Chhinga Veng Pastor Bial Masihi Sangati Chanchin

Masihi Sangati kan tih hi tun hma chuan Non-Mizo Christian Fellowship tih a ni ṭhin a. Tunah chuan Masihi Sangati tih a lo ni ta a ni. June ni 24, 2006 (Inrinni) zing dar 06:30, Bial Standing Committee vawi 10-na, Thurel 1-na chuan Bial Non-Mizo Christian Committee din chungchang a ngaihtuah a, ngun taka kan ngaihtuaha kan sawi ho hnuin Bial Non-Mizo Christian Committee (NMCC) hi din ngei ni se tiin a rel a, a hnuaia mite hi hruaitu atan ruat nghal an ni.

Chairman: Revd R. Lalengkima,
Chhinga Vengthlang

V. Chairman: Upa F. Lalmama,
Chhinga Veng

Secretary: Pu J. Lalkima Hmar,
Chhinga Vengthlang

Asst. Secretary: Pu H. Zahnuna,
Chhinga Veng East

Treasurer: Upa Vanlalsiama,
Tuithiang

Fin. Secretary: T. Upa Dr. Vansanglura,
Chhinga Veng

Heng Office Bearers-te hian Committee member turte chu an ruat a ni.

Bial Non-Mizo Christian Fellowship Committee Term:

Bial Non-Mizo Christian Fellowship Committee term hi Calender Year (January-December) nge Bial Inkhawmpui aṭanga Bial Inkhawmpui (April-March) kan hman ang tih kan sawi ho va. Ngun taka kan sawi ho hnuin Synod-in Non-Mizo Christian Fellowship kaihhruaina a siam Bung 2 (4)-na anga Bial Inkhawmpui leh Bial Inkhawmpui inkar chhung hman ni se kan ti (Ni 4.2.2006, Bial Standing Committee). Kum 2009 aṭangin Non-Mizo Christian Fellowship tih chu Masihi Sangati tiin thlak a lo ni ta a, heta ṭang hi chuan Non-Mizo Christian Fellowship tih hi chu kan hmang zui ta lo a ni.