2025-ci il noyabrın 4-də Azərbaycan Milli Elmlər Akademiyasının 80 illik yubileyi çərçivəsində AMEA ilə bir sıra ölkələrin Elmlər Akademiyaları və akademik qurumları arasında anlaşma memorandumunun imzalanma mərasimi olub. AMEA ilə İtaliya Milli Elmlər Akademiyası, AMEA ilə Qazaxıstan Respublikası Prezidenti yanında Qazaxıstan Respublikası Milli Elmlər Akademiyası, həmçinin AMEA ilə Dünya Azərbaycanlı Alimlər Birliyi (DAAB) arasında anlaşma memorandumları imzalanıb.  

AMEA ilə DAAB arasında anlaşma memorandumları imzalanıb

Dünya elmində ən yüksək təltiflərdən (“kiçik Nobel mükafatı”) sayılan Humboldt mükafatının ilk azərbaycanlı laureatı, Almaniyanın Münxen şəhərindəki “Helmholtz” Elmi-Tədqiqat Mərkəzinin Dinamik sistemlər şöbəsinin müdiri, Əməkdar elm xadimi, fizika-riyaziyyat elmləri doktoru, professor Məsud Əfəndiyev AMEA-nın 80 illik yubileyi ilə əlaqədar açıqlama verib. 

Professor Məsud Əfəndiyev: “AMEA bütün dövrlərdə öz prinsiplərinə sadiq qalıb” 

Dünya Azərbaycanlı Alimlər Birliyinin Elmi katibi, Kanadada yaşayan Azərbaycanlı alim, York Universitetinin Professoru Yulduz Rəhimov 29 oktyabr 2025-ci il tarixində ADA Universitetinin Qazax Mərkəzinə səfər edib. Səfər ADA Universitetinin Təsisçi Rektoru və Qazax Mərkəzinin yaradıcı ideya müəllifi olan Hafiz Paşayevin təşəbbüsü ilə həyata keçirilib. Ziyarətdə İtaliyanın Roma Tor Vergata Universitetinin magistrantı Nicat Rəhimli də iştirak etmişdir. Mərkəzin sədri Yeganə Göyüşova qonaqlara Mərkəzin fəaliyyəti, tarixi binaların bərpası və inkişaf məqsədləri haqqında geniş məlumat təqdim edib.

Qazax Müəllimlər Seminariyasının tarixi binasında 2022-ci ilin oktyabrından fəaliyyət göstərən ADA Universiteti Qazax Mərkəzi həm regionun tarixi irsini qoruyur, həm də bölgəyə müasir və innovativ təhsil mühiti gətirir. Kompleksin memarlığı orijinal üslubuna uyğun olaraq yüksək səviyyədə bərpa olunub, ətraf ərazi abadlaşdırılaraq müasir kampus infrastrukturuna çevrilib. Tələbələr üçün rəqəmsal tədris avadanlıqları ilə təchiz edilmiş dərs otaqları, geniş kitabxana, oxu və müzakirə sahələri, komfortlu sosial məkanlar və dekorativ bitgilərlə bəzədilmiş yaşıl istirahət zonaları yaradılıb.

Mərkəzdə yaşayan pedaqoji heyət üçün inşa edilmiş Müəllimlər Evi tam şəraitli yaşayış imkanları ilə təmin olunub. Tikinti prosesi zamanı, əvvəllər həmin ərazidə yaşayan sakinlər üçün ədalətli kompensasiya verilməsi layihənin sosial məsuliyyət prinsiplərinə uyğun şəkildə həyata keçirildiyini göstərir. Eyni zamanda ADA Qazax Mərkəzində tələbələr üçün nəzərdə tutulmuş yataqxana da tam şəraitli, funksional və müasir standartlara cavab verən yaşayış mühiti təmsil edir. Tələbə yataqxanası geniş otaqlar, istirahət sahələri, oxu və qrup işləri üçün müasir məkanlarla təchiz olunub, həmçinin əlilliyi olan tələbələr üçün xüsusi uyğunlaşdırılmış şərait nəzərdə tutulub.

Mərkəzin tədris kompleksinə daxil olan XIX əsrə aid yerli əhəmiyyətli tarixi İsrafil Ağa hamamı da bərpadan sonra mədəniyyət və yaradıcılıq məkanına çevrilib. Hamamın daxilində Qazax xalçaçılıq məktəbinə aid nümunələri bir araya gətirən muzey və yerli gənclər üçün rəsm dərnəyi fəaliyyət göstərir. Bu tarixi məkan kiçik həcmli musiqili, ədəbi və mədəni tədbirlərin təşkili üçün ideal şəraitə malikdir və Seminariyanın tarixi ruhunu müasir yaradıcılıq ilə birləşdirir.

Səfər zamanı DAAB elmi katibi və ADA Universiteti Qazax Mərkəzinin rəhbərliyi arasında aparılan müzakirələr xüsusilə səmimi və ilhamverici atmosferdə keçib. Tərəflər elmi şəbəkənin genişləndirilməsi, birgə tədqiqat layihələrinin həyata keçirilməsi və akademik mübadilə imkanlarının artırılması ilə bağlı fikirlərini bölüşərkən həm Qazaxın tarixi elmi irsinə, həm də burada formalaşan yeni təhsil mühitinə böyük dəyər verildiyini vurğulayıblar. Regionun elmi-mədəni potensialının gücləndirilməsi, gənclərin elmə bağlılığının artırılması və Qazaxın intellektual mərkəz kimi yenidən dirçəlməsi istiqamətində irəli sürülən ideyalar görüşə xüsusi ruh qatıb. Səfər hər iki tərəf üçün yeni əməkdaşlıq imkanlarının formalaşdırılmasına töhfə verən əhəmiyyətli addım kimi yadda qalacaq.

Bakı Dövlət Universitetinin (BDU) Tətbiqi riyaziyyat və kibernetika fakültəsinin məzunu, Kanadanın Toronto şəhərindəki York Universitetinin professoru DAB İdarə Heyətinin üzvü və elmi katibi Yulduz Rəhimov ilə görüş keçirilib. Görüşdə  fakültənin professor-müəllim heyəti, tələbə və doktorantları iştirak ediblər. Professor Yulduz Rəhimov “Ədədlər nəzəriyyəsi və kriptoqrafiya” mövzusunda ustad dərsi keçib.  

BDU məzunu, Kanadanın York Universitetinin professoru Yulduz Rəhimovun ustad dərsi 

Bakı Dövlət Universitetinin (BDU) Tətbiqi riyaziyyat və kibernetika fakültəsinin məzunu, DAAB İdarə Heyətinin həmsədri Dr. Bəxtiyar Siracovla görüş keçirilib. 

Tədbirdə BDU-nun elm və innovasiyalar üzrə prorektoru Hüseyn Məmmədov, Tətbiqi riyaziyyat və kibernetika fakültəsinin dekanı Ələkbər Əliyev, fakültənin müəllim və tələbələri iştirak ediblər.

Fakültə dekanı Ələkbər Əliyev qeyd edib ki, Tətbiqi riyaziyyat və kibernetika fakültəsinin məzunları dünyanın müxtəlif ölkələrində, o cümlədən Azərbaycanda uğurla fəaliyyət göstərir, yüksək vəzifələrdə çalışırlar. Belə məzunlardan biri də Nobel Sülh Mükafatına layiq görülən Bəxtiyar Siracovdur. Ələkbər Əliyev Norveç Sülh Komitəsinin qərarı ilə 2005-ci ildə Nobel Sülh mükafatına layiq görülən və uzun illər Atom Enerjisi üzrə Beynəlxalq Agentliyin (AEBA) məsul əməkdaşı olan məzunumuzun həyat yolu haqqında tələbələrə məlumat verib, belə görüşlərin tələbələrin inkişafında önəmli rol oynadığını vurğulayıb.

Bəxtiyar Siracov bildirib ki, 1974-1979-cu illərdə BDU-nun Tətbiqi riyaziyyat və kibernetika fakültəsində təhsil alıb. O, məzunu olduğu universitetdə tələbələrlə görüşdən məmnunluğunu ifadə edib. Qonaq tələbəlik illərindən tutmuş AEBA-dakı fəaliyyətinədək keçdiyi yol barədə ətraflı məlumat verib, elmin inkişafına gənclərin töhfəsinin vacibliyini vurğulayıb. O, bilik və təcrübələrindən bəhrələndiyi Azərbaycan alimlərini minnətdarlıqla yad edib, onların yetirmələrinin bu gün dünyanın nüfuzlu universitetlərində, elm mərkəzlərində çalışdığını fəxrlə bildirib.

Qeyd olunub ki, 2005-ci ildə Norveç Sülh Komitəsinin qərarı ilə AEBA və onun Baş Direktoru Məhəmməd əl-Baradei nüvə enerjisinin hərbi məqsədlər üçün istifadəsinin qarşısının alınmasında və nüvə enerjisindən dinc məqsədlər üçün təhlükəsiz şəkildə istifadə edilməsinin təmin edilməsində göstəridikləri xidmətlərə görə Nobel Sülh Mükafatına layiq görülüblər. Bəxtiyar Siracov da məhz o tarixdən AEBA-da çalışan digər əməkdaşlarla bərabər Nobel Sülh Mükafatını alanlar sırasındadır.

Sonra Bəxtiyar Siracov tələbələrin suallarını cavablandırıb.

Azərbaycanlı tədqiqatçı-alim Seymur Nəsirov Misir Ərəb Respublikası ilə Azərbaycan Respublikası arasında elmi-mədəni əlaqələrin inkişafında xidmətlərinə görə Misir Təhsil Nazirliyinin medalı ilə təltif olunub.

AZƏRTAC xəbər verir ki, mükafatı ona Bakıda Misir Mədəniyyət Mərkəzinin direktoru professor Tariq Əbu Futuh təqdim edib. S.Nəsirov Misirdə Azərbaycan diasporunun sədri, Misir-Azərbaycan Dostluq Cəmiyyətinin İdarə Heyətinin sədri, Qahirə Universitetində Azərbaycan dili müəllimi, Dünya Azərbaycanlı Alimlər Birliyinin həmtəsisçisi və həmsədridir.

Azərbaycanlı alim Misir Təhsil Nazirliyinin medalı ilə təltif olunub 

Misir Prezidenti Əbdül Fəttah əl-Sisi azərbaycanlı tədqiqatçı-alim Seymur Nəsirovu birinci dərəcəli “Elm və Fənlər” ordeni ilə təltif edib.

AZƏRTAC xəbər verir ki, Misir Prezidentinin şəxsən özü tərəfindən təqdim olunan bu orden elmin inkişafı və yayılması sahəsində müstəsna xidmətləri olmuş görkəmli alim və maarifpərvər şəxslərə verilir.

Misir Prezidenti azərbaycanlı alimi birinci dərəcəli ordenlə təltif edib 

Səadət Kərimi Qarabağ Universitetinə qatqı verə bildiyi üçün şərəf və məmnuniyyət hissi duyduğunu, Azərbaycan Respublikasının sürətlə aparılan quruculuq işlərində, o cümlədən Elm və Təhsil sahəsində, yaxından iştirak edə bildiyim üçün mutlu olduğunu bildirir.

Səadət Kəriminin fikrincə, kursun mütəmadi olaraq hər semesterdə yeni işə qəbul olunmuş ali məktəb müəllimləri üçün verilməsi məqsədə uyğundur. Azərbaycan Respublikasının müxtəlif universitetlərindən müəllimlər bu kursu (distant) oxuya bilərlər. Bu kurs İsveçdə bir neçə universitetdə verilir və İsveçin hər yerindən, müxtəlif universitetlərdən olan müəllimlər və doktorandlardan bu kursu həmin universitetlərin birində oxumaq tələb olunur və zəmin yaradılır. Tədris Canvas öyrənmə idarəetmə sistemi (Canvas learning management system) və ya bu kimi başqa sistem vasitəsilə universitetin digər sistemlərinə (məsələn, dəyərləndirmə administrasiyası, kitabxana və s.) bağlanaraq effektiv aparıla bilər. Canvas-da tələbələr cari kursları üçün kurs otaqları, məsələn, öyrənmə resursları, tapşırıqlar/imtahan instruksiyaları və nəticələri tapa biləcəkləri rəqəmsal məkan əldə edə bilirlər.

Aşağıda Göteborq Universitetinin Canvas Support tərəfindən təmin edilən Canvas-da Canvas Manual təlimatları var.

https://canvas.gu.se/courses/20995/pages/in-english

Siz həmçinin Canvas və onun necə istifadə edilməsi haqqında ətraflı məlumatı provayderin təlimatlarında tapa bilərsiniz (İngilis dilində).

https://community.canvaslms.com/t5/Student-Guide/tkb-p/student

Müzakirə və təklifləriniz, həmçinin sonrakı əməkdaşlıq üçün əlaqə bilgiləri

Telefon: + 46 70 46 48 650

Email: saadat.karimi@edu.lidkoping.se, saadat953@hotmail.com

Azərbaycan Respublikasının Elm və Təhsil Nazirliyi nəzdində Radiasiya Problemləri İnstitutu, Azərbaycan Memarlıq və İnşaat Universiteti, Türkiyənin Ege Universiteti, Tbilisi Dövlət Universitetinin Qeyri-üzvi Kimya və Elektrokimya İnstitutu, Azərbaycan Respublikasının Fövqəladə Hallar Nazirliyinin Akademiyası və Özbəkistanın Qarşi Dövlət Universiteti 10–12 sentyabr 2025-ci il tarixlərində “HƏRBİ MÜNAQİŞƏLƏRİN ƏTRAF MÜHİTƏ TƏSİRİ” mövzusunda beynəlxalq konfrans keçirəcəklər.

Bu elmi tədbirin əsas məqsədi — müxtəlif ölkələrin hərbi münaqişələrin ətraf mühitə dağıdıcı təsirləri və ekoloji bərpa sahəsində topladıqları məlumat və təcrübələrin paylaşılması, eləcə də bu istiqamətdə beynəlxalq əməkdaşlığın qurulmasıdır.

Konfransda münaqişələrin səbəbləri və məsuliyyətləri ilə bağlı siyasi müzakirələrə yol verilməyəcək. Tədbirin diqqət mərkəzində yalnız münaqişələrin ətraf mühitə olan təsirləri olacaq.

Konfransın açılış mərasimi və plenar iclası Bakıda keçiriləcək. İkinci və üçüncü günlər üzrə bölmə iclasları isə işğaldan azad olunmuş ərazilərdə təşkil olunacaq.

Konfransın Bölmələri:

Bölmə 1. Müasir hərbi əməliyyatlarda istifadə olunan texnologiyalar və kimyəvi maddələr (10 sentyabr, 10:00–13:00)

Bölmə 2. Hərbi fəaliyyətlərin flora və faunaya təsiri. Meşə yanğınları və onların CO₂ emissiyalarına töhfəsi (10 sentyabr, 14:00–16:00)

Bölmə 3. Su hövzələrində hərbi əməliyyatların ekoloji təhlükələri və dib çöküntülərinə təsiri (11 sentyabr, 14:00–18:00)

Bölmə 4. Müharibədən zərər görmüş ərazilərin ekoloji bərpası üzrə beynəlxalq əməkdaşlığın qurulması. Tematik ekskursiya, konfransın bağlanışı və Bakıya qayıdış (12 sentyabr, 10:00–17:00)

Konfransın iş dilləri İngilis və Azərbaycan dilləridir.

Qəbul olunan bütün tezislər konfrans materiallarında dərc olunacaq.

Tezislərin Göndərilməsi Qaydaları:

Tezislər ingilis dilində yazılmalı və aşağıdakı formatlaşdırma qaydalarına uyğun hazırlanmalıdır: 

• Cədvəllər, şəkillər və istinadlar daxil olmaqla A4 formatında 1 səhifə

• Səhifə parametrləri: yuxarı və aşağı kənar – 2 sm, sol – 3 sm, sağ – 1.5 sm

• Şrift: Times New Roman, 12 pt

• Sətirarası məsafə: single

• Format: MS Word 

Tezis başlıqları səhifənin ortasında yerləşməli və aşağıdakı formatlaşdırma qaydalarına uyğun olmalıdır: 

• Ad: böyük hərflərlə, qalın (bold), 12 pt

• Müəllif(lər): qalın (bold), 12 pt

• Təşkilat (affiliation): Kursiv (italic), 12 pt

• Müəlliflərin E-mail ünvanları

Tezislərin təqdim olunma son tarixi: 31 iyul 2025

Konfransın veb saytı: http://www.conferencerpi25.az

Tezisləri veb sayt vasitəsilə və ya e-poçtla göndərmək mümkündür:  📧 E-mail: office@conferencerpi25.az

The Institute of Radiation Problems under the Ministry of Science and Education of the Republic of Azerbaijan, Azerbaijan University of Architecture and Construction, Ege University of Turkey, Institute of Inorganic Chemistry and Electrochemistry Tbilisi State University, Academy of Ministry Emergency situations of AR and Garshy State University of Uzbekistan will host an International Conference titled "ENVIRONMENTAL IMPACT OF MILITARY CONFLICTS" on September 10-12, 2025. 

The primary objective of this scientific event is to exchange the data from various countries concerning the destructive effects of military conflicts on the environment and experience in environmental rehabilitation, and to establish international cooperation in this area. 

The conference will not allow political discussions about the causes and responsibilities of conflicts, but will only discuss the impact of conflicts on the environment. The opening ceremony and plenary session will take place in Baku, while sessions on the second and third days will be held in the liberated territories. 

Conference Topics: 

Section 1. Techniques and chemicals used in modern military operations (September 10, 10:00-13:00) 

Section 2. Impact of military activities to the fauna and flora. Forest fires caused by military activity and their contribution to COz emissions (September 10, 14:00-16:00) 

Section 3. Environmental hazards of military operations in water bodies and their bottom sediments (September 11, 14:00-18:00) 

Section 4. Establishing international cooperation for the ecological rehabilitation of war-torn areas. Thematic tour, closing of the conference and return to Baku (September 12, 10:00-17:00) 

Conference languages are English and Azerbaijani 

All accepted presentation abstracts will be published. 

Abstract Submission Guidelines: 

Abstracts should be written in English and prepared according to the following formatting guidelines: 

• 1 page (A4 size), including tables, figures, and references; 

• Margins: top and bottom - 2 cm, left - 3 cm, right - 1.5 cm; 

• Font: Times New Roman, 12 pt; 

• Lline spacing: single; 

• File format: MS Word. 

The abstract headings should be centered and follow these formatting rules: 

• TITLE - all capital letters, bold, 12 pt; 

• AUTHORS - bold, 12 pt; 

• AFFILIATION - italic, 12 pt; 

• Authors' email addresses. 

Submission Deadline: July 31, 2025 

Conference Website: http://www.conferencerpi25.az/ 

Abstracts may be submitted via the website or by email: 

E-mail: office@conferencerpi25.az

85 ölkədən 1000-ə yaxın soydaşımızın iştirakı ilə videokonfrans keçirilib (23.01.2025) 

Azərbaycan diasporunun inkişafı və əsas hədəfləri 

Azərbaycan Rəssamlığı 

YouTube Video

15 oktyabr 2024-cü il tarixində Dünya Azərbaycanlı Alimlər Birliyinin (DAAB) İdarə Heyətinin üzvləri və Qarabağ Universitetinin rəhbər heyəti arasında görüş keçirilib. DAAB-ın təşəbbüsü ilə onlayn formatda keçirilən görüş tədris, elmi-tədqiqat, eləcə də Qarabağ Universitetinin beynəlxalq səviyyədə tanınması və nüfuzunun gücləndirilməsi istiqamətlərində əməkdaşlıq imkanlarının müzakirəsi məqsədi daşıyıb. 

Ətraflı aşağıdakı linklərdə: