Панкевіч Ігнат Ігнатавіч, паэт, аўтар верша “Песня пра Мінск”. Песня кампазітара Уладзіміра Алоўнікава на словы Ігната Панкевіча ў 2001 годзе стала гімнам горада Мінска.

 Ігнат Панкевіч нарадзіўся 20 сакавіка 1920 года ў вёсцы Навасёлкі Бачэйкаўскага сельсавета Бешанковіцкага раёна.

 Да вайны скончыў школу і ўлетку 1939 года паступіў у Віцебскі педагагічны інстытут імя С.М. М. Кірава, але атрымаць вышэйшую адукацыю не паспеў, бо ўжо восенню быў прызваны на тэрміновую ваенную службу. А затым грымнула Вялікая Айчынная вайна…

 З моманту прызыву аж да сакавіка 1945 гады ён стаяў са сваім палком на берагах Амура ў складзе 2–й Чырванасцяжнай арміі Далёкаўсходняга фронту. Пагроза нападу Японіі на СССР заставалася высокай, і ўсходнія межы ахоўваліся вельмі сур'ёзна. Але ўсё ж крывавых баявых дзеянняў у Благавешчанску, дзе базаваўся полк, не вялося. Гэта і выратавала Панкевічу жыццё. Ён неаднаразова пісаў рапарты з просьбай адправіць у дзеючае войска. Аднак кіраўніцтва Далёкаўсходняга фронту пакінула гэтыя прашэнні без увагі.

 У сакавіку 1945 г. Ігнат Ігнатовіч стаў курсантам Саратаўскага ваенна-палітычнага вучылішча. Дэмабілізаваўся і вярнуўся ў Бешанковічы толькі ў канцы 1946 года інструктарам райкама КПБ. Завочна скончыў факультэт рускай мовы і літаратуры ў Мінскім педагагічным інстытуце імя Горкага.

 У асабістых паперах Ігната Панкевіча захавалася яго аўтабіяграфія, якую ён напісаў у якасці прадмовы для зборніка вершаў, які рыхтаваўся да выдання ў пачатку 1960 г.г.: «Стихи писать начал еще в школьные годы. Однако более плодотворная работа началась после 1950 года. В этом году впервые было опубликовано стихотворение «Проклятым поджигателям войны» в республиканской газете «Советская Белоруссия». В последующие годы печатался в газетах: «Советская Белоруссия», «Знамя юности», «Во славу Родины», «Железнодорожник Белоруссии» и др. Некоторые стихи белорусскими композиторами положены на музыку и стали песнями. Это — «Песня о Минске» (музыка В.Оловникова), романс «Приходи ко мне» (музыка Г.Пукста), «На субботней волне», «Весенняя песня», «Песня о вечном огне», «Приходи, любимый», «Вижу я средь вас героев», «Человек по городу идет», «Счастливый путь», «Здравствуй, лето!» и др. (музыка М.Носко)».

  Нажаль Ігнат Ігнатавіч  не дажыў да моманту,  калі  "Песню  пра Мінск"  зацвердзілі  гімнам горада.  Паэта  не стала ў 1994 годзе, праз тры тыдні пасля публікацыі  ў  "Савецкай Беларусіі" яго  адзінага інтэрв'ю  (пра сябе І.І.Панкевіч расказваў Р.Арлову  будучы суседзямі па бальнічнай палаце).

• Вячэслін, А. Аўтар гімна Мінска — з Бешанковіччыны / А. Вячэслін // Зара (Бешанковічы). —  2020. — 24 студз. — С. 5.

•  Пушнякова, А. Автор гимна Минска — уроженец Витебщины / Алеся Пушнякова // Витебские вести. —  2020. — 15 февр. — С. 16.

• Брилон, О. Неизвестный автор минского гимна Игнат Панкевич / О. Брилон // СБ Беларусь сегодня. –  URL: https://www.sb.by/articles/rifmy-sudby.html – Дата публ.: 29.07.2017.

• Фёдорова, Е. Уроженец Витебщины стал автором гимна белорусской столицы / Е. Фёдорова // Витебские вести. – URL: https://vitvesti.by/index.php/kultura/urozhenetc-vitebshchiny-stal-avtorom-gimna-belorusskoi-stolitcy.html – Дата публ.: 17.02.2020.

• 105 лет со дня рождения автора гимна Минска И. И. Панкевича // Зара. – URL: https://www.gztzara.by/2025/03/105-let-so-dnya-rozhdeniya-avtora-gimna-minska-i-i-pankevicha/  – Дата публ.: 17.03.2025.