಕುವುದಿಲ್ಲ.

ಒಂದು ಒಳ್ಳೆಯ ಸ್ನೇಹ ಮತ್ತು ಪ್ರೀತಿಗೆ ಬೇಕಾಗಿರುವುದು ಕುಲ, ಗೋತ್ರ, ಅಂದ, ಚಂದವಲ್ಲ.... ಬೇಕಾಗಿರುವುದು ನಂಬಿಕೆ ಮತ್ತು ಪ್ರೀತಿ ತುಂಬಿದ ಮನಸ್ಸು.

ಈ ಪ್ರಪಂಚದಲ್ಲಿ ಯಾರೂ ಪರಿಪೂರ್ಣರಲ್ಲ; ಆದರೆ ಪರಿಪೂರ್ಣತೆಯೆಡೆಗಿನ ನಮ್ಮ ಪ್ರಯತ್ನ ನಿರಂತರವಾಗಿರಬೇಕು.

ನಮ್ಮ ಜೀವನದ ಕೊನೆಯಲ್ಲಿ ಸಾಧನೆಗಳಿಗಿಂತ ಸಂಬಂಧಗಳು ಹೆಚ್ಚು ಮುಖ್ಯವೆಂದು ನಾವು ಕಂಡುಕೊಳ್ಳುತ್ತೇವೆ.

ಓದು ವ್ಯಕ್ತಿಯನ್ನು ರೂಪಿಸುತ್ತದೆ, ಚರ್ಚೆ ಆತನನ್ನು ಸಿದ್ಧಿಗೊಳಿಸುತ್ತದೆ,

ಬರವಣಿಗೆ ಆತನನ್ನು ಪರಿಪೂರ್ಣ ವ್ಯಕ್ತಿಯನ್ನಾಗಿಸುತ್ತದೆ.

ಬಯಕೆಗಳು ಕಡಿಮೆ ಇದ್ದಾಗ ಕಲ್ಲು ಬಂಡೆಯ ಮೇಲೆ ಮಲಗಿದರೂ ಹಿತವಾದ ನಿದ್ರೆ ಬರುತ್ತದೆ. 

ಬಯಕೆಗಳು ಹೆಚ್ಚಾದಾಗ ನಯವಾದ ಹಾಸಿಗೆ ಕೂಡ ಚುಚ್ಚುತ್ತದೆ.

ಕಲ್ಪನೆಯ ಸುಖದ ಹಿಂದೆ ಬಿದ್ದು ನಿರಾಸೆ ಆಗುವುದಕ್ಕಿಂತ, ವಾಸ್ತವದ ಬದುಕಿನ ಜೊತೆಗೆ ಸಾಗುವುದು ಒಳಿತು.

ಶಿಸ್ತಿನ ಮನಸ್ಸುನ್ನು ರೂಢಿಸಿಕೊಂಡರೆ ಅದು ಜೀವನದಲ್ಲಿ ಸಂತೋಷವನ್ನು ಹರಡುತ್ತದೆ.

 ನಾವು ಜೀವನದಲ್ಲಿ ಸಂತೋಷ ಬಯಸುವುದಾದರೆ ನಮ್ಮ ಜೀವನವನ್ನು ಒಂದು ಗುರಿಗೆ ತಳುಕು ಹಾಕಬೇಕು. ವ್ಯಕ್ತಿ ಅಥವಾ ವಸ್ತುವಿಗಲ್ಲ.

ಮನಸ್ಸು ಆಸೆ ಪಟ್ಟಿದ್ದನ್ನೆಲ್ಲಾ ಅನುಭವಿಸುವುದು ಸ್ವಾತಂತ್ರ್ಯವಲ್ಲ. ಆಸೆಯನ್ನು ಹಿಡಿತದಲ್ಲಿಟ್ಟುಕೊಳ್ಳುವುದೇ ನಿಜವಾದ ಸ್ವಾತಂತ್ರ್ಯ.

ಹಠ ಎಂದರೆ ನಮಗೆ ಬೇಕಾದ್ದನ್ನು ಪಡೆದು ಮೆರೆಯುವುದಲ್ಲ. ಎಲ್ಲಿ ನಮಗೆ ಬೆಲೆ ಇಲ್ಲವೋ ಅಲ್ಲಿ ನಮ್ಮ ಬೆಲೆ  ಸೃಷ್ಟಿಸುವುದು. ಅದುವೇ ನಿಜವಾದ ಹಠ.

ನಾವು ಗೆಲ್ಬೇಕು ಅಂದ್ರೆ ಕಷ್ಟಗಳನ್ನು ಸಹಿಸ್ಕೋಬೇಕು,  ಬದುಕ್ಬೇಕು ಅಂದ್ರೆ ಇಷ್ಟಗಳನ್ನ ಬದಲಾಯಿಸ್ಕೊಬೇಕು..

ಕೆಲವರ ಗುಣ ಏನು ಅಂತ ಗೊತ್ತಾದಾಗ ನಮ್ಮಲ್ಲಿ ನಾವೇ ಬದಲಾವಣೆ ಮಾಡಿಕೊಂಡು ಸಂತೋಷದಿಂದ ಇರಬೇಕೇ ಹೊರತು ಅವರನ್ನು ಬದಲಾಯಿಸಲು ಹೋಗಬಾರದು ಸುಮ್ಮನೆ ಸಮಯವೂ ವ್ಯರ್ಥ.

ಹಣದಿಂದ ನೆಮ್ಮದಿ ಹುಡುಕಲು ಹೋಗಬಾರದು. ಪ್ರೀತಿ-ವಿಶ್ವಾಸದಲ್ಲಿ ನೆಮ್ಮದಿ ಹುಡುಕಬೇಕು. ನೆಮ್ಮದಿ ಇಲ್ಲದ ಜೀವನ, ಎಷ್ಟೇ ಹಣವಿದ್ದರೂ ವ್ಯರ್ಥ...

ವ್ಯಕ್ತಿಯ ಪರಿಚಯವಾಗುವುದು ಅವರ ಹೆಸರಿನಿಂದ, ಆದರೆ ಅವರ ನೆನಪು ಉಳಿಯುವುದು ಅವರ ವ್ಯಕ್ತಿತ್ವದಿಂದ.

ನಾವು ಯಾರನ್ನೇ ಕಳೆದುಕೊಂಡರೂ ಬದುಕಬಹುದು. ಆದರೆ ನಮ್ಮನ್ನು ನಾವೇ ಕಳೆದುಕೊಂಡರೆ ಬದುಕುವುದು ಕಷ್ಟ...

ಸಂಬಂಧಗಳು ತಾನಾಗಿಯೇ ದೂರಾಗುವುದಿಲ್ಲ. ಸಂಬಂಧಿಸಿದವರ ವರ್ತನೆ, ಅಹಂಕಾರ ನಿರ್ಲಕ್ಷ್ಯದಿಂದ ದೂರಾಗುತ್ತದೆ.

ಸುಂದರ ಹೂಗಳಿಂದ ಕೂಡಿದ ತೋಟವು ನೋಡಲು ಎಷ್ಟು ಆನಂದದಾಯಕವಾಗಿರುತ್ತದೆಯೋ,

ಹಾಗೆಯೇ ಒಳ್ಳೆಯ ಯೋಚನೆಗಳಿಂದ ಕೂಡಿದ ಮನಸ್ಸು ಸಹ ಅಷ್ಟೇ ಆನಂದದಾಯಕವಾಗಿರುತ್ತದೆ.

ಕಳೆದು ಹೋದ ಮೇಲೆ ಪಶ್ಚಾತಾಪ ಪಡುವ ಬದಲು, ಕಳೆದು ಹೋಗದಂತೆ ನೋಡಿಕೊಳ್ಳುವುದೇ ಬುದ್ಧಿವಂತಿಕೆ.

ಬದುಕು ಇರುವುದು ಬದುಕಿ ತೋರಿಸುವುದಕ್ಕಾಗಿಯೇ ಹೊರತು ಭಯದಲ್ಲಿ ಬಾಡಿ ಹೋಗುವುದಕ್ಕಲ್ಲ..!

ಬದುಕಿನ ಪ್ರತಿ ಹೆಜ್ಜೆಯಲ್ಲೂ ಹೊಸ ಪಾಠಗಳು ಇರುತ್ತವೆ, ಕಲಿಯುವ ಆಸಕ್ತಿ ಬೇಕು.

ಕಲ್ಪನೆಯ ಸುಖದ ಹಿಂದೆ ಬಿದ್ದು ನಿರಾಸೆ ಆಗುವುದಕ್ಕಿಂತ, ವಾಸ್ತವದ ಬದುಕಿನ ಜೊತೆಗೆ ಸಾಗುವುದು ಒಳಿತು.

ಲೋಕೋದ್ಧಾರಕ್ಕಾಗಿ ಕೆಲಸ ಮಾಡುತ್ತಿದ್ದೇನೆ ಎಂದು ಭ್ರಮಿಸದೆ ವ್ಯಕ್ತಿತ್ವದ ಉನ್ನತೀಕರಣ ಮತ್ತು ವೈಯಕ್ತಿಕ ಸಾಧನೆಗೆ ಶ್ರಮಿಸಿದರೆ, ಲೋಕೋದ್ಧಾರ ತಾನಾಗಿಯೇ ಆಗುತ್ತದೆ.

ಅಂದು ಜನರು ದುಡಿಮೆ ನಂಬಿ ಬದುಕುತಿದ್ದರು. ಅದಕ್ಕೆ ಜೀವನ ನೆಮ್ಮದಿಯಿಂದ ಕೂಡಿತ್ತು.

ಇಂದು ಜನರು ದುಡ್ಡು ನಂಬಿ ಬದುಕುತ್ತಿದ್ದಾರೆ, ಅದಕ್ಕೆ ಎಲ್ಲೂ ನೆಮ್ಮದಿ ಸಿಗುತ್ತಿಲ್ಲ...

ಸಂತೋಷ, ನಂಬಿಕೆ ಎನ್ನುವವು ಮಾರಾಟಕ್ಕೆ ದೊರಕುವುದಿಲ್ಲ. ಸಂತೋಷವನ್ನು ಮನುಷ್ಯರ ಬಳಿ ಹಂಚಿಕೊಳ್ಳಬೇಕು. ನಂಬಿಕೆಯನ್ನು ಮನಸ್ಸಿನಿಂದ ಹಂಚಿಕೊಳ್ಳಬೇಕು.

ಹುಟ್ಟುತ್ತಲೇ ನಮಗೆ ಮಿತ್ರರೂ ಇರುವುದಿಲ್ಲ, ಶತ್ರುಗಳೂ ಇರುವುದಿಲ್ಲ. ನಮ್ಮ ವ್ಯಕ್ತಿತ್ವ ಮತ್ತು ವರ್ತನೆಗಳ ಮೂಲಕ ಅವೆಲ್ಲವೂ ಹುಟ್ಟಿಕೊಳ್ಳುತ್ತವೆ.

ನಾವು ತಾಳ್ಮೆಯಿಂದ ಯೋಚಿಸಿ ಯೋಜಿಸಿದ ನಿರ್ಧಾರಗಳೇ, ನಮ್ಮ ಜೀವನಕ್ಕೆ ಮುನ್ನುಡಿ ನೀಡುವ ನಿರ್ಧಾರಗಳು.

ಪ್ರತಿ ಕಷ್ಟವನ್ನೂ ಒಂದು ಸದಾವಕಾಶವನ್ನಾಗಿ ಬದಲಾಯಿಸಿಕೊಳ್ಳಲು ಆಶಾವಾದಿಗಳಿಗೆ ಮಾತ್ರ ಸಾಧ್ಯ.

ಬಿಳುಪಿಗೆ ಮಹತ್ವ ಬಂದಿದ್ದೇ ಕಪ್ಪಿನಿಂದ. ಸುಖಕ್ಕೊಂದು ಅರ್ಥ ಬರುವುದೇ ಕಷ್ಟದಿಂದ. ಕಷ್ಟ ಸುಖಗಳ ಹದವಾದ ಮಿಶ್ರಣದಿಂದಲೇ ಜೀವನಕ್ಕೊಂದು ಸೊಗಸು.

ರಕ್ತದಿಂದ ಬೆಸೆದಿರುವುದಲ್ಲ, ನಂಬಿಕೆಯಿಂದ ಬೆಸೆದಿರುವುದು. 

ನಂಬಿಕೆ ಇದ್ದರೆ ಬೇರೆಯವರು ನಮ್ಮವರಾಗುತ್ತಾರೆ. ನಂಬಿಕೆ ಇಲ್ಲದಿದ್ದರೆ ನಮ್ಮವರೇ ಬೇರೆಯವರಾಗುತ್ತಾರೆ..

ಜೀವನದಲ್ಲಿ ಆಸೆ ಪಡುವುದು ತಪ್ಪಲ್ಲ. ನಮ್ಮ ಯೋಗ್ಯತೆಗೆ ತಕ್ಕಂತೆ ಆಸೆ ಪಡಬೇಕು ಅಷ್ಟೇ.

ಒಬ್ಬರ ಆತ್ಮ ಗೌರವಕ್ಕೆ ಪದೇ ಪದೇ ನೋವುಂಟಾದರೆ ಎಷ್ಟೇ ಮಧುರವಾದ ಸಂಬಂಧವಾದರೂ ಮುರಿದು ಬೀಳುತ್ತದೆ.

ಬಿಳುಪಿಗೆ ಮಹತ್ವ ಬಂದಿದ್ದೇ ಕಪ್ಪಿನಿಂದ. ಸುಖಕ್ಕೊಂದು ಅರ್ಥ ಬರುವುದೇ ಕಷ್ಟದಿಂದ. ಕಷ್ಟ ಸುಖಗಳ ಹದವಾದ ಮಿಶ್ರಣದಿಂದಲೇ ಜೀವನಕ್ಕೊಂದು ಸೊಗಸು.

ಜ್ಞಾನದಿಂದ ಅಧಿಕಾರ ಸಿಗಬಹುದು, ಆದರೆ ಗೌರವ ಸಿಗಬೇಕೆಂದರೆ ವ್ಯಕ್ತಿತ್ವ ಇರಲೇ ಬೇಕು.

ಇವತ್ತು ನಾವು ಏನು ಮಾಡುತ್ತೀವಿ ಎಂಬುದರ ಮೇಲೆ ನಮ್ಮ ನಾಳೆ ನಿರ್ಧರಿತವಾಗುತ್ತದೆ. ಅದಕ್ಕಾಗಿ ನಮ್ಮ ಇವತ್ತಿನ ದಿನವನ್ನು ಸರಿಯಾಗಿ ಬಳಸಿಕೊಳ್ಳಬೇಕು.

ಮಾಡುವ ಕೆಲಸ ಯಾವುದಾದರೇನು ಅದು ನಮಗೆ ಒಂದು ತುತ್ತು ಅನ್ನ ಕೊಡುತ್ತಿದ್ದರೆ ಅದರ ಮೇಲೆ ಗೌರವವಿರಲಿ.

ಆದರ್ಶಗಳು ಯಾವತ್ತೂ ಮಾತಿನಿಂದ ಸೃಷ್ಟಿಯಾಗಬಾರದು, ಬದುಕಿನಿಂದ ಸೃಷ್ಟಿಯಾಗಬೇಕು. ಆಗ ಮಾತ್ರ ಅದಕ್ಕೊಂದು ಬೆಲೆ ಸಿಗುತ್ತೆ.

ಅಹಂಕಾರ ಎಂಬುದು ಒಂದು ಭಯಂಕರ ಮಾನಸಿಕ ಕಾಯಿಲೆ, ಈ ಕಾಯಿಲೆ ಬಂದವನು ಸುಖವಾಗಿರುವುದಿಲ್ಲ ಬೇರೆಯವರನ್ನು ಕೂಡ ಸುಖವಾಗಿರಲು  ಬಿಡುವುದಿಲ್ಲ.

ಕಣ್ಣು ಹೋದ ಕಡೆಯಲ್ಲೆಲ್ಲ ಮನಸ್ಸು ಹೋಗಬಾರದು, ಮನಸ್ಸು ಹೋದ ಕಡೆಯಲ್ಲೆಲ್ಲ ಮನುಷ್ಯ ಹೋಗಬಾರದು.

 ಜೀವನದಲ್ಲಿ ಹಣದ ಕೊರತೆ ಇದ್ದರೂ, ಗುಣದ ಕೊರತೆ ಇರಬಾರದು.

ಏಕೆಂದರೆ ಹಣವನ್ನು ಬೇರೆಯವರಿಂದ ಕೇಳಿಪಡೆಯಬಹುದು, ಆದರೆ ಗುಣವನ್ನು ಕೇಳಿ ಪಡೆಯಲು ಸಾಧ್ಯವಿಲ್ಲ.

ಎಷ್ಟು ಓದಿದ್ದೇನೆ ಯಾವ ಪದವಿ ಪಡೆದಿದ್ದೇನೆ ಎಂಬುದು ಮುಖ್ಯವಲ್ಲ, ನಿಜವಾದ ಶಿಕ್ಷಣ ಅಂದ್ರೆ ಬೇರೆಯವರೊಂದಿಗಿನ ನಮ್ಮ ಮಾತು, ಸಂಸ್ಕಾರ ಮತ್ತು ನಡವಳಿಕೆ, ಇವೆ ನಮ್ಮ ವ್ಯಕ್ತಿತ್ವವನ್ನು ನಿರ್ಧರಿಸುತ್ತದೆ.

ಬಾಳನ್ನು ಹಸನಾಗಿಸಿಕೊಳ್ಳಬೇಕು.

ಪ್ರಹಸನ ವಾಗಿಸಿಕೊಳ್ಳಬಾರದು.

ನಾವು ಎಷ್ಟು ವಿದ್ಯೆ ಕಲಿತಿದ್ದೇವೆ ಎನ್ನುವುದಕ್ಕಿಂತ, ನಮ್ಮ ಬಳಿಯಿರುವ ವಿದ್ಯೆ ನಮಗೆ ಎಷ್ಟು ಸಂಸ್ಕಾರ ಕಲಿಸಿದೆ ಎನ್ನುವುದು ಮುಖ್ಯ.

ಶಿಕ್ಷಣವನ್ನು ಎಲ್ಲಿಂದ ಬೇಕಾದರೂ ಪಡೆಯಬಹುದು ಆದರೆ ಸಂಸ್ಕಾರವು ಯಾವಾಗಲೂ ಮನೆಯಿಂದಲೇ ಸಿಗುವುದು.

ಬದುಕಿನಲ್ಲಿ ಎಲ್ಲವೂ ಮಿತವಾಗಿದ್ದರೆ, ಬದುಕು ಯಾವಾಗಲೂ ಹಿತವಾಗಿರುತ್ತೆ.

ಯಾವುದೆ ಒಬ್ಬ ವ್ಯಕ್ತಿ ಜನರ ಮನಸ್ಸಿಗೆ ತೀರ ಹತ್ತಿರವಾಗೋದು ತನ್ನ ವ್ಯಕ್ತಿತ್ವದಿಂದಲೆ ಹೊರತು ರೂಪದಿಂದಲ್ಲ.

ನಮ್ಮ ಜೀವನದ ಕೊನೆಯಲ್ಲಿ ಸಾಧನೆಗಳಿಗಿಂತ ಸಂಬಂಧಗಳು ಹೆಚ್ಚು ಮುಖ್ಯವೆಂದು ನಾವು ಕಂಡುಕೊಳ್ಳುತ್ತೇವೆ.

ನಾವು ಉತ್ತಮ ವಿಚಾರಧಾರೆಗಳನ್ನು ಅಳವಡಿಸಿಕೊಂಡಾಗ ಕೆಟ್ಟವರಲ್ಲೂ ಒಳ್ಳೆಯ ಗುಣಗಳನ್ನು ಹುಡುಕಬಹುದು.

ನಮ್ಮ ವಿಚಾರಧಾರೆಯೇ ತಪ್ಪಾಗಿದ್ದರೆ ಒಳ್ಳೆಯವರಲ್ಲೂ ಕೆಟ್ಟಗುಣವೇ ನಮಗೆ ಕಂಡುಬರುತ್ತದೆ.

ಬೆಳೆಯುವ ಮಕ್ಕಳನ್ನು ಕಷ್ಟಗಳೇ ನೋಡದಂತೆ ಬೆಳೆಸಬೇಕೆಂಬುವುದು ತಪ್ಪಲ್ಲ, ಆದರೆ ಜೀವನದ ಮೌಲ್ಯಗಳನ್ನು ಹೇಳಿಕೊಡದೇ ಬೆಳೆಸುವುದು ತಪ್ಪಾಗಿರುತ್ತದೆ.

ತುಂಬಾ ಇಷ್ಟ ಪಟ್ಟಾಗ ಸಿಗುವುದು ನೋವು.

ತುಂಬಾ ನೊಂದಾಗ ಸಿಗುವುದು ತಿಳುವಳಿಕೆ.

ತುಂಬಾ ತಿಳುವಳಿಕೆ ಬಂದಾಗ ಸಿಗುವುದು ಅನುಭವ.

ಆ ಅನುಭವವೇ ಜೀವನ.

ತೋರಿಕೆಯ ಜೀವನ ನಡೆಸಬಾರದು. ಅದು ನಮ್ಮ ವ್ಯಕ್ತಿತ್ವವನ್ನು ಕಡಿಮೆ ಮಾಡುತ್ತದೆ...

ತೋರಿಕೆ ಇಲ್ಲದೆ ಬದುಕಿ ತೋರಿಸಿದರೆ ಜಗತ್ತೇ ನಮ್ಮ ವ್ಯಕ್ತಿತ್ವವನ್ನು ಎತ್ತಿ ಹಿಡಿಯುತ್ತದೆ.

ಮನುಷ್ಯ ಎಷ್ಟೇ ಎತ್ತರಕ್ಕೆ ಬೆಳೆದರೂ ಮೂಲ ಸಂಸ್ಕೃತಿ ಮರೆಯದೇ ಆಚರಿಸಿಕೊಂಡು ಬರಬೇಕಾಗಿದೆ.

ಜೀವನದಲ್ಲಿ ಅಂದ ವಾಗಿರುವುದಕ್ಕಿಂತ. ಆನಂದ ವಾಗಿರುವುದು ಅತಿ ಮುಖ್ಯ.

ನಿರೀಕ್ಷೆಗಳ ತೂಕ ಕಡಿಮೆಯಾದಂತೆಲ್ಲಾ ನೆಮ್ಮದಿಯ ತೂಕ ಹೆಚ್ಚಾಗುತ್ತಾ ಹೋಗುತ್ತದೆ.

ನಮ್ಮ ಆಲೋಚನೆಗಳು ಉತ್ತಮವಾಗದ ಹೊರತು ನಮ್ಮ ಬದುಕು ಉತ್ತಮಗೊಳ್ಳಲು ಸಾಧ್ಯವಿಲ್ಲ.

ಒಳ್ಳೆಯ ಅಭಿಪ್ರಾಯಗಳು ಎಷ್ಟು  ಚೆನ್ನಾಗಿ ಹೊಂದಿಕೊಳ್ಳುತ್ತವೆ ಎನ್ನುವುದಕ್ಕಿಂತ, ಭಿನ್ನಾಭಿಪ್ರಾಯಗಳನ್ನು ನಾವು ಎಷ್ಟು ಚೆನ್ನಾಗಿ ನಿವಾರಿಸಿಕೊಳ್ಳುತ್ತೇವೆ ಎಂಬುದರಲ್ಲಿ ಒಂದು ಒಳ್ಳೆಯ ಸಂಬಂಧಗಳು ಅವಲಂಬಿತವಾಗಿರುತ್ತದೆ.

ಮತ್ತೊಬ್ಬರ ಬದುಕಿನಲ್ಲಿ ಒಂದು ಒಳ್ಳೆಯ ನೆನಪಾಗಿ ಉಳಿಯುವುದು ಕೂಡ ಬದುಕಿನ ಶ್ರೇಷ್ಠ ಸಾಧನೆಯಲ್ಲಿ ಒಂದು.

ನಮ್ಮ ಕಾಲವನ್ನು ನಮ್ಮ ಕಾಲೇ ನಿರ್ಧರಿಸುತ್ತವೆ, ಒಳ್ಳೆಯ ದಾರಿಯಲ್ಲಿ ಕಾಲಿಟ್ಟರೆ ಒಳ್ಳೆಯದು, ಕೆಟ್ಟ ದಾರಿಯಲ್ಲಿ ಕಾಲಿಟ್ಟರೆ ಕೆಟ್ಟದ್ದು. ಆಯ್ಕೆ ನಮ್ಮದೇ ಆಗಿರುತ್ತದೆ.

ನಾವು ಒಬ್ಬರ ಮೇಲೆ ಬೇಜಾರು ಆಗಿದೀವಿ ಅಂದರೆ ಅದು ಅವರ ತಪ್ಪಲ್ಲ ನಮ್ಮದೇ ತಪ್ಪು, ಯಾಕೆಂದರೆ ಅಗತ್ಯಕ್ಕಿಂತ ಹೆಚ್ಚಾಗಿ ಅವರ ಮೇಲೆ ಇಟ್ಟಿರುವ ನಂಬಿಕೆ ಮತ್ತು ಭರವಸೆ.

ಯಾವತ್ತೂ ಈಗಿರುವ ಸ್ಥಿತಿ ಶಾಶ್ವತವಲ್ಲ. ಮುಂದಿನ ಕ್ಷಣ ಒಳ್ಳೆಯದಿರಲಿ ಎಂಬ ಆಶಯದೊಂದಿಗೆ ಇಂದಿನ ಕೆಲಸದ ಗುಣಮಟ್ಟಕ್ಕೆ ಆಧ್ಯತೆ ನೀಡೋಣ.

ಆಗಿ ಹೋಗಿರುವುದನ್ನು ಸರಿಪಡಿಸಲು ಪ್ರಯತ್ನಿಸಬಾರದು ಅದು ಅಸಾಧ್ಯ...

ಮುಂದೆ ಮಾಡಬೇಕಾದುದನ್ನು ಸರಿಯಾದ ರೀತಿಯಲ್ಲಿ ಯೋಚಿಸಿ ಮಾಡಿದರೆ ಅದು ಸಾಧ್ಯ.

ಬಡತನ ಶಾಶ್ವತವಲ್ಲ, ಸಿರಿತನ ಶಾಶ್ವತವಲ್ಲ, ನಮ್ಮಲ್ಲಿರುವ ಮಾನವೀಯ ಗುಣಗಳೇ ಶಾಶ್ವತವಾದದ್ದು.

ಇನ್ನೊಬ್ಬರ ಜತೆ ಹೋಲಿಕೆ ಮಾಡಿಕೊಳ್ಳುವುದನ್ನು ನಿಲ್ಲಿಸಿದಾಗ ಮಾತ್ರವೇ ನಮಗೆ ನಮ್ಮತನ ಕಾಣುವುದು.

ನೂತನ ಕ್ಯಾಲೆಂಡರ್ ವರ್ಷದ ಶುಭಾಶಯಗಳನ್ನು ತಿಳಿಸುತ್ತಾ ದೇವರು ನಿಮಗೆಲ್ಲರಿಗೂ ಆರೋಗ್ಯ, ಆಯುಷ್ಯ, ಸುಖ, ಶಾಂತಿ ಮತ್ತು ಸಮೃದ್ಧಿಯನ್ನು ನೀಡಲೆಂದು ಪ್ರಾರ್ಥಿಸುತ್ತೇನೆ.

ಒಳ್ಳೆಯ ಮಾತುಗಾರನಾಗಬೇಕೆಂದರೆ ಮೊದಲು ಒಳ್ಳೆಯ ಕೇಳುಗನಾಗಬೇಕು. ಇನ್ನೊಬ್ಬರ ಮಾತನ್ನು ತಾಳ್ಮೆಯಿಂದ ಕೇಳಿಸಿಕೊಳ್ಳುವ ಗುಣವನ್ನು ಬೆಳೆಸಿಕೊಳ್ಳೋಣ.

ಪರಿಪೂರ್ಣ ಬದುಕಿಗಾಗಿ ಬೇಕಿರುವುದು ಪದವಿಗಳಲ್ಲ. ಪವಿತ್ರವಾದ ಮನಸ್ಸು. ಹೃದಯ ವೈಶಾಲ್ಯತೆ.

ಪ್ರೀತಿ ಹಾಗೂ ಮೋಹ, ಈ ಎರಡರಲ್ಲೂ ತುಂಬಾ ವ್ಯತ್ಯಾಸವಿದೆ. ಪ್ರೀತಿ ನಮ್ಮನ್ನು ಸ್ವತಂತ್ರಗೊಳಿಸಿದರೆ ಮೋಹ ನಮ್ಮನ್ನು ಬಂಧನಕ್ಕೊಳಪಡಿಸುತ್ತದೆ.

ಸುಳ್ಳು ಹೇಳುವುದನ್ನು ಮತ್ತು ನಾಟಕ ಆಡುವುದನ್ನು ಕರಗತ ಮಾಡಿಕೊಂಡಿರುವ ವ್ಯಕ್ತಿಗಳಿಗೆ....!

ಕಳೆದುಕೊಂಡ 'ವಸ್ತು' ಹಾಗೂ 'ವ್ಯಕ್ತಿ' ಗಳ ಬೆಲೆ ತಿಳಿಯುವುದಿಲ್ಲ...!

ಏಕೆಂದರೆ,

ಸಂಬಂಧ ಮತ್ತು ವಸ್ತುಗಳ ಮೇಲೆ ಅವರು ತೋರಿಸುವ  'ಒಲವು'  ಕೂಡ ನಾಟಕವೇ ಆಗಿರುತ್ತದೆ.

ದೇಶದಲ್ಲಿ ರಾಜ,

ಸಮಾಜದಲ್ಲಿ ಗುರು,

ಪರಿವಾರದಲ್ಲಿ ತಂದೆ,

ಮನೆಯಲ್ಲಿ ಸ್ತ್ರೀ,

ಇವರು ಎಂದಿಗೂ ಸಾಧಾರಣ ವ್ಯಕ್ತಿಗಳಲ್ಲ.

ಏಕೆಂದರೆ ಅಭಿವೃದ್ಧಿ ಮತ್ತು ವಿನಾಶ ಇವೆರಡೂ ಇವರ ಕೈಯಲ್ಲೇ ಇರುತ್ತದೆ.

ನಾವು ತಪ್ಪನ್ನು ಮಾಡಬಾರದು ಎಂದು ನಿರ್ಧಾರ ಮಾಡಬೇಕು.

ತಪ್ಪು ಮಾಡಿದರೆ ಅದನ್ನು ಒಪ್ಪಿಕೊಳ್ಳಬೇಕು.

ನಮ್ಮ ತಪ್ಪನ್ನು ಸರಿಪಡಿಸಲು ಪ್ರಯತ್ನಿಸಬೇಕು.

ಅವಾಗ ಮಾತ್ರ ಜೀವನ ಸಂತೋಷವಾಗಿರುತ್ತೆ.

ಸಂಪತ್ತು ಬಂದರೆ ಮನೆ ಬದಲಿಸಿ.....

ಮೊಬೈಲ್ ಬದಲಿಸಿ....

ಬಳಸುತ್ತಿರುವ ಗಾಡಿ ಬೇಕಾದರೆ ಬದಲಿಸಿ....

ಆದರೆ ವ್ಯಕ್ತಿತ್ವವನ್ನಲ್ಲ...

ಉದಾಹರಣೆಗಳನ್ನು ಕೊಡುವುದು ಸುಲಭ. ಒಳ್ಳೆಯ ನಡವಳಿಕೆಗಳನ್ನು ಅಳವಡಿಸಿಕೊಳ್ಳುವ ಮೂಲಕ ನಾವೇ ಇತರರಿಗೆ ಒಂದು ಉತ್ತಮ ಉದಾಹರಣೆಯಾಗಲು ಪ್ರಯತ್ನಿಸೋಣ.

ಮನಸ್ಸು ಸಿರಿವಂತವಾಗಿದ್ದರೆ ನಮ್ಮಲ್ಲಿ ಸಂಪತ್ತು ಇಲ್ಲದಿದ್ದರೂ ನಾವು ಸಿರಿವಂತರೇ.....

ಮನಸ್ಸೇ ಬಡವಾಗಿದ್ದರೆ ನಮ್ಮಲ್ಲಿ ಇದ್ದರೂ ನಾವು ಬಡವರೇ......

ಸಂತೃಪ್ತಿಗಿಂತ ಮಿಗಿಲಾದ ಸಂಪತ್ತಿಲ್ಲ.

ಕಷ್ಟ ಪಡುವುದಕ್ಕೆ ನಾಚಿಕೆ ಪಟ್ಟರೆ, ವಯಸ್ಸಾದ ನಂತರ ಎಲ್ಲರ ಮುಂದೆ ಜೀವನ ಮಾಡುವುದಕ್ಕೆ ನಾಚಿಕೆ ಪಡಬೇಕಾಗುತ್ತದೆ.

ಸಮಯಕ್ಕೆ ಮೌಲ್ಯವಿದೆ.

ಏಕೆಂದರೆ ಅದು ಯಾರಿಗೂ ಕಾಯುವುದಿಲ್ಲ.ಕಾಲಕ್ಕೆ ಸರಿಯಾಗಿ ಕೆಲಸ ಮಾಡದೇ ಹೋದರೆ ಸೋಲುವುದು ನಾವೇ.

ಕಾಲವಲ್ಲ

ಸಂಪತ್ತು ಎಷ್ಟೇ ಇದ್ದರೂ, ಸರಳತೆ ಮಾತ್ರ ಮನುಷ್ಯನಿಗೆ ಒಳ್ಳೆಯ ಗೌರವ ತಂದು ಕೊಡುತ್ತೆ‌. ಏಕೆಂದರೆ ಸಂಪತ್ತಿಗೆ ಬೆಲೆ ಕಟ್ಟ ಬಹುದು. ಆದರೆ ಸರಳತೆಗೆ ಬೆಲೆ ಕಟ್ಟಲಾಗದು...

ಯಶಸ್ಸು ಮತ್ತು ಸಂತೋಷ ನಮ್ಮ ಕೆಲಸಗಳ ಫಲ ಎಂಬುದು ತಿಳಿಯತೊಡಗಿದರೆ, ನಮ್ಮ ಪಯಣ ಸರಿಯಾದ ದಿಕ್ಕಿನಲ್ಲಿದೆ ಅಂತಲೇ ಅರ್ಥ!

ಎಲ್ಲದರಲ್ಲಿಯೂ ತಪ್ಪು ಹುಡುಕುವವರಿಗೆ ಯಾವುದನ್ನೂ ಹೇಗೆ ಆನಂದಿಸಬೇಕೆಂದು ತಿಳಿದಿಲ್ಲ. ಎಲ್ಲವನ್ನೂ ಆನಂದಿಸುವವನಿಗೆ ಯಾವುದರಲ್ಲೂ ತಪ್ಪೇನೂ ತಿಳಿಯದು.

 ಹೂಗಳಿಂದ ತುಂಬಿದ ತೋಟ ಎಷ್ಟು ಸುಂದರವಾಗಿರುತ್ತೋ, ಒಳ್ಳೆಯ ಆಲೋಚನೆಗಳಿಂದ ತುಂಬಿದ ಮನಸ್ಸು ಸಹ ಅಷ್ಟೇ ಸುಂದರವಾಗಿರುತ್ತೆ.

ಬೇರೆಯವರನ್ನು ಮಾದರಿಯಾಗಿಟ್ಟುಕೊಂಡು ಬದುಕಿದರೆ ಸಾಲದು, ನಾವೂ ಇನ್ನೊಬ್ಬರಿಗೆ ಮಾದರಿಯಾಗುವಂತೆ ಬದುಕಬೇಕು.

ಆದರ್ಶಗಳು ಯಾವತ್ತೂ ಮಾತಿನಿಂದ ಸೃಷ್ಟಿಯಾಗಬಾರದು. ಬದುಕಿನಿಂದ ಸೃಷ್ಟಿ ಯಾಗಬೇಕು. ಆಗಮಾತ್ರ ಅದಕ್ಕೊಂದು ಬೆಲೆ ಸಿಗುತ್ತೆ.

ಯಾವುದೇ ಒಬ್ಬ ವ್ಯಕ್ತಿ ಜನರ ಮನಸ್ಸಿಗೆ ತೀರ  ಹತ್ತಿರವಾಗೋದು ತನ್ನ ವ್ಯಕ್ತಿತ್ವದಿಂದಲೆ ಹೊರತು ರೂಪದಿಂದಲ್ಲ.

ಮಾತಿನ ವರ್ತನೆ ಹೇಳುತ್ತದೆ,

ಮನುಷ್ಯ ಹೇಗೆ ಅಂತ.

ವಾದಿಸುವ ವರ್ತನೆ ಹೇಳುತ್ತದೆ,

ಅವನ ಜ್ಞಾನ ಎಷ್ಟು ಅಂತ.

ಅಹಂಕಾರ ಹೇಳುತ್ತದೆ,

ಅವನ ಬಳಿ ಇರುವ ಧನ ಎಷ್ಟು ಅಂತ.

ಸಂಸ್ಕಾರ ಹೇಳುತ್ತದೆ,

ಅವನ ಮನೆತನ ಹೇಗಿದೆ ಅಂತ.

ಮಾತು ಹೊರ ಬೀಳುವ ಮುನ್ನ ಮಿದುಳು ಕೆಲಸ ಮಾಡಿದರೆ ಅನೇಕ ಅವಾಂತರಗಳು ತಪ್ಪುತ್ತವೆ. ವಿವೇಚನೆ ಮಾತಿನ ಜೊತೆಗೇ ಇರಲಿ!

ಕಾಲು ಜಾರುವುದರಿಂದ ಆಗುವ ಅನಾಹುತಕ್ಕಿಂತ ನಾಲಿಗೆ ಜಾರುವುದರಿಂದ ಆಗುವ ಅಪಾಯವೇ ಹೆಚ್ಚು.

ನಮ್ಮ ಬಗ್ಗೆ ನಾವೇ ಹೇಳ್ಕೊಳೋದು ಸಾಧನೆ ಅಲ್ಲ.

ನಾವಿಲ್ಲದಿದ್ದರೂ ನಮ್ಮ ಬಗ್ಗೆ ಒಳ್ಳೆಯ ಮಾತುಗಳನ್ನು ಆಡೋ ಹಾಗೆ ಮಾಡಿಸೋದು ಸಾಧನೆ.

ನಿದ್ದೆ ಎಷ್ಟು ಅದ್ಭುತವೆಂದರೆ ಬಂದರೆ ಎಲ್ಲವನ್ನೂ ಮರೆಸುತ್ತದೆ, ಬಾರದಿದ್ದರೆ ಎಲ್ಲವನ್ನೂ ನೆನಪಿಸುತ್ತದೆ.

ಬಣ್ಣದ ಮಾತುಗಳು ಮುತ್ತುಗಳಾಗುತ್ತವೆ, ಸತ್ಯದ ಮಾತುಗಳು ಮುಳ್ಳುಗಳಾಗುತ್ತವೆ.

 ಮಕ್ಕಳಿಗೆ ವಸ್ತುಗಳನ್ನು ಕೊಡಿಸದಿದ್ದರೆ ಸ್ವಲ್ಪ ಹೊತ್ತು ಅಳುತ್ತಾರೆ, ಆದರೆ ಒಳ್ಳೆಯ ಸಂಸ್ಕಾರ ಕಲಿಸದಿದ್ದರೆ ಜೀವನ ಪರ್ಯಂತ ಅಳುತ್ತಾರೆ.

ಲೋಕದಲ್ಲಿ ಯಾವ ಒಂದು ವಸ್ತುವಿನ ಬೆಲೆಯೇ ಆಗಲಿ ಅವರ ಜನೋಪಯೋಗಿತೆಯನ್ನು ಅವಲಂಬಿಸಿಕೊಂಡಿರುತ್ತದೆ.

ಇತರರಿಗಿಂತ ಚೆನ್ನಾಗಿರುವುದು ನಮ್ಮ ಗುರಿಯಾಗಿರಬಾರದು, ನಾವು ಈಗ ಇರುವುದಕ್ಕಿಂತಲೂ ಚೆನ್ನಾಗಿರಬೇಕೆಂಬುದು ನಮ್ಮ ಗುರಿಯಾಗಿರಬೇಕು.

ಈಗೀಗ ಕೆಲವು ಸಂಬಂಧಗಳು ಮಳೆ ಬಂದಾಗ ನೆನಪಾಗುವ ಕೊಡೆಯ ಹಾಗೆ...!!

ಅಗತ್ಯತೆ ಮುಗಿದಾದ ಮೇಲೆ ಕೊಡೆಯಂತೆಯೇ ಆತ್ಮೀಯ ಸಂಬಂಧಗಳೂ ಮೂಲೆಗೆ ಸೇರುತ್ತವೆ..!!

ನಾವು ವ್ಯರ್ಥವಾಗಿ ಕಳೆಯುವ ಪ್ರತಿಯೊಂದು ನಿಮಿಷವೂ ಭವಿಷ್ಯದಲ್ಲಿ ನಮ್ಮನ್ನು ನಮ್ಮ ಗುರಿಯಿಂದ ದೂರ ಮಾಡುತ್ತದೆ.

ಆತ್ಮ ವಿಶ್ವಾಸ ಒಂದು ಮಹಾ ಆಯುಧ. ಅದು ಎಲ್ಲ ಸಂದರ್ಭದಲ್ಲಿ ಜಯ ತಂದು ಕೊಡದಿರಬಹುದು. ಆದರೆ ಯಾವುದೇ ಸವಾಲನ್ನು ಎದುರಿಸಲು ಧ್ಯೆರ್ಯ ತುಂಬುತ್ತದೆ.

ಸಾಧ್ಯ ಅಥವಾ ಅಸಾಧ್ಯ ಈ ಎರಡರ ನಡುವಿನ ವ್ಯತ್ಯಾಸವು ಒಬ್ಬ ವ್ಯಕ್ತಿಯ ದೃಢ ಸಂಕಲ್ಪವನ್ನು ಆಧರಿಸಿರುತ್ತದೆ‌.

ಆರ್ಥಿಕ ಸ್ಥಿತಿ ಎಷ್ಟೇ ಚೆನ್ನಾಗಿದ್ದರೂ ಕೂಡ, ಜೀವನದ ನಿಜವಾದ ಸಂತೋಷ ಅನುಭವಿಸಲು ಮಾನಸಿಕ ಸ್ಥಿತಿ ಚೆನ್ನಾಗಿರಬೇಕು.

ನಾವು ಮನುಷ್ಯರನ್ನು ಪ್ರೀತಿಸಬೇಕು, ವಸ್ತುಗಳನ್ನು ಬಳಸಬೇಕು; ಇದಕ್ಕೆ ತದ್ವಿರುದ್ಧವಾಗಿ ನಡೆದುಕೊಳ್ಳಬಾರದು.

ಯಾವುದೇ ಪ್ರಯತ್ನದಲ್ಲಿ ವಿಫಲರಾದಾಗ ಮತ್ತೆ ಆರಂಭಿಸಲು ಅಂಜಿಕೆ ಬೇಡ, ಏಕೆಂದರೆ ಈ  ಬಾರಿ ಅನುಭವ ನಿಮ್ಮ ಜತೆಗಿರುತ್ತದೆ.

ಹೋರಾಟವಿಲ್ಲದಿದ್ದರೆ, ಯಾವುದೇ ಪ್ರಗತಿಯಿಲ್ಲ. ಜೀವನವೇ ಒಂದು ಹೋರಾಟ.

ಮನೆ ಎಷ್ಟು ದೊಡ್ಡದು ಇದೆ ಅನ್ನೋದು ಮುಖ್ಯ ಅಲ್ಲ. ಆ ಮನೆಯಲ್ಲಿ ಎಷ್ಟು ಸಂತೋಷವಾಗಿದ್ದೀವಿ ಅನ್ನೋದು ಮುಖ್ಯ...

ನಕಾರಾತ್ಮಕ ಯೋಚನೆಗಳು ಪಂಕ್ಚರ್ ಆದ ಟಯರ್ ನಂತೆ. ಅದನ್ನು ಬದಲಾಯಿಸದಿದ್ದರೆ ತುಂಬ ದೂರ ಹೋಗುವುದು ಸಾಧ್ಯವೇ ಇಲ್ಲ.

ಸಂಬಂಧ ಎಂಬುದು ಅರಿತು ತಿದ್ದುವಂತೆ ಇರಬೇಕೆ ಹೊರೆತು......

ಹರಿದು ತಿನ್ನುವಂತೆ ಇರಬಾರದು...!!!

ನಾವು ಮಾಡುತ್ತಿರುವ ಕೆಲಸ ನಮ್ಮ ಅಂತರಂಗದ  ಆನಂದಕ್ಕೆ ಕಾರಣವಾದರೆ ಸಾಕು. ಬೇರೆಯವರನ್ನು ತೃಪ್ತಿಪಡಿಸುತ್ತಾ ಕೂರುವ ಅಗತ್ಯವಿಲ್ಲ.

ಯಾವಾಗಲೂ ಯೋಚಿಸಿ ಮಾತನಾಡುವುದನ್ನು ಕಲಿಯಬೇಕು. ಏಕೆಂದರೆ ನಾವಾಡಿದ ಮಾತನ್ನು ನಾವು ಮರೆತರು ಕೇಳಿಸಿಕೊಂಡವರು ಯಾವತ್ತೂ ಮರೆಯುವುದಿಲ್ಲ.

ಸಂಬಂಧಗಳನ್ನು ಉಳಿಸಿಕೊಳ್ಳಲು ತ್ಯಾಗದ ಅವಶ್ಯಕತೆ ಇಲ್ಲ. ಬದಲಿಗೆ ತಿಳುವಳಿಕೆಯ ಅವಶ್ಯಕತೆ ಇದೆ.

 ಮನುಷ್ಯನ    'ಒಳ್ಳೆಯತನವು ಇರುವುದು' ಈ ಸಮಾಜದಲ್ಲಿ ತೋರಿಕೆಗಾಗಿ ಬಳಸುವುದಕ್ಕೆ ಅಲ್ಲವೇ ಅಲ್ಲ...!!!

ಒಳ್ಳೆಯತನ ಇರುವುದು ಅವನ ಜೀವನದ ಸುಖ, ಶಾಂತಿ ಮತ್ತು ನೆಮ್ಮದಿಯಿಂದ ಬದುಕಲು ಬಳಸಿಕೊಳ್ಳುವುದಕ್ಕಾಗಿ...!!!

ಬದುಕಿನ ಪುಸ್ತಕ ಎಷ್ಟೇ ಹಳೆಯದಾದರೂ ನೆನಪಿನ ಪುಟಗಳು ಇನ್ನೂ ಹೊಸದಾಗಿಯೇ ಇರುತ್ತವೆ.

ನಂಬಿಕೆ ಇಲ್ಲದ ಕಡೆ ನಾವು ಏನೇ ಹೇಳಿದರೂ ಸುಳ್ಳಿನಂತೆ ಕಾಣುತ್ತದೆ.

' yes  r  No ' ಇದು ಎರಡು ಸಣ್ಣ ಸಣ್ಣ ಪದ ಆದರೂ ಇದರಲ್ಲಿ ನಾವು ಆಯ್ಕೆ ಮಾಡುವುದರಲ್ಲಿ ಸ್ವಲ್ಪ ಎಡವಿದರೂ ಜೀವನದ ದಿಕ್ಕೆ ಬದಲಾಗಿಬಿಡುತ್ತದೆ...!!

ಕೆಟ್ಟ ವಿಚಾರಗಳು ಆಳವಾದಷ್ಟು ನೆಮ್ಮದಿಯ ಸರಪಳಿ ಕಿತ್ತು ಬೀಳುತ್ತದೆ... 

ಹಣಕ್ಕೆ ಮರ್ಯಾದೆ ಕೊಡಬೇಕು ನಿಜ, ಆದರೆ, ಹಣಕ್ಕಾಗಿ ಮರ್ಯಾದೆ ಬಿಡಬಾರದು.

ಭಾವ ನೋಡಿ ಸ್ಪಂದಿಸಬೇಡಿ ಭಾವನೆ ಅರಿತು ಸ್ಪಂದಿಸಿ,

ಭಾವ  ಮೋಸಮಾಡಿದರು ಭಾವನೆ ಮೋಸಮಾಡದು,

ಬಾವಕ್ಕಿಂತ ಭಾವನೆಗೆ ಬೆಲೆಕೊಡುವವನೆ ನಿಜವಾದ ಮನುಜ.

ನಾವು ಆರೋಗ್ಯವಂತರಾಗಿ ಚೆನ್ನಾಗಿ ಇರಬೇಕೆಂದರೆ, ಅದರ ಮೊದಲ ಹೆಜ್ಜೆ ನಮ್ಮ ಜೀವವ್ಯವಸ್ಥೆಯಲ್ಲಿ ಏನಾಗುತ್ತಿದೆ ಎಂಬುದಕ್ಕೆ ಗಮನ ನೀಡುವುದು.

ಒಳ್ಳೆಯ ನಡತೆಯಿಂದ ನಮಗೆ ಯಾವುದೇ ಆರ್ಥಿಕ ಲಾಭ ಸಿಗದೇ ಇರಬಹುದು...!!

ಆದರೆ ಅಂತಹಾ ಗುಣಕ್ಕೆ ಸಾವಿರಾರು ಮನಸ್ಸುಗಳನ್ನು ಗೆಲ್ಲುವ ಶಕ್ತಿಯಿರುತ್ತದೆ....!!

ಲಾಭ-ನಷ್ಟವನ್ನು ಯಾವತ್ತೂ ಹಣದಲ್ಲೇ ಆಳೆಯಬಾರದು...!!

 ಸಂಸ್ಕಾರವೆಂಬುದು.....

ನಾಲ್ಕಕ್ಷರ ಕಲಿತ ಮಾತ್ರಕ್ಕೆ ಬರುವಂಥದ್ದಲ್ಲ; ಒಳ್ಳೆಯ ವ್ಯಕ್ತಿತ್ವ ಮತ್ತು ಅನುಭವ ಹೊಂದಿರುವ ವ್ಯಕ್ತಿಗಳ ಒಡನಾಟದಿಂದ ಮಾತ್ರ ಸಾಧ್ಯ.

ವ್ಯಕ್ತಿಯ ವ್ಯಕ್ತಿತ್ವ ಗಡಿಯಾರದಲ್ಲಿರುವ ನಂಬರ್ ಆಗಬೇಕೆ ವಿನಃ,,

ಕಾಲಕ್ಕೆ ತಕ್ಕಂತೆ ಬದಲಾಗುವ ಮುಳ್ಳುಗಬಾರದು...

ಒಳ್ಳೆಯ ಸ್ವಭಾವ ಹೊಂದಿರುವ ವ್ಯಕ್ತಿ ಗಣಿತದಲ್ಲಿರುವ ಶೂನ್ಯದಂತೆ..... ಅವರು ಯಾರ ಬಳಿ ಇರುತ್ತಾರೋ ಅವರ ಬೆಲೆ ಹೆಚ್ಚುತ್ತಾ ಹೋಗುತ್ತದೆ..... 

ಜೀವನದಲ್ಲಿ ಯಾವುದಕ್ಕೂ ಪಶ್ಚಾತ್ತಾಪ ಪಡಬಾರದು, ಒಳ್ಳೆಯದಾದರೆ ಅದ್ಭುತ ಎಂದು ಭಾವಿಸಬೇಕು, ಕೆಟ್ಟದಾದರೆ ಅದೊಂದು ಅನುಭವ ಎಂದು ಪರಿಗಣಿಸಬೇಕು.

ನೀರಿನಲ್ಲಿ ನಿಂತರೂ ನಮಗೆ ಕುಡಿಯಲು ನಿರ್ಮಲವಾದ ನೀರು ಬೇಕು.......!!

ಜನಸಾಗರದ ನಡುವೆ ಇದ್ದರೂ ನಮಗೆ ಜ್ಞಾನವನ್ನು ಸಂಪಾದಿಸಲು ಸಜ್ಜನ ಸಂಗವೇ ಬೇಕು...!!