Chhinga Veng Pastor Bial Kohhran Pavalai Pawl Chanchin

Chhinga Veng Pastor Bial Inkhawmpui vawi 10-na Rorel General No.2-naah chuan Bial Kohhran Pavalai Pawl din ve ni rawh se tih thu Tuithiang Kohhran aṭangin a lo lut a, Bial Inkhawmpui chuan ngun takin a ngaihtuah a, “Bial Kohhran Pavalai Pawl din ṭha kan ti a, Bial Standing Committee-in lo bawh zui se,” tiin rel a ni ta a, May ni 30, 2015 (Inrinni) Zing dar 06:45 Bial Standing Committee Vawi 105-na, Thurel 2-na chuan Bial Inkhawmpuiin a lo rel tawh Bial Kohhran Pavalai Pawl din chungchang chu bawh zui a ni a, Ngun taka sawi ho a nih hnuin Bial Kohhran Pavalai Pawl dinin, a hnuaia mite hi hruaitu atan ruat an ni ta a ni.

Chairman: Upa Vanlalsiama,
Bial Chairman

Vice Chairman: Upa Ngurthansanga,
Chhinga Vengthlang

Secretary: Upa H. Zothansanga,
Chhinga Veng

Asst.Secretary: Upa C. Zothansanga,
Chhinga Veng East.

Treasurer: Upa Sangkhuma,
Chhinga Vengthlang

Fin.Secretary: Upa Vanlalhrila,
Tuithiang

Ex-Officio:

1. Rev. K. Lalthangmawia

2. Pro. Pastor P. Laltlanhlua

3. Upa Lalparliana, Bial Secretary

Committee Members:

1. Pu Lalsangliana Hnamte, Chhinga Veng

2. Pu F. Vanlalfela, Chhinga Veng

3. T. Upa Lalthianghlima, Tuithiang

4. Pu Lalkrosṭana, Tuithiang

5. Pu B. Lalrinthanga, Chhinga Vengthlang

6. Pu B. Lalhriatpuia, Chhinga Vengthlang

7. Pu T. Lalhmingliana, Chhinga Veng East

8. Pu Lalkrosmawia, Chhinga Veng East

Kum 2015 Synod Inkhawmpuiin Chhinga Veng Pastor Bial aṭangin Tuithiang Veng Kohhran chu Bethlehem Pastor Biala awm tura a rel tak avangin kum 2016 aṭang chuan Bethlehem Bialah an bet ta a, Tuithiang Kohhran an awm dawn tak loh avangin January ni 30, 2016, Zing dar 06:45, Bial Standing Committee Vawi 111-na Thurel 3-na chuan hetiang hian Bial KPP OB chu a siam rem ta a ni. “Bial Kohhran Pavalai OB ni laiah Tuithiang Kohhrana mi Pu Vanlalhrila aiah T. Upa Laldinmawia hi Fin. Secretary-ah kan ruat a ni. Chairman hi chu Bial chairman nihnaa inthlak fel nghala ngaih a ni.” tiin rel a ni.

Committee Member pakhat ṭheuh ruat belh ni se kan ti a, hetiangin:

1) Pu C. Zohmingthanga, Chhinga Veng

2) Pu T. Lalhmachhuana, Chhinga Vengthlang

3) Pu H. Hmingthangluaia, Chhinga Veng East

Committee Member-te chu Office Bearers te hian lo ruat rawh se kan ti.

Bial Kohhran Pavalai Office Bearers Chungchang:

April ni 28, 2018 (Inrinni) Zing Dar 06:45, Bial Standing Committee vawi 132-na Thurel 5-naah chuan hetiang hian Bial Kohhran Pavalai Pawl Office Bearers chungchang ngaihtuah a ni a. “Kum 2018-2019 chhunga Bial Kohhran Pavalai Pawl Office Bearer chungchang kan sawi ho va. SEC 212-na thurel angin Bial Kohhran Pavalai Pawl hruaitu ruat dan tur kan thlir ho va, chumi zûl zui chuan Bial Kohhran Pavalai Pawl hruaitu hluite hian Bial Chairman hruainain a hma lama Bial Meet neih dan tur leh Office Bearer-te (Chairman- Bial Chairman ruatsa) bak chu anmahniin inthlang ve tawh se kan ti,” tia rel a ni a, Kum 2018-2019 aṭang hi chuan Chairman tel lovin OB dang zawngte chu Bial KPP Meet-ah thlan an lo ni ta a ni.

Kohhran Pavalai Pawl Chairman Chungchang:

Bial Standing Committee Vawi 147-na, Thurel V-naah Bial Kohhran Pavalai Chairman chungchang ngaihtuah leh a ni a, (Ni 30.11.2023). Bial Kohhran Pavalai Pawl kalphungah Bial Chairman hi Bial KPP Chairman an ni nghal ṭhin a. Bial KPP Chairman hi ruatsak lo va, inthlantir ve mai a ṭha em tih kan sawi ho va, ngun taka kan sawi ho hnuin kan kal dan pangngai hi a ṭha e kan ti. February ni 19, 2022, Inrinni zing dar 07:00, Bial Standing Committee vawi 160, Thurel 6-naah Bial Kohhran Pavalai Pawl Chairman chungchang ngaihtuah leh a ni a. “Bial Kohhran Pavalai Pawl intawh khawm leh Bial Inkhawmpui hun inkarah Bial Kohhran Pavalai Pawl Chairman chungchangah hun khaihlak lai deuh a awm ṭhin avangin engtia kalpui tur nge ni ang tih kan ngaihtuah a. Ngun taka kan sawi ho hnuah Bial Chairman Elect apiang hi Bial Kohhran Pavalai Pawl Chairman ni ṭhin tawh se kan ti. Bial Kohhran Pavalai Pawl intawh khawm aṭangin mawhphurhna an la nghal ang,” tia rel a ni leh ta a ni.

Bial Inkhawmpui vawi 18-na, General 7-na chuan, “Bial Chairman/ Chairman Elect hi Bial Kohhran Pavalai Pawl Chairman ni tawh lovin, Bial Kohhran Pavalai Pawl hian anmahni Chairman tur hi thlang ve tawh rawh se,” tih thu Chhinga Veng East Kohhran aṭanga lo lut chu pass a ni a, kum 2024 aṭang chuan Bial Kohhran Pavalai Pawl Chairman chu Bial Chairman a ni tawh ngai lo a ni.