النَّكِرَةُ : ކަނޑައެޅިގެން ކޮންއެއްޗެއްކަމެއް ނޭނގޭ އެއްޗެއް (ޢައްޔަނު ނުވާ ނަން).

މިސާލު: بيتٌ ގެއެއް ، قلمٌ ގަލަމެއް ، رجلٌ ފިރިހެނެއް ، بنتٌ އަންހެންކުއްޖެއް.

بيتٌ: 

ގެއެއް: އޭގައި ހުރިހާ ގެއެއް ޝާމިލުވެއެވެ. އަދި އެއީ ކަނޑައެޅިފައިވާ ވަކި ގެއެއް ނޫން.

المَعْرِفَةُ : ކަނޑައެޅިގެން ކޮންއެޗެއްކަން އެނގޭ އެއްޗެއް (ޢައްޔަނު ވެފައިވާ ނަން).

މިސާލު: البيتُ ގެ ، القلمُ ގަލަން ، الرجلُ ފިރިހެންމީހާ ، البنتُ އަންހެންކުއްޖާ.

البيتُ: 

ގެ: އޭގެޒާތުގައި ކަނޑައެޅިގެން ވަކި ގެއެއްކަން ދަލީލުކޮށްދޭ.

* ކަލިމައަކަށް اَلْ ވަންނައިރު (ޢައްޔަނުވާ ނަމަކަށް ބަދަލުވާއިރު) އެކަލިމައިގެ ތަންވީނު 

(  ٌ   ً   ٍ ) (التَّنْوِينُ) ފުހެވޭނެއެވެ.

الْجُمْلَةُ الاِسْمِيَّةُ އިސްމިއްޔަ ޖުމުލަ

الْجُمْلَةُ الاِسْمِيَّةُ:

އިސްމިއްޔަ ޖުމުލަ:  އެއީ ނަމަކުން (اسم) ފެށިފައިވާ ޖުމުލައެއް، އަދި އެއިން ފުރިހަމަ މާނައެއް ދޭހަވެއެވެ.

مُحَمَّدٌ طَالِبٌ. މުޙައްމަދަކީ ކިޔަވާކުއްޖެކެވެ.         الْبَابُ مُغْلَقٌ. ދޮރުހުރީ ލައްޕާފައެވެ. 

الْمِنْدِيلُ وَسِخٌ. ރުމާ އޮތީ ހަޑިވެފައެވެ.             هُوَ مُسْلِمٌ. އޭނައަކީ މުސްލިމެކެވެ.