Kristian Ṭhalai Pawl, Chhinga Veng Pastor Bial Chanchin

Kum 2005 Mizoram Synod Inkhawmpui Vawi 81-na Rorel, Pastoral-9 (C) chuan Chhinga Veng Pastor Bial hawng turin a rel a. Synod Inkhawmpui thu chu bawh zui nghalin Dawrpui Pastor Bial leh Armed Veng Pastor Bial Puipate ve ve leh Bial pahniha KṬP Office Bearers ve vete chuan December ni 31, 2005 khan Joint Committee neiin chhun dar 11:00 khan Bial KṬP hruaitu tur an ruat a. Committee member atan mahni awmna biala Committee member ni laite ṭheuh ruat an ni.

Bial KṬP OB hmasa berte

Leader: Pu Lalengzauva,
Chhinga Veng East

Asst. Leader: Pu Benjamin Lalṭanpuia Sailo,
Tuithiang

Secretary: Pu Zarzokima,
Chhinga Veng

Asst. Secretary: T. Upa H. Zothansanga,
Chhinga Veng

Treasurer: Pu K. Lalfakawma,
Chhinga Vengthlang

Fin. Secretary: Pu C. Zothansanga,
Chhinga Veng East

Committee Member zat hi 16 an ni a, Ex-Officio member pathum an awm a ni. February ni 17-19, 2006 chhung khan Chhinga Veng Pastor Bial KṬP Conference hmasa ber chu Chhinga Veng Kohhran Biak Inah neih a ni a. Kum 2006-2007 chhunga Bial KṬP hruaitu turte thlan a ni a. Rev. Lalbiakvulmawia, Bialtu Pastor chu Speaker atan hman a ni a, thupui atan ‘Thih thlenga rinawm’ tih chu hman a ni bawk.

Conference hmasa ber rorel tlangpui:

1. Bial KṬP Half Yearly Meet, Sports leh Krismas Carol Service kum tina neih ṭhin.

2. Bial chhung Branch hrang hrangte intlawh tawn.

3. Bial KṬP Office Bearers leh Bial Zaipawlin Branch-te tlawh chhuah.

4. Bial KṬP hminga chanchinbu tihchhuah.

5. Bial KṬP hminga Missionary pahnih chawm.

6. Bial chhunga member Biak In hawnga inneite chawimawina pek.

7. Kum 2006 Bial KṬP Budget atan ₹ 86,000/- pawm a ni bawk.