1. Ariketa (Beroketa)

Gelakide guztiak borobil batean jarri gara, eta egunero bezala beroketa egin dugu.

2. Ariketa (Gimnasiotik ibili)

Ariketa honetan klasekide guztiak gimnasiotik ibiltzen hasi ginen lurrera begiratu gabe, eta gimnasioko hutsune guztiak betetzen saiatu behar ginen. Irakasleak konsigna batzuk eman zizkigun ibiltzen joaten ginen bitartean, adibidez; stop! esaten zuenean bakoitzak bere gorputzaren posizioa nola zegoen pentsatu behar zuen.

Jarraitzeko, gimnasiotik ibiltzen jarraitu ginen eta irakasleak hainbat gauza esaten zituen:

• Eiderrek zenbakiak esaten zituen 0tik (abiadura txikitik) 10era (abiadura azkarrerarte), eta zenbakiaren arabera, modu batean edo bestean ibili behar ginen.
• Hurrengoan mugimendu desberdinak egin behar genituen gorantz eta beherantz.
• Oraingoan, aurreko zenbakiak erabiliz, irakasleak esaten zuen zenbakiaren kontrakoa egin behar genuen; hau da, 1 esaten bazuen, oso azkar joan behar ginen, eta 9 esaten bazuen, oso motel joan behar ginen.
• Irakasleak gauza batzuk irudikatzeko esan zuen, esate baterako, izar bat. Taldekide guztiak 3 taldetan banandu ginen, eta talde bakoitzak izar bat irudikatu zuen.

3. Ariketa (Puxikekin jolastu)

Klaseko pertsona bakoitzak puxika bat hartu zuen, eta hainbat ariketa egin genituen.

• Puxika airean mantendu behar genuen gorputzaren atal ezberdinekin.
• Lehenik eta behin, puxika airean mantendu behar genuen gure gorputzak mugitu gabe, eta geroago, gauza bera egin behar genuen, baina gure gorputzak espaziotik mugituz.
• Irakasleak bikoteka jarri behar ginela esaten zuenean, bikote bat bilatu behar genuen.
• Oraingoan, pertsona bakoitzak puxika bat hartu behar genuen, eta lurrean etzanda jarri behar ginen. Etzanda egonda, begiak itxi genituen eta barne gogoeta bat egin genuen irakaslearen laguntzarekin. Irakasleak laguntzeko asmoz, hainbat galdera esan zituen eta bakoitzak bere barnean galdera horiei erantzun behar zuen:

-Non dago gure gorputza?

-Zein motatako pentsamenduak sartu dira?

-Bihotzetako taupaden abiadura aldatu da?

-Arnasa nola/non dago?

-Nola sentitzen gara?

-Kostatzen zaigu isiltasuna mantentzea?

-Nola dago orain gorputzaren tenperatura?

Hau egin ostean, irakasleak sentitu genuena haurtzaroaren bizipen batekin lotzea eskatu zigun. Batzuek soinu batzuk egin zituzten, eta besteak identifikatzen ziren soinuarekin elkartu behar ziren begiak itxita mantenduz. Azkenik, soinuen arabera taldeka bildu ginen, eta kide baten istorioa aukeratu behar izan genuen geroago antzezpen bat egiteko.