Chhinga Veng Pastor Bial Kohhran Hmeichhe Chanchin

Kum 2005 Mizoram Synod Inkhawmpui Vawi 82-na ‘Rorel, Pastoral-9 (C) chuan Chhinga Veng Pastor Bial hawng turin a rel a. Dawrpui Pastor Bial leh Armed Veng Pastor Bial aṭanga Chhinga Veng Pastor Bial a lo din dawn tak avangin Bial pahnih Standing Committee chuan December ni 31, 2005 khan Adhoc-in hruaitu a ruat a. Hei hi Chhinga Veng Pastor Bial Kohhran Hmeichhe Inkhawmpui hmasa ber March ni 4&5, 2006-ah rin nghal a ni.

Chairman: Pi Lalbiaknii,
Chhinga Veng

Vice Chairman: Pi Thanpari,
Tuithiang

Secretary: Pi Lalremruati,
Chhinga Veng

Asst. Secretary: Pi B. Vanmawii,
Chhinga Veng East

Treasurer: Pi Lalrinawmi,
Chhinga Vengthlang

Fin. Secretary: Pi Lalrampari,
Chhinga Veng East

Bial Hmeichhe Committee hmasa berah chuan Committee member 16 an awm a, Ex-Officio member 3 an awm bawk a, Committee vawi 3 an nei bawk. Bial Kohhran Hmeichhe Inkhawmpui hmasa ber chuan Missionary pahnih chawm te, Pastor Quarters-a hman tur Steel Almirah lei te an pass a, an tihlawhtling thei vek bawk. Bial Hmeichhe Inkhawmpui hmasa bera report-ah chuan ni tin chhung inkhawm nei thei chu 73.34% an ni bawk. Bial Hmeichhe Inkhawmpui hmasa ber chu Tuithiang Kohhranah March ni 4&5, 2006 khan neih a ni a, Thupui atan 'Kristian Chhungkua' tih chu thlan a ni a, Speaker chu Rev. Lalbiakvulmawia, Bialtu Pastor a ni.