ޢަރަބި ބަހުގެ ފިލިތަކާއި ފިލިޖެހިފައިވާ ޙާލަތްތައް.

އިބިފިލި  كَسْرَةٌ (  ِ )  އަބަފިލި  فَتْحَةٌ (  َ )

އުބުފިލި  ضَمَّةٌ (  ُ )  ސުކުން  سُكُوْن (  ْ ) 

ތަންވީނު تَنْوِيْن   (  ٌ   ً   ٍ)

ކަލިމައިގެ ފަހަތު އަކުރުގައި އުބުފިލި ޖެހިފައި އޮންނަ ޙާލަތަށް ކިޔަނީ مَرْفُوعٌ (މިސާލު : البَيْتُ)

ކަލިމައިގެ ފަހަތު އަކުރުގައި އަބަފިލި ޖެހިފައި އޮންނަ ޙާލަތަށް ކިޔަނީ مَنْصُوبٌ (މިސާލު : البَيْتَ)

ކަލިމައިގެ ފަހަތު އަކުރުގައި އިބިފިލި ޖެހިފައި އޮންނަ ޙާލަތަށް ކިޔަނީ  مَجْرُورٌ (މިސާލު : البَيْتِ)

ކަލިމައިގެ ފަހަތު އަކުރުގައި ސުކުން ޖެހިފައި އޮންނަ ޙާލަތަށް ކިޔަނީ مَجْزُومٌ (މިސާލު : اِذْهَبْ)

ކަލިމައިގެ ފަހަތު އަކުރުގައި ތަންވީނު ނިސްބަތްވާނީ އޭގެ އަޞްލު ފިއްޔަށެވެ. (މިސާލު : بَيْتٌ ، بَيْتًا ، بَيْتٍ)

هَذَا: 

މި: ކައިރީގައިވާ (قَرِيْبٌ)، ފިރިހެން ޖިންސުގެ (مُذَكَّرٌ)، ބުއްދި ހުންނަ (عَاقِلٌ)، އަދި ބުއްދި ނުހުންނަ (غَيْرُ عَاقِلٍ)، އެކައްޗަށް (مُفْرَدٌ)، އިޝާރާތްކުރުމަށް ބޭނުންކުރާ ނަމެކެވެ (اِسْمُ إِشَارَةٍ ).

މިސާލު: هَذَا بَيْتٌ

މިއީ ގެއެކެވެ.

ذَلِكَ: 

އެ: ދުރުގައިވާ (بَعِيْدٌ)، ފިރިހެން ޖިންސުގެ (مُذَكَّرٌ)، ބުއްދި ހުންނަ (عَاقِلٌ)، އަދި ބުއްދި ނުހުންނަ (غَيْرُ عَاقِلٍ)، އެކައްޗަށް (مُفْرَدٌ)، އިޝާރާތްކުރުމަށް ބޭނުންކުރާ ނަމެކެވެ (اِسْمُ إِشَارَةٍ).

މިސާލު: ذَلِكَ مَسْجِدٌ

އެއީ މިސްކިތެކެވެ.

مَا: 

ކޮން އެއްޗެއް: ބުއްދިނެތް އެއްޗަކާމެދު ސުވާލުކުރަން ބޭނުންކުރާ ނަމެކެވެ.

مَا هَذَا؟:

މިއީ ކޮން އެއްޗެއް؟ : ކައިރީގައިވާ ބުއްދިނެތް އެއްޗަކާމެދު ކުރެވޭ ސުވާލެކެވެ.

މިސާލު: مَا هَذَا؟ هَذَا قَلَمٌ

މިއީ ކޮންއެއްޗެއް؟ މިއީ ގަލަމެކެވެ.

أَ: ސުވާލު ކުރުމަށްބޭނުންކުރާ ހަމްޒާއަކީ، އަކުރެކެވެ (حَرْفٌ). އޭގެ ޖަވާބަކީ "އާނ" (نَعَمْ) ނުވަތަ "ނޫން" (لَا) އެވެ.

މިސާލު: أَ هَذَا كِتَابٌ؟ لَا، هَذَا قَلَمٌ

މިއީ ފޮތެއްތަ؟ ނޫން، މިއީ ގަލަމެކެވެ.

مَنْ: 

ކާކު: ބުއްދި ހުންނަ މަޚްލޫޤުންނާއިމެދު (މަލާއިކަތުން، އިންސާނުން، ޖިންނީން) ސުވާލުކުރަން ބޭނުންކުރާ ނަމެކެވެ.

މިސާލު: مَنْ هَذَا؟ هَذَا مُدَرِّسٌ

މިއީ ކާކު؟ މިއީ ޓީޗަރެކެވެ.