Hezkuntza informala: Liburutegia

Herriko liburutegia kultur etxean kokatuta dago, plaza barrenean, herriko erdigunean. 

1978. urtean jaio zen, herritik eta herriarentzat, bolondres taldetxo baten lanari esker, eta udaletxean kokatu zen. 1987 urtean kultur-etxearen irekitzearekin hartu zuen egun duen kokalekua.

Liburutegiaren misioa norbanako orori kulturara, hezkuntzara eta informaziora sarbide librea bermatzea da, hau da, komunitateko erreferentziazko erakunde izatea irakurketaren, etengabeko prestakuntzaren, ezagutza trukearen eta sormenaren balioa sustatzeko. 

Ondoko balore hauek lantzen eta sustatzen ditu liburutegiak: 

• Herritarrenganako gertutasuna, irisgarritasuna, hurbiltasuna eta gardentasuna

• Lankidetza: liburutegi artekoa eta herri barnekoa

• Berrikuntza, bilakaera eta egokitzapena, komunitatearen beharretara eta gizartearen ezaugarrietara

• Komunitate osoarentzako kalitatezkoa, aktiboa, eskuragarria, elkarreragilea eta inklusiboa den zerbitzua eskaintzea. 

Ondoko egitasmo hauek bideratzen ditu, edo parte hartzen du, liburutegiak: 

• Ipuinen ordua, Gu ere kontalari, Azalerako ipuinak

• Publiko desberdinentzako ipuin kontaketak profesionalekin

• Kontalaritza tailerrak

• Gai desberdinen buruzko hitzaldi eta tailerrak

• Liburu aurkezpenak, eta idazleekin topaketak

• Hitzez-pitz euskarazko irakurketa taldea

• Sormen eta adierazpen artistikoa sustatuz: Artista liburuak eskulan tailer familiarrak eta erakusketa/zozketa, marrazki edota irakurpuntu lehiaketa, Liburu bat Opari dinamika… 

• Eskolarekin elkarlanean: HH4-LH6 bisita gidatuak, liburuzain laguntzaile arratsalde batez dinamika, motxila ibiltaria.

• BibioBero eta BiblioHotz dinamikak

• Giza Biblioteka

• Astrotopaketak

• Interesguneak eta gai desberdinei buruzko irakurketa gomendioak. Biblioporrak eta Neguko gida eskualdeko liburutegiekin elkarlanean

• Elgetan Berbetan egitasmoaren koordinazioa eta dinamizazioa

• Heziketa digitala, Altxa Burua Elgeta eta Herri Hezitzailea dinamiketako parte aktiboa