EMOZIOETAN BARRENA IGERI EGINEZ

Atal honetan, gure antzezlan finalaren inguruko informazioa eskainiko da: zein den gaia, ze adin tarterentzat dagoen sortua, zer da lortu nahi duguna, zeintzuk diren pertsonaiak

SENTIMENDUAK ETA ANTZERKIA 0-3 BITARTEAN

Gai hau hautatu dugu gure ustez, adin goiztiarretatik emozioak heztea, epe luzeko garaipena delako. Bisquerrak (2003) esan zuen bezala, hezkuntza emozionalak gizabanakoaren garapen globala optimizatzea du helburu, gaur egun Haur Hezkuntzako helburu nagusienetariko bat dena (haurren garapen integrala). Beraz, Haur Hezkuntzako haurrekin emozioak lantzea, tendentzia eraikitzaileak areagotzeko eta deseraikitzaileak gutxitzeko lehen mailako prebentzio ez espezifikoa da.

Emozioak azalarazten dira barneko edo kanpoko gertaera bat erantzuteko. Jaiotzetik agertzen dira emozioak eta gure gizarte interakzioan baita nortasuna eraikitzen ere papera oso garrantzitsua betetzen dute. Bilakaeraren prozesu guztietan parte hartzen dute: komunikazioaren garapenean, gizarte ezagutzan, informazioaren pentsamenduan, atxikimenduan, moralaren garapenean, etab. Gainera, egunero hartzen ditugun erabakien iturria dira (López, 2005).

Piageten sailkapenari erreparatuz, gure antzezlanaren ikusleen adinetako haurrek estadio sentsoriomotorrean daude, gehienbat, estadio honek 0-2 urteko haurrak barne hartzen dituelako. Hauek: egokitzeko erreflexuetaz baliatzen dira, zentzumenetan oinarrituz haien mundua eraikitzen dute, jokaera motorra dute gehienbat, ez dute gauzen barne-adierazpena egiten eta haien pentsamendua ez da kontzeptuetan oinarritzen, irudiak gogoratzen dituzte, ikusitako jokaerak imitatzen dituzte Hala ere, hurrengo estadioko, operazio-aurreko estadioko, haurrak ere izango ditugu publiko gisa, hiru urtekoak ere egon daitezkeelako. Hauek: errealitatea irudien eta sinboloen bidez irudikatzen dute, egozentrismo garaian daude, hizkuntza garatuz gero iraganean eta etorkizunean pentsatzeko eta sozializatzeko gaitasuna dute.

Hau guztia dela eta, haurrak lehen mailako emozioen ezaugarriak ikastea eta ezberdintzea bilatzen dugu gure antzezlanaren bidez: beldurra, haserrea, harridura, tristura, alaitasuna eta maitasuna. Horretarako, estrategiaz eta oinarrizko gaitasun emozionalez baliatuko gara eta soinuaren, musikaren, argiaren eta koloreen bidez antzeztuko dizkiegu haurrei emozio hauek.

ZER LORTU NAHI DUGU?

1- Haurraren mundu emozionala kontutan hartzen duen antzezlan bat sortzea.

2- Dramatizazioak erabiltzen dituen arte hizkuntza desberdinen bidez, emozioak identifikatzeko, ezagutzeko eta adierazteko aukerak ematea.

Amorrua, tristura, harridura, maitasuna, alaitasuna eta beldurra sortzen duten egoera desberdinak errepresentatzea.
Amorrua, tristura, harridura, maitasuna, alaitasuna eta beldurra kudeatzeko modu desberdinak aztertzea eta proposatzea.
Atrezzo eta kolore desberdinak erabiliz, emozioak desberdintzen erakustea.

3- Haurrak gure antzezlanaz gozatzeko, haien adinerako egokia eta ohikoa den hizkera edota komunikazio moduak erabiltzea.

Jolasaren eta esplorazioaren bidez, haurrak antzezlanean murgiltzeko eta obraren parte sentitzeko aukera ematea.
Erabiliko den errutinaren bidez, haurrak istorioaren linealtasuna jarraitzea ahalbidetzea.

GURE ANTZEZLANA

Kantauri itsasoan igeri dabilen arrain batek hasiera emango dio istorioari. Bat-batean agertutako ur zurrunbilo baten ondorioz, itsaso psikodelikoan murgilduko da eta emozio desberdinekin igeri egiten ikasiko du. Gertaera bakoitzari, sentimendu eta kolore batek lagunduko dio, bizipen ezberdinak eskainiz.

PERTSONAIAK

LEHENENGO MAILAKOA

Arraina,

Grisa: hau neutroa da, emoziorik gabekoa. Beraz, bere hitzezko hizkuntza tonu normalekoa da eta erritmo nahiko monotonoa jarraitzen du. Gorputzari dagokionez, mugimendu sinple eta lasaiak egiten ditu keinu adierazgarririk egin gabe. Janzkera eta aurpegiari dagokionez, kolore grisak nagusituko dira, txuri kolorea zenbaitetan tartekatuz.
Horia: Arrain horiak, harridura adieraziko du. Honek, tonu nahiko altua erabiliko du eta horren intentsitatea ere horren araberakoa izango da, erritmoa gainera zenbaitetan 14 tartekatuz. Gorputza dinamikoa izango du eta eskuak zein aurpegiko keinuak oso nabariak izango dira. Bestalde, bere janzkera eta aurpegia sentimenduaren araberakoa izango da, kasu honetan hori kolorekoa.
Urdina: maitasunaren sentimenduari egingo dio erreferentzia. Hau, tonu goxo batekin mintzatuko da, erritmo lasai batekin lagunduz. Gorputzari dagokionez, lasai mugituko da eszenatokitik, era natural eta lasai batean. Janzkera eta aurpegiari dagokionez, kolore arroza izango da nagusi, bere sentimenduaren araberakoa delarik.
Arrosa: maitasunaren sentimenduari egingo dio erreferentzia. Hau, tonu goxo batekin mintzatuko da, erritmo lasai batekin lagunduz. Gorputzari dagokionez, lasai mugituko da eszenatokitik, era natural eta lasai batean. Janzkera eta aurpegiari dagokionez, kolore arroza izango da nagusi, bere sentimenduaren araberakoa delarik.
Gorria: Arrain gorria, haserrea adieraziko du. Honek, tonu oso altua eta gogorra erabiliko du. Intentsitatea ere, horren araberakoa izango da, erritmo azkarrarekin lagundua. Gorputza berriz, nahiko estatikoa erabiliko du, ziurtasuna eta haserrea adierazteko. Azkenik, janzkera eta aurpegiak kolore gorriz estaliko ditugu, haserre sentimenduaren araberakoak direlarik.
Beltza: Beltza kolorea erabiliko dugu, arrain beldurtia adierazteko. Honek, nahiko tonu baxuan hitz egingo du eta erritmoari dagokionez tartekakoa izango da. Gorputza uzkurtuta izango du gehien bat eta kostata ibiliko da eszenatokian zehar. Bestalde, janzkera eta aurpegia ere kolore beltzarekin estalita izango ditu, beldurrarekin erlazionatzeko.
Kolore Anitzak: Azken arrainak, kolore ugari izango ditu eta honek alaitasuna adieraziko du. Bere tonua, ozena eta indartsua izango da, erritmoa berriz, azkarra eta jarraia izanik. Gorputza, oso dinamikoa izango da eta errez mugituko da eszenatoki guztia bereganatuz. Janzkera eta aurpegian eramango duen makillajeari dagokionez, kolore alaiak eta biziak nagusituko dira, alaitasuna adierazteko nahian.

BIGARREN MAILAKOAK

Marmoka

Ongietorriko marmoka, 0. ekitaldian, hau da, harreran, bakarrik parte hartuko du, eta haurrak inguruan ondo sentitzen eta itsasoaren aurkezpena egiten saiatuko da. Honek, tonu suabean hitz egingo du eta lasaitasuna transmititzen saiatuko da. Marmoka, kolore gardenaz eginda egongo da errealtasuna emateko nahian.

Itzala ( laguna)

Bigarren ekitaldiaren lehengo agerraldian bakarrik parte hartuko duen bigarren mailako pertsonaia da eta gure protagonistarekin ezkutaketetan jolasean ibiliko da desagertu arte. Honek ahots zorrotza izango du eta bihurri puntua adierazteko ahots bolumen altua ere izango du.

Ama

Arrainaren ama (itzala) berriz, laugarren ekitaldian bakarrik agertuko den pertsonaia da hau, ekitaldi horretan landuko dugun emozioaren transmisiorako ezinbestekoa izango da eta haurren bizitza hurbilarekin lotura zuzena egingo du, haur-munduan amaren figura garrantzi handikoa baita. Beraz, honen ahots tonua baxua izango da, goxotasuna zein lasaitasuna transmititzeko.