XARİCDƏ YAŞAYAN AZƏRBAYCANLI ALİMLƏRİN FORUMU
9-11 sentyabr 2024, Bakı, Azərbaycan
Azərbaycan Respublikası Diasporla İş üzrə Dövlət Komitəsi
və
Azərbaycan Respublikası Elm və Təhsil Nazirliyinin
dəstəyi ilə keçirilir
Embedded Files
Dünyanın müxtəlif ölkələrində yaşayan Azərbaycanlı ziyalılar olaraq, forumun təşkili və keçirilməsində məqsədimiz elm və texnologiya, beynəlxalq hüquq və münasibətlər, enerji, təhsil, səhiyyə, sosial elmlər və mədəniyyət sahələrində qısa, orta və uzunmüddətli strateji planların hazırlanması və icrası vasitəsilə Azərbaycana töhfə verməkdir.
Açılış, plenar və yekun iclaslar, eləcə də sessiyalar sentyabrın 9-10 tarixlərində Bakının Gülustan sarayinda keçiriləcəkdir.
Sentyabrın 11-də isə forum iştirakçıları Xankəndidə Qarabağ universitetini ziyarət edəcək, Şuşa şəhərinə gedəcəklər.
TƏDBİRLƏRİN GÜNLƏR ÜZRƏ BÖLGÜSÜ
9 Sentyabr
9 Sentyabr
Bakı, Gülüstan Sarayı
Forum iştirakçıkarının qeydiyyatdan keçməsi, döş nişanlarının paylanması, Ümimmilli Lider Heydər Əliyevin məzarının və şəhidlər xiyabanının ziyarəti, açılış, plenar iclaslar keçirilir. Azərbaycan dövlət rəsmilərinin məruzələri təqdim edilir.
Birinci panel iclası keçirilir. DAAB İdarə Heyətinin üzvləri qısa məruzələr təqdim edirlər. Moderatorun vasitəçiliyi ilə panel üzvləri ilə DAAB-ın missiyası, vizyonu, dəyərləri, İstanbul təsis toplantısı, orada müzakirə olunan məsələlər və alınan qərarlar və s. haqqında dialoq aparılır.
Universitetlərin, digər ali təhsil müəssisələrinin, Azərbaycan Milli Elmlər Akademiyasının, və müxtəlif nazirliklərin rəhbər işçilərinin iştirakı ilə birlikdə ümumi maraq doğuran məsələlər ətrafında panel müzakirələri aparılır.
10 Sentyabr
10 Sentyabr
Bakı, Gülüstan Sarayı
Forum iştirakşıları iki sessiyada müzakirələr aparırlar. Səhər sessiyasında qarışıq şəkildə formalaşdırılmış (məşğul olduğu elm sahəsindən, ixtisasından, yaşadığı ölkədən asılı olmayaraq) qrup iştirakçıları öncədən tövsiyə olunan mövzuları araşdıraraq növbəti sessiya üçün qrupun əksəriyyətinin tərcih edəcəyi prioritet mövzuları müəyyənləşdirirlər.
Nahardan sonra isə elm sahələri üzrə təşkil olunmuş qruplar səhər sessiyasında prioritet olaraq tərcih olunmuş mövzular ətrafında müzakirələr aparırlar.
İştirakçılar DAAB-ın strateji planlarının hazırlanması üzərində işləyirlər. Yekun iclasda qısa, orta və uzaq vədəli strategiyalar müzakirə olunub qəbul edilir.
Axşam iştirakçılara rəsmi ziyafət verilir.
11 Sentyabr
11 Sentyabr
Xankəndi, Qarabağ universiteti - Şüşa
Xankəndidə Qarabağ Universitetinə ziyarət, Şuşaya səyahət
Page updated
Google Sites
Report abuse