Masyado na tayong dumepende sa karunungang gawad ng Artificial Intelligence (AI) lalo na sa edukasyon. Ultimo baybay at mga bantas ay sa internet na iniaasa. Hindi naman maitatanggi ang tulong ng AI pati na rin ang peligrong hatid nito ngunit nararapat bang itapon dito ang sisi o tayo ang naging iresponsable?

Ayon sa pananaliksik, Jonas, 2008 ang artificial Intelligence o mas kilala sa AI ay ang anyo ng makabagong gamit na tumutulong sa mga gawaing kinakailangan ng kaalaman at kakayahan katulad ng sa tao. Sa pagkakayari ng kagamitang ito ay umusbong rin ng mabilis ang industriya ng teknolohiya na tumutulong sa pagbuo ng ekonomiya sa mundo higit na sa Pilipinas. Kasalukuyan nitong naapektuhan ang edukasyon sa bansa. 

Malaking ambag sa takdang-aralin ang AI lalo na ang sikat na sikat na ChatGpT, dito mas mabilis makakuha ng mga sagot, ilagay lamang ang katanungan at nagkakaroon na ng sagot. Bvunsod nito ay ang pagbagal naman ng development ng mga mag-aaral sa komprehensibong pag-aaral.